Jamshid Rahmonqulov

2023-03-14 16:31:06 SOC - CSOC nima ?

https://cyber-sec.uz/soc-csoc-nima.html Ochish/sharhlash

2023-03-10 21:47:01 Networking juda muhim.

Ekstravert emasman (men shunday deb hisoblayman). Tusovkalarda (doʻstlar yoki tanishlar bilan birga oʻtirganimizda) koʻp holatlarda telefonda maqolalar oʻqib oʻtiraman. Chunki u yerda koʻtariladigan mavzular zerikarlidek tuyuladi. 

Oxirgi paytlarda shuni tushunib yetdimki, inson har qanday mavzuda boshqalar bilan suhbatlar olib borsa, miyasida javobsiz qolgan savollarga javoblar toparkan. Miya bu savollar haqida oʻylashdan toʻxtab, fikrlashga moʻljallangan resurslar boshqa tomonga sarflanish imkoniyatiga ega bo'larkan.

Hamma asosiy ishdan boshqa doʻstlar bilan yigʻilishlarga, tadbirlarga (sohangizga aloqador boʻlsa ham) vaqt topolmasligini aytib borishdan bosh tortishadi. Men ham shunaqa insonlar tarkibiga kiraman. Chunki hozirda qilayotgan ishim hammasidan muhim boʻlib koʻrinaveradi.

Bir hafta oldin Nuruddin Iminokhunov (bloger, startuper, product manager) bilan shunchaki suhbatlashish uchun birga nonushta qilishni kelishib oldik. Ishonsangiz aslida nima haqida gaplashishni oʻzimiz ham yaxshi bilmasdik, lekin gap-gapga ulanib ancha mavzular koʻtarildi. Eng ajoyib joyi yillab meni qiynab kelgan savollar oddiy soʻzlashuv orasida oʻz javobini topdi.

Networking hamma narsadan muhim deyolmayman, lekin har bir soha vakili networking uchun vaqt ajratishi kerak.

Bunday deyishimga arzigulik sabablar:

1. Networking — boshqalarning yoki boshqa bozorlarning iqtisodiyotini yaxshiroq tushunishga yordam beradi. Omma oldida aksariyat insonlar pul haqida gaplashishni afzal koʻrmaydilar, aslida esa bu hamma uchun juda qiziq mavzulardan biri. Har qanday biznesning yoki faoliyat turining iqtisodiyoti har doim sirligicha qoladi, birga-bir oʻtirib gaplashganda esa, bu va bunga oʻxshash mavzularga alohida urgʻu beriladi.

2. Networking bu sizga kelajakdagi yoʻlingiz uchun chipta vazifasini oʻtash ehtimolligi juda katta. Siz network qurayotgan inson yoki insonlar jamoasining ham oʻzlarining networklari bor. Agar ular siz (hayotdagi qarashlaringiz, qoʻlingizdan keladigan ishlar) haqingizda bilishsa, kimgadir siz haqingizda aytishlari imkoniyatini oshiradi.

Shu bilan birga, uchrashuvlar yoki shunga oʻxshash tadbirlarda muvaffaqiyatli network qurishda quyidagilar sizga yordam beradi deb o'ylayman:

1. Suhbatga taklif qilishni o'rganing. Suhbatdoshning fikrlari qiziq bo'lsada, "nega men birinchi bo'lib taklif qilishim kerak" deb hamma qiynaladi. Sizda kim bilan bo'lsada suhbat qurish niyati paydo bo'ldimi, demak tanlangan suhbatdoshning fikrlari siz uchun qiziq. Buni ochiq aytsangiz suhbatdosh bundan bosh tortmaydi.

2. Savollar bering. Qaysidir soha kesimida istalgan kishi sizdan koʻproq narsani bilishi aniq. Suhbatni shundan boshlang. Bu, birinchidan, qiziqarli, ikkinchidan, bunday turdagi suhbat sizga yangi gʻoyalar berishi mumkin.

3. Tinglashni ham biling. Savolingizni suhbatdoshga berib oʻzingiz undan-da aqlli boʻlib koʻrinmoqchi boʻlsangiz, siz bilan hech kimning suhbatlashgisi kelmaydi.

Menimcha har qanday ma'lumotni (to'g'ri yoʻl bilan izlansa) internetdan topish mumkin. Lekin afsuski, oʻqilgan, eshitilgan, koʻrilgan maʼlumotlar biz uchun shunchaki foydali maʼlumotga aylanmaydi. Olingan maʼlumot haqida kim bilandir suhbat olib borsangiz yoki, oʻsha maʼlumotni muhokama mavzusiga aylantirsangiz, oʻshanda miya maʼlumotni toʻg'ri shaklga soladi va maʼlumotning foydalilik darajasi oshadi. Ochish/sharhlash

2023-03-10 21:42:12 Grant yutish boʻyicha qisqa maslahatlar

1. Topshirishdan oldin grant dasturini erinmasdan oʻrganib chiqing. Grantning maqsadi, talablari, topshiriladigan hujjatlar va boshqalar bilan yaxshilab tanishib oling. Grantning qoʻllanmalari boʻlsa – oʻqing, videolari boʻlsa – koʻring, FAQ boʻlsa – oʻqing. Erinchoqlik qilmang.

2. Yozilishi kerak boʻlgan insholarni imkon qadar ertaroq tugating va tajribaliroq ustozingiz/tanishlaringizga oʻqiting. Grammatik, imlo va boshqa xato yoki kamchiliklarini boʻlsa aytadi ular. Tuzatib olishga imkoningiz boʻladi shunda. Hujjatlar maksimal darajada xatolardan xoli boʻlishi kerak.

3. Hujjatlarni rasmiylashtirishda tartibli boʻling. Agar hujjatlarni nomlashda qandaydir shart belgilangan boʻlsa (masalan, har bir hujjatda nomzodning ismi boʻlishi kerak va h.k.), shu shartga qatʼiy amal qiling.

Agar nomlash boʻyicha shart boʻlmasa, nomlarini hujjat nomi va ism-familiyangiz bilan nomlab chiqing. Masalan: Eshmatov-Toshmat-CV, Eshmatov-Toshmat-Diploma, Eshmatov-Toshmat-IELTS va h.k.

Qoʻlda toʻldiriladigan hujjat boʻlsa, bo'yamasdan, chiroyli yozuv bilan to'ldiring. Yozuvingiz nihoyatda xunuk boʻlsa, boshqa birovdan yozib berishini soʻrashingiz mumkin.

4. Koʻchirmang. Motivatsiya xati, shaxsiy bayonot, insho va shu kabi boshqa hujjatlarni yozishda internetdan tayyor namuna topib, ularning gaplarini koʻchirib olmang.

Namuna uchun oʻqib, oʻrganishingiz va ayrim soʻzlari, iboralaridan foydalanishingiz mumkin. Lekin har qanday hujjat aynan sizga xos boʻlishi kerak.

Hamma yerdan topish mumkin boʻlgan umumiy fikrlar va gaplar, ular qanchalik chiroyli yozilgan yoki kuchli boʻlishidan qatʼi nazar, qabul komissiyasidagilarni koʻnglini ozdiradi. Ular bunaqa shablon gaplarni oʻqiyverib, bezor boʻlib ketgan. Shu uchun oʻzingizga xos boʻlgan xislatlar asosida yozing.

5. Imkoni boʻlsa, topshirmoqchi boʻlgan grantingizni yutgan kishidan maslahatlar oling.

6. Javobi topilmagan savollaringizni, avvalo, grant eʼlon qilgan muassasaning oʻzidan soʻrang (email, telefon yoki boshqa vosita orqali). Boshqalar notoʻgʻri yoki toʻliq boʻlmagan javob berishi mumkin.

Agar grant eʼlon qilgan muassasaning oʻzidan javob olishning imkoni boʻlmasa, boshqa manbalardan/kishilardan javob qidirishingiz mumkin.

7. ENG MUHIMI: mana shu postni boshqa guruhlar va tanishlaringizga maksimal tarqating hamda smayliklardan birini bosing. Shunda yoʻlingiz ochilib, qatorasiga grant yutib tashlaysiz. Ochish/sharhlash

2023-03-10 16:31:06 #Andalus
Andalus diyori 711-714 yillarda fath etildi... Musulmonlar hukmi ostida Andalusda tom ma’nodagi diniy erkinlik ta’minlandi. Nasroniylar chekovga, yahudiylar sinagogaga emin-yerkin qatnaydigan bo‘lishdi. Musulmonlarning adolati va oliyjanobligi oldida taajjubda qolgan ahli kitoblarning ko‘pchiligi islomga kira boshladi... Musulmonlar yangi o‘lkada barchaga teng munosabatda bo‘lib, insonlar o‘rtasida birodarlikning ajoyib namunasiga asos soldilar. Jamiyatda boy va kambag‘al bor edi, lekin ularning o‘rtasida ijtimoiy tafovut yo‘q edi. Barcha musulmonlar birga davra qurishar, birga taomlanishar, birga ibodat qilishardi. Ular arab, barbar, ispan bo‘lib emas, aksincha, Andalus musulmonlari sifatida hayot kechirishdi. Mana shu insoniyat tarixining eng yorqin, eng shonli hikoyasi – musulmon Ispaniyasi tarixining boshlanishi edi.

"Andalus - bir tamaddun tarixi" kitobidan Ochish/sharhlash

2023-03-10 08:09:31 Kechagi kelinchak bugunda kampir,
Asal, novvot edi, endi - qalampir.
Buncha ham ayovsiz ekansan, davron,
Sendan arazladim! Bor! Hafsalam pir.

Erkin Vohidov Ochish/sharhlash

2023-03-10 08:05:12 ​​ChatGpt ro'yxatdan o'ta olmayapsizmi? Keling buni uslublarini ko'rib chiqamiz

O'zi, OpenAI platformasi nima uchun ba'zi davlatlar uchun haligacha, kirish uchun ruxsat bermagan? Buni ChatGpt'ni ko'p oqimni birdaniga "Обработка" qila olmasligi bilan oqlashadi.

Aylanma yo'llar bilan qanday kirish mumkin?

ChatGpt sizni emailingizdan qaysi davlat ekanligingiz aniqlay olmaydi (sinalgan). IP manzilni yashirish uchun VPN'dan foydalanamiz, albatta.

Sinalgan VPN'larni, linklarini berib o'taman.

- Desktop uchun:
1.1.1.1
Hotspot shield

- Smartfon uchun:
1.1.1.1
Thunder VPN
Adguard VPN

Vpn o'rnatgandan so'ng https://openai.com/blog/chatgpt saytiga kirib TRYCHATGPT so'zi bosiladi. U yerda SIGN UP tanlanib email kiritib, parol o'ylab toping.

Emailni tasdiqlagandan so'ng, ism-familiya kiriting. Endi esa eng asosiy joyi, raqam kiritib unga kelgan SMS ni tasdiqlash kerak bo'ladi. Bunda o'zimizni raqamimiz ish bermaydi. ChatGpt ruxsat berilgan davlatlar raqamidan foydalanish kerak bo'ladi.

Vaqtinchalik virtual raqam beradigan saytlar:

sms.activate.org
freezvon.com
virtualphone.com
emailnator.com

Bu saytlarda, raqamlarni pullik sotib olish kerak. Shu usullarni to'g'ri bajarsangiz ishlashi kerak. Keyin akkaunt ochib, parol o'rnatgandan so'ng Log In qilib kirib ishlataversangiz bo'ladi, doimiy.

@Zabikhullo - Foydali bo'lsa ulashing! Ochish/sharhlash

2023-03-09 20:45:25 Бўлиниш

Тарихимизда жуда кўп воқеьликлар бўлганки, халқимиз бирлашмагни учун тўлаган товонимиз жуда қимматга тушган.

13-асрда Чингизхон 200.000 қўшин билан юртимизга ҳуружни амалга оширади.
Хоразмшоҳлар давлатида эса ўша пайтда 500-600 минг қўшин бўлса-да, султон уларни бирлаштирмади, бирлаштира олмади. Бунга субьектив сабаблар бор эди. Натижада эса ўз даврининг энг қудратли салтанати, 27 давлатни бирлаштириб турган Хоразм империяси йўқ бўлди.

15-асрда Темурбекнинг ўлимидан кейин Турон давлатида хам парчаланиш кузатилди. Хоқон вафотидан сўнг ўғил ва набиралари ўзаро зиддият ва бирикмаслиги сабаб давлат пароканда бўлди ва инсоният тарихидаги энг марказлашган давлатлардан бири Темурийлар империяси парчаланиб кетди.

19-асрда Марказий Осиёдаги Хонликларимиз ўзаро урушлар ва душманчилик муносабатлари сабаб Чор Россияси мустамлакасига айланишди. Бу дискриминацияга ва тарихимизни йўқотишга қаратилган мустамлакачилик 1991-йилгача давом этди.

20-аср бошида хақлқни маьрифатини, мустақиллигини ўйлаган Жадидларни хам миллат бирлашиб қўлламади, уйларини ёқишди, ўзларини ёвлар қўлига қўш қўллаб топширишди. Натижада бугун бу миллат Авлонийларга, Бехбудийларга зор.

Тарихимизда халқимиз бирлашмагани сабаб ана шундай ачинарли ҳолатларни бошидан кечирган.

Аммо, шунча қонли тарих ҳам дарс бўлмаяпти, бугунхам бу халқ оломонлигича қолмоқда.

Агар ўшанда Хоразмшох қўшинларини бириктирганда Чингиз оёғи остида бутун дунё тиз чўқмасди.
Агар ўшанда Темурнинг авлодлари бирикиб, ўзаро урушмаганда Хитой фатх этилган бўларди балким, ва бу миллат бугун оврупо давлатлари сингари империя вориси, элита халқ мақомида бўларди.
Агар ўшанда 3 хонлик бирлашганида уларга Британия ёрдам қўлини чўзган бўлар эди ва Рус истилочидари мағлуб этилиб озодлик сақлаб қолинарди.
Агар ўшанда миллат жадидларини орқасидан эргашганида 75 йил Кремльга қарам бўлмас эдик, дунёда етакчи халқ бўлар эдик.

Хозирги ёшларимизга хам гапим шу. Агар хамма бирлашиб, миллатни, эьтиқодни, менталитетни, урф-одатни улуғлаб, ҳақиқат учун ҳаракат қиладиган бўлса, тарихимизда қилинган хатоликларни такрорлашни бас қилсак, ана шунда миллатни қадри юксалади, Ўзбек халқи Оломон деган тамғадан қутулади.

Халқ бўл эй Оломон! Ochish/sharhlash

2023-03-08 19:31:59 Toʻrtta ish bor. Har birining evaziga alohida vaʼda bor

Shukr. “Agar shukr qilsangiz, sizga yana ham ziyoda qilib beraman”. (Ibrohim surasi, 7-oyat).

Zikr – eslash. “Shunday ekan, meni zikr qilinglar (eslanglar), men ham sizlarni eslayman”. (Baqara, 152).

Duo. “Menga duo qiling, sizga ijobat qilaman”. (Gʻofir, 60)

Istigʻfor – kechirim soʻrash. “Modomiki istigʻfor aytarkanlar, Alloh taolo ularni azoblamaydi”. (Anfol, 33) Ochish/sharhlash

2023-03-08 09:46:54 Agar adabiyotga qiziqsangiz fors tilini o'rganing.

Fors tili bu mening hayotimdagi onamdan qolgan eng yaxshi meros.

Ishonavering fors adabiyoti va she'riyati oldida boshqa barcha-barchasi sigareta chekadi.

Uyerda katta bir ma'noni birgina so'z bilan ifodalash imkoni bor. Men hozirgacha afg'onlarning norasmiy madhiyasidagi "Sar zamini man" iborasini boshqa tillarga qanday tarjima qilishni bilmayman.

Bu so'zni chunchaki tarjima qilish imkonsiz. Ochish/sharhlash

2023-03-07 20:58:10 Bekzod Hoshimov tavsiya qiladi (2-qism)

Bekzod aka Hoshimovning tavsiya qilgan kitoblari ro'yxati daxshat darajada uzun ekanligi sababli ikkita postga ajratishga to'g'ri keldi.

Alber Kamyu («Vabo»), Erix Mariya Remark («Uch og‘ayni», «G‘arbiy frontda o‘zgarish yo‘q») asarlari — Yevropa falsafasini tushunish uchun.

Rey Bredberining «Farengeyt bo‘yicha 451 daraja» asari — jamiyat nimalarga qodirligini tushunish uchun. Amerika adabiyotidan, shuningdek, Ernest Heminguey, Martin Lyuter King kabilarni ham o‘qish kerak;

Yuval Noa Xarari («Sapiens», «Homo Deus»), Nassem Taleb («Qora oqqush») kitoblari — yaxshi yoki qiziqarli bo‘lgani uchun emas, bu dunyodagi ko‘p narsalar shu kitoblarda yozilgan narsalar ustiga qurilgani uchun;

O‘rxon Pomuq asarlari («Mening ismim Qirmizi», «Qor», «Istanbul: Xotiralar va shahar», «Javdatbey va o‘g‘illari» va boshqalar) — hozir turk tafakkurini, turk modellarini, memlarini tushunish uchun, juda muhim.

Chingiz Aytmatov asarlari (xususan, «Jamila») — postsovetdan oldingi O‘rta Osiyoni anglash uchun;

Yegor Gаydarning «Gibel imperii» kitobi — hozirgi O‘zbekiston atrofidagi iqtisodiyotni, O‘zbekistonning mustaqillikdan avvalgi iqtisodiy kasalliklari qayerdan kelib chiqqanini tushunish uchun. O‘zbekistonliklar bu kabi kitoblarni o‘qishi kerak, deb o‘ylayman.

Iqtisodiyot bo‘yicha ko‘plab kitoblarni tavsiya qilishim mumkin, lekin hozircha faqat quyidagilar bilan cheklanaman:

Daron Ajemo‘g‘li, Jeyms A. Robinson. «Mamlakatlar tanazzuli sabablari» (buni hamma o‘qishi kerak);

Jared Daymond. «Guns, Germs, and Steel»;

Genri Hezlitt. «Economics in One Lesson: The Shortest and Surest Way to Understand Basic Economics»;

Daniel Kaneman. «Thinking Fast and Slow»;

Stiven Lendsburg. «The Armchair Economist: Econimics and Everyday Life»;

Avinash Diksit, Barri Neylbaff. «The Art of Strategy: A Game-Theorist's Guide to Success in Business and Life»;

Thomas C. Schelling. «The Strategy of Conflict: With a New Preface by the Author»;

Sylvia Nasar (Zulfiya Nazar). «A Beautiful Mind»;

Elvin Rot. «Who Gets What ― and Why: The New Economics of Matchmaking and Market Design»;

Devid Fridman. «Hidden Order: The Economics of Everyday Life»;

Devid Fridman. «Law's Order: What Economics Has to Do with Law and Why It Matters»;

Robert Shiller. «Narrative Economics: How Stories Go Viral and Drive Major Economic Events»;

Joel Mokir. «A Culture of Growth: The Origins of the Modern Economy».

Steven D. Levitt, Stephen J. Dubner. «Freakonomics» seriyasi;

Deirdre Nansen McCloskey. «The Bourgeois Virtues: Ethics for an Age of Commerce»;

Eric A. Posner, Glen Weyl. «Radical Markets: Uprooting Capitalism and Democracy for a Just Society».

Ro'yxatda juda ajoyib kitoblar bor. O'zim ham orasidan o'zim uchun yangi kitoblar kashf qildim.

Batafsil: www.gazeta.uz/oz/2023/03/04/mutolaa-behzod-hoshimov/

Sharifjon Ahmaddan tavsiyalar
Qobil Xidirovdan (davletovuz) tavsiyalar
Otabek Bakirovdan (bakiroo) tavsiyalar
Sardor Salimdan tavsiyalar
Shahnoza Soatovadan tavsiyalar
Ibrat Safodan tavsiyalar
Pahlavon Sodiqdan tavsiyalar
Husan Nishonovdan tavsiyalar
Gulnoz Nabiyevadan tavsiyalar
Komil Jalilovdan tavsiyalar

@Bookerberg Ochish/sharhlash