Камолиддин Раббимов

2022-08-28 09:43:37 Украина-Россия урушининг иккита муҳим қисми бор. Постсовет ҳудудидан ташқари бўлган давлатлар, мисол учун, Саудия Арабистони, Араб Амирликлари еки бошқа кўплаб давлатлар, бу урушни “АҚШ-Россия геосиёсий уруши” сифатида қабул қилади. Бундай қарашда, албатта, асос бор.
*
Лекин, постсовет ҳудуди, бу урушга мутлақ бошқача қарайди ва қараши керак. Постсовет ҳудуди учун, бу “Россиянинг империячилик уруши” сифатида қабул қилинади. Мисол учун, қўшни Қозоғистон, бу урушдан сўнг, Россиядан жуда совуди, иккаласи кўп айтишиб қолаяпти. Менимча, ҳали Қозоғистон атрофида РФ томонидан кўп зўриқишлар бўлади.
*
Постсовет ҳудудида Россиядан қўрқиш учун тўлиқ асос шаклланиб бўлди. Бугун Москвадаги сиёсатчилар ва интеллектуаллар эрталабдан-кечгача СССР гимнини айтиб, машқ қилишмоқда... Қизил байроқларни чанг подваллардан олиб, ювиб, дазмоллашмоқда. Лекин, бу қизил байроқларни авваламбор Киев биноларига осишни режа қилишмоқда.
*
Энди, ўзбекистонликларнинг ҳам катта бир қисми, бу урушга ташқи дунё қаби “АҚШ-Россия геосиёсий тирашуви” призмаси орқали қараяпти. Лекин Ўзбекистон, Марказий Осиё бу урушга ўзининг давлат мустақиллиги, ўзининг эрки ва қард-қиммати орқали қараши керак. Бу урушда Украина ютқазса, аниқки, Марказий Осиё ҳам мутлақ ютқазган бўлади.

@KamoliddinRabbimov_rasmiy Ochish/sharhlash

2022-08-27 07:36:13 Абдувоҳидов ва Камаловни ишдан кеткизган сабаблар – таҳлилчилар билан суҳбат

@KamoliddinRabbimov_rasmiy Ochish/sharhlash

2022-08-27 07:35:52 Абдувоҳидов ва Камаловни ишдан кеткизган сабаблар – таҳлилчилар билан суҳбат

@KamoliddinRabbimov_rasmiy Ochish/sharhlash

2022-08-25 16:13:02 Ўзбекистондаги энг оғир масалалардан бири – бу йўл ҳаракати хавфсизлиги. Ўтган йилни охирлари бўлса керак, Президент Мирзиёев “Ўзбекистонда одамлар кўпроқ, ковиддан эмас, йўл халокатидан вафот этаяпти” деганди. Давлат ва жамият – узвий бир организм. Йўлларда юрар экансиз, одамлар бир-бирини у қадар ҳурмат қилмаслигини кўриш мумкин. Ҳамма ўзишга, бошқаларни йўлини олишга, бошқаларга йўл бермасликка ҳаракат қилади. Ҳамма жуда шошилади. Лекин бир-икки минутни деб, қолган умрни ютқазиб қўйишни ўйлашмайди.
*
Мени энг кўп ажаблантирган ва асаблантирган нарса – автомобил ҳайдовчилари хавфсизлик масофасини (дистанция безопасности) сақламайди. Хавфсизлик масофаси – транспортда ҳаракат қилаётган инсонлар хавфсизлигининг энг муҳим шарти. 70-80-100 км соат тезликда ҳаракат қилаётган ҳайдовчи, кўпинча, мошинанинг орқасида 1-2 метр жой қолдириб, фарани еқиб ўчираверишни сайёрамизнинг бошқа давлатларида кўрмаганман.
*
90-100 км.соат тезликда ҳаракат қилаётган транспортнинг орқасидаги мошина, камида 70-80 метр масофа сақлаши керак, агар ёмғир еки қор ёғаётган бўлса – 100-120 метр бўлиши керак. Лекин, Ўзбекистонда ҳеч ким бу масофага риоя қилмас экан. Тошкентдан Самарқанд томон юрганингизда, айниқса, 70 рақамли ҳайдовчилар алоҳида ажралиб туришади, масофага риоя қилиш жуда паст...
*
Савол туғиладики, умуман, Ўзбекистонда ҳайдовчилик гувоҳномаси олишда “хавфсизлик масофаси” деган тушунчани ўргатишадими? Екин, ҳайдовчиларнинг мутлақ аксарияти ўқимасдан гувоҳнома олишганми? Энди, қандай қилиб ўқимасдан гувоҳнома олишни, Ўзбекистондагилар жуда яхши билишади...

@KamoliddinRabbimov_rasmiy Ochish/sharhlash

2022-08-24 16:04:56 Украинадаги урушга ярим йил тўлмоқда. Бугун Украина нафақат ўзининг давлат мустақиллиги, худудий яхлитлиги ва миллий қадр-қиммати учун курашмоқда, балки бу курашнинг оқибатларини бутун бир постсовет ҳудуди ўз танасида ҳис қилади. Иқтисодий қийинчиликларга қарамасдан, 1990 йилларда Россияда сиёсий оптимизм бор эди. 2010 йилларга келиб, Россия ўзининг геосиёсий қутбини яратмаса – “глобаллашган дунёда истиқболим сўниб бораркан” деган хулосага келди.
*
Кейинги икки ўн йилликда Кремль катта интеграцион лойиҳалар бошлади. Бу лойиҳаларнинг энг катта ва энг оғир ўлжаси, Украина эди. Украина собиқ СССР даврида ҳам РСФСРдан кейинги иккинчи катта республика эди, собиқ иттифоқнинг учдан бир иқтисодий улуши расмий Киевга тўғри келарди.
*
Тадқиқотчилар, мустаҳкам интеграциялар асосида яқин еки айни ўзликлар туришини айтишади. Лекин, тарих кўрсатадики, яқин ўзликлар энг оғир ва сурункали урушларга ҳам асос бўлар экан. Украина ва Россия – бир ўзликларнинг кейинги асрларда қисман бўлинган ўрнида пайдо бўлган миллатлар ва давлатлар ҳисобланади. Иккаласи ҳам православ, иккаласи ҳам славян, тарихий маркази бир... Лекин, уларнинг геосиёсий орзулари – мутлақ тескари ва ўзаро тўқнашувни тақозо қилади. Тасаввур қилиш мумкинки, бу уруш бу яқин ўн йилликларда гибрид ва ахборот-мафкуравий кўринишида, муқаррар давом этади.
*
Бугун Украина давлатининг мустақиллик куни экан, урушга ҳам ярим йил тўлди...

@KamoliddinRabbimov_rasmiy Ochish/sharhlash

2022-08-23 20:53:14 Ассалому алайкум азиз замондошим!

Тарих фанлари бўйича фалсафа доктори Баҳром Ирзаевнинг телеграм канали ўз фаолиятини бошлади.

Зеро, Абдулла Қодирий айтганидек, «Мозийга қараб иш тутмоқ хайрлидир».

Тарихни ибрат олиш учун ўрганамиз!

Канал манзили:
@Bahrom_Irzayev Ochish/sharhlash

2022-08-23 19:10:15 Kompas лидерлар академияси янги мавсум учун қабул бошланди!

Бизнинг академиямизда сиз:

- Сиёсий саводхонлик;
- Нотиқлик санъати;
- Оилавий муносабатлар;
- Молиявий билимлар;
- Шахсий ривожланишда одобнинг ўрни ва яна бир қатор керакли билим ҳамда тажрибалар билан таништириб бориласиз. .

Энг муҳими, сиз академияда таҳсил олганингиздан сўнг жамият учун керакли лидер бўлиб етишасиз!

Kompas лидерлар академиясининг навбатдаги мавсумига ёзилиш учун рўйхатдан ўтинг ва биз билан ҳозироқ боғланинг!

+99855-500-71-71

Telegram: @Manager_kompas

Рўйхатдан ўтиш учун ҳавола

Kompas лидерлар академияси - ўзига хос қадриятларга асосланган таълим тизими!

Telegram | Instagram | Youtube Ochish/sharhlash

2022-08-22 09:33:24 #Мутолаа_вақти

“Дунё долғаланяпти, бирлашмасак бўлмайди!” – Сиёсатшунослар МО раҳбарларининг маслаҳат учрашуви ҳақида

Мақолани ўқиш учун

@KamoliddinRabbimov_rasmiy Ochish/sharhlash

2022-08-21 12:38:40 Россия-Украина уруши кенгайиб, терактлар шаклида Россиянинг ичига ўтиб бориш эҳтимоли кучаймоқда. Кеча, “Рус дунёси” номли мафкуранинг асосчиси Александр Дугиннинг қизи автомобилда кетаётганда портлатиб юборилибди. Дугиннинг қизи шу заҳоти вафот этган. Аслида, мошинани портлатишдан мақсад – Дугиннинг ўзи бўлгани айтилмоқда.
*
А.Дугин кўп йиллардан бери Украинани жазолашни тарғиб қилиб келади. Дугиннинг Кремлга таъсири ҳар доим катта бўлган, унга кўра “Россия – Европа эмас, Евросиё! Россия ҳозир Осиё билан бўлиши керак”. Айнан Дугин собиқ СССРни янги шаклда тиклашни тарғиб қилиб келади.
*
Дугин ҳар доим куч ишлатиш сиёсатини оқлаб келган, унинг учун геосиёсий ва геомафкуравий курашларда одамларнинг қурбон бўлиши – табиий холат. Шунинг учун Дугин қурбонларга эътибор бермасликни кўп такрорларди. Энди унинг энг яқин қизи у учун қурбон бўлди. Қизиқ, энди Дугиннинг фикри қайси томонга ўзгараркин...

@KamoliddinRabbimov_rasmiy Ochish/sharhlash

2022-08-20 06:56:02 Завоҳирийнинг ўлдирилиши ва оқибатлари – эксперт фикри
Камолиддин Раббимов билан суҳбат

@KamoliddinRabbimov_rasmiy

https://telegra.ph/Zavo%D2%B3irijning-%D1%9Eldirilishi-va-o%D2%9Bibatlari--ehkspert-fikri-08-20 Ochish/sharhlash