Hurfikr.uz

2023-01-02 19:32:27 11 январдан Тошкент шаҳридаги 16 та олий таълим муассасасида дарслар соат 9:30дан бошланади

Бу борада 2022 йил 22 декабрда Транспорт вазирлиги, Олий ва ўрта махсус таълим вазирлиги ҳамда Тошкент шаҳар ҳокимлиги қарори қабул қилинган.

Қуйидаги олий таълим муассасаларида дарслар 9:30дан бошланади:  
– Низомий номидаги Тошкент давлат педагогика университети; 
– Сингапур менежментни ривожлантириш институти; 
– Пучон университети; 
– ТМC институти; 
–Тошкент давлат иқтисодиёт университети; 
– Г.В. Плеханов номидаги Россия иқтисодиёт университети Тошкент филиали; 
– Ўзбекистон давлат консерваторияси; 
– Вебстер университети; 
– Тошкент кимё-технология институти; 
– Тошкент фармацевтика институти; 
– Тошкент давлат юридик университети; 
– Тошкент молия институти; 
– Муҳаммад ал Хоразмий номидаги Тошкент ахборот технологиялари университети;
– Тошкент давлат техника университети;  
– Жаҳон иқтисодиёти ва дипломатия университети; 
– Янги Ўзбекистон университети.

Шунингдек, Ўзбекистон миллий университети ва Тошкент давлат шарқшунослик университетида 08:00 дан, «Тошкент ирригация ва қишлоқ хўжалиги механизациялаш муҳандислари институти» Миллий тадқиқот университетида 08:30 дан бошланади.

https://t.me/Hurfikruznews Ochish/sharhlash

2023-01-02 18:54:01 Бугун, 2-январ кечаси осмонда бир нечта сайёраларнинг бирга кўриниш бериши маълум қилинди.

Қуёш ботгандан сўнг Венера, Сатурн, Юпитер ва Марс сайёралари бир вақтнинг ўзида кўринади. Уфққа энг яқин сайёра Венера бўлиши кутилмоқда. Ер юзининг ҳар қандай нуқтасидан бу ҳолатни кузатиш мумкин. Бундан ташқари, Алтаир, Фомалҳаут ва Альдебаран каби ёрқин юлдузлар ҳамда Плеиадес юлдузлар туркуми ҳам осмонда чақнаб туради.

https://t.me/Hurfikruznews Ochish/sharhlash

2023-01-02 18:22:20 Ochish/sharhlash

2023-01-02 17:50:57 “Ўзгидромет” Чимёндаги қор кўчкиси хавфидан огоҳлантирди

Тошкент вилояти Бўстонлиқ туманидаги Чотқол тизмасининг “Чимён” тоғлари табиий ҳудуди бўйлаб 2−4 январь кунлари қор кўчиши хавфи юзага келиши мумкин.
Бу ҳақда Ўзбекистон Гидрометеорология хизмати маркази маълумот тарқатди.

https://t.me/Hurfikruznews Ochish/sharhlash

2023-01-02 17:07:21 Олий жазо

Африка қабилаларидан бирида жиноят қилган одамни сазойи қилиш, қамаб қўйиш, қатл этиш деган гаплар йