2021-01-30 00:07:36
Notanish tuyg‘ular haqida qo'shiq...
“Men seni sevaman”
Bor katta ko‘cha,
Sening xohishingdan nima ishim bor.
Arazlab yurishmi, yursang yuraver,
Endi arazlaring qilmas menga kor.
Quyosh nazarimdan ko‘karar osmon,
Yum-yum yoshlarimday yumalaydi yer.
Atrof janonlarga to‘lgan paytda
Manov arazchidan boshqa yo‘qmi der!
Shoirga yarashar shoirday yashash,
Qizning nozini ham yigit ko‘tarar.
Sensiz kechalarni so‘zlamasman lek
Shafaqlar har tongda yurakdan otar.
Kechirgin, men senga qildim xiyonat
Topganim labingdan tomgan kulgichlar.
Senga bag‘ishlangan umrim omonat
Ko‘zingda toshqindek junun* sog‘inchlar.
Olis-olislarda mudraysan uzoq
Bir so'z deyolmaysan kimdan uyalib.
"Muhabbat azob-u, muhabbat - tuzoq",
Ishqim qolaverdi dardga suyanib.
Mendan na do‘st chiqdi, na yaxshi oshiq,
Sezarman lablaring titroqlarini.
"Yashirib charchaydi nega sevgilim
Qondek alvon bo‘lgan yanoqlarini".
Qo‘lingdan ne kelar, qo‘ygan bo‘lsam ishq...
Oynakka cho‘lg‘angan ko'zlaring aytsin.
Kulgim kelib ketar o‘lgim kelgandan
Asliga qaytsin-o
Asliga qaytsin...
● Sanjar Mashriqiy
*junun - aqldan ozgan.
t.me/konservativ_tribunal
73 viewsedited 21:07