JK: UNCHARTED

2023-03-13 13:00:00 3. Boshqa maxluqotga: jonivorlarga, insonlarga, jumladan, keksalar va bolalarga mehr-shafqat bilan xizmat qiling.

@jkuncharted | #thoughts Ochish/sharhlash

2023-03-12 18:32:05 2. Qiyinchilikda ham, yengillikda ham, tanglik va farovonlikda bir xil holatda bo'ling.

@jkuncharted | #thoughts Ochish/sharhlash

2023-03-12 14:43:32 TANQIDIY FIKRLASH MAKTABDA FAN SIFATIDA QO'SHILISHI KERAK(MI?)

Ko'plab ekspert va tadqiqotchilar tanqidiy fikrlashni (critical thinking) maktabda fan sifatida qo'shilishi bolalarning aqliy faoliyatini o'sishiga olib kelishini ta'kidlashgan.

Ho'p, tanqidiy fikrlash nima o'zi?

Tanqidiy fikrlash — ma'lumotni tushunishga, turli nuqtai nazarlardan qarab tahlil qilishga va aqlli xulosalar chiqarishga yordam beradigan aqliy vosita.

Misol uchun, Ali o'zining kelajakdagi kasbini tanlash uchun uning oldida 2 ta variant bor: dasturchi yoki iqtisodchi. Shu payt u o'zini oldiga bir qancha savollarni qo'yadi: mehnat bozori, mahorati va qiziqishlari, potensial kamchilik va foydalari. Shunday qilib javobga bir qadam yaqinlashadi.

Nima uchun kerak?

Tadqiqotchilarning fikricha, tanqidiy fikrlash tufayli o'quvchilar, avvalo, to'g'ri va o'rinli savolni berishni o'rganishadi, ya'ni nega, nima uchun va hk.

Savol esa o'quvchini fikr yoki voqeaga to'g'ri baho berishni o'rgatadi. Undan keyin esa, ular analiz qilishni boshlaydilar.

O'quvchida kreativlik shiddat bilan rivojlanadi, hamma aytadigan va o'ylaydigan fikrlarni chetlab o'tib, yangi g'oyalarni hosil qilishadi.

Tanqidiy fikrlashni o'rgangan va doimiy qo'llay oladigan kishi esa har xil vaziyatlarda muammoga tezkorlik bilan aniq va effektiv qarorni qabul qila oladi.

Shuncha foydali jihatlari bo'lsa-da, nega tanqidiy fikrlash maktabda fan sifatida o'tilmaydi?

Buning o'ziga yarasha bir qancha sabablari mavjud. Ulardan biri bu — vaqt cheklovlari, ya'ni uning ko'p vaqt talab qilishi.

O'qitish metodikalari unchalik rivojlanmagani ham unga to'sqinlik qilishi turgan gap (ko'pchilik ustozlar bunga tayyor emas).

Eng so'nggisida esa — subyektivligi. Tanqidiy fikrlash subyektiv bo'lib, ko'pchilik bir xil yo'nalishdan yurmaydi, hamma o'zining taxmin va tajribasiga tayangan holda qaror qabul qiladi.

Xulosa qilib aytganda, men tanqidiy fikrlashni fan sifatida qo'shish tarafdoriman, faqatgina boshlang'ich maktab o'quvchilar uchun (1-4-sinflar). Keyingi bosqichlarda ular o'zlari buni tortib keta olishadi.

Nima deb o'ylaysiz, u fan sifatida o'tilishi joizmi?

@jkuncharted | #thoughts Ochish/sharhlash

2023-03-11 18:44:59 Komillikka erishish barchamizga hayotdagi asosiy maqsadlarimizdan biri bo'lsa ajab emas. Bugundan boshlab "Iymon va huzun" kitobida bitilgan "Komillikning 40 qoidasi"ni har kuni bittadan joylab boraman. Hammamizga manfaatli bo'ladi, degan umiddaman, Insha'Alloh. Albatta, boshqalar bilan ulashishni unutmang.

1. Har bir mo'minni birodar biling va birodarlik munosabatini o'rniga qo'ying.

@jkuncharted | #thoughts Ochish/sharhlash

2023-03-09 15:07:11 Tongni qalbdan sevganlar tunni ham qadrlaydilar. Visol uchun yo'lgan chiqqanlar safar mashaqqatlariga sabr qiladilar. Yo'ldagi qiyinchiliklar visol halovatidan nishona. Safar mashaqqatini rad etmoq — visolni rad etmoq. Zulmatga toqat qilmaganlarning oydinligi bo'lmaydi. Muammo bo'lmasin degani hech narsa kerak emas degandir.

Iymon va huzun, Said Chamlija

@jkuncharted | #thoughts Ochish/sharhlash

2023-03-07 10:25:29 YAXSHI NUTQ SO'ZLASH ODOBI

Oramizdagi har bir odam auditoriya oldida ajoyib nutq qilishni xohlashi aniq. Hozir esa bir qancha kerakli kriteriyalarni ko'rib chiqamiz.

• Muhim so'zlarni alohida ta'kidlang, qolganlarini esa ularga bo'ysundiring.
• Ovozingiz ohangini o'zgartiring.
• Nutqingiz sur'atini (tezligini) o'zgartiring.
• Muhim fikrlardan avval va keyin to'xtab oling.

Ushbu qoidalarni sinab ko'rish uchun quyidagi misollarni ikki-uch marta takrorlab ko'ring. Ajratilib ko'rsatilgan so'zlarni sekin-asta, urg'u berib o'qing, qolgan qismidan tezlik bilan o'tib keting.

"Mening birgina fazilatim bor — hech qachon ruhan tushkunlikka tushmayman" (Marshal Fosh)
"Ta'limning eng oliy maqsadi — bilim berish emas, balki harakatdir" (Gerbert Spenser)
"Men sakson olti yil umr ko'rdim. Muvaffaqiyat cho'qqisiga chiqqan yuzlab odamlarni uchratdim. Muvaffaqiyatga erishishning barcha elementlari ichida eng zaruri — bu ishonchdir" (Kardinal Gibbons)

Endi o'zingiz ham yuqoridagi qoidalarni qo'llab ko'rgan holda, pastda keltirilgan jumlalarni o'qib ko'ring.

"Buyuk Amerika cho'llari Aydaho, Nyu-Meksika yoki Arizonada joylashgan emas. U o'rtacha bosh kiyimi ostida joylashgan. Buyuk Amerika cho'li — aslidan ko'ra aqliy faoliyat afzalroq makondir" (J.S. Noks)
"Inson bilan bog'liq balolardan xalos etuvchi hech qanday vosita yo'q; unga eng yaqin joylashgani — bu oshkoralikdir" (Professor Foksuell)

Yuqoridagi yo'riqlarga to'liq rioya qilib, bir uyum xato qilish mumkin. Bu tabiiy holdir. Shunchaki nutq uslubingizni takomillashtiring va to'xtab qolmang. Agar yanada to'liqroq ma'lumot kerak bo'lsa yoki tushunarsiz qismi mavjud bo'lsa, kommentariyalarda o'z fikringizni qoldiring.

P.S: Ozgina bo'lsa-da o'zgarish bo'ldimi?

@jkuncharted | #thoughts Ochish/sharhlash

2023-03-04 12:16:24 ROSSIYA BOSIB OLMAGANDA NIMA BO'LARDI?

Albatta, bu mavzu eng og'riqli va javobsiz mavzu bo'lib, ma'lum bir fikr va qarashlar mavjuddir. Lekin asl javobni berish anchagina mushkul ekanligi kundek ravshan.

Mulohazalardan biri shunday:

"Agar Rossiya bosib olmaganda, biz ham ikkinchi Afg'onistonga aylanib, qoloq bo'lib qolar edik."

Buning tag zamiri nafaqat jismonan qul qilish, va balki ongimizni ham qullik zanjirida saqlab turishdan boshqa narsa emas. Chunki 1979-yildan boshlab iqtisodiy va ijtimoiy rivojlanib kelayotgan Afg'oniston hududiga rus armiyasi bostirib kirib boradi va natijada, biz bilgan hozirgi Afg'oniston hosil bo'ldi.

Yana biri esa:

"Agar Rossiya bosib olmaganda boshqa davlatlar bosib olardi, masalan, Buyuk Britaniya yoki Usmoniylar imperiyasi."

Bunga ham e'tibor berilsa, millatni ich-ichidan sindirish bo'lib, qullikka yetaklaydigan tushunchadir. Axir, biz ham ozod yashashga haqlimiz-ku? Yoki aynan kimdir bosib olishi shartmi?

Siz nima deb o'ylaysiz, nima bo'lishi mumkin edi?

@jkuncharted | #thoughts Ochish/sharhlash

2023-03-01 10:09:30 Kim inson va hayvon a'zolarini o'rganib, ularning ajoyib manfaatlarini aniqlasa, Xoliqning kamoli tadbiri haqida xabar beruvchi ilmni kashf qilmasdan iloji yo'q.

Imom G'azzoliy

@jkuncharted | #thoughts Ochish/sharhlash

2023-02-27 11:55:28 Nima deb o'ylaysiz, bizga berilgan vaqtni "matritsa" ichidagi narsalar uchun sarflab yuborishimiz bu — o'zimiz hamda vaqtimiz uchun "korrupsiya" qilish emasmi?!

P.S: Agar biron-bir xato yoki yaxshilanishi kerak bo'lgan narsalarni topsangiz, quyida izohlang.

@jkuncharted | #thoughts Ochish/sharhlash

2023-02-26 21:36:41 BRING ON UNITED!

MANCHESTER UNITED IS CHAMPION!

It is the first cup after 6 years!

10HAG =

@jkuncharted Ochish/sharhlash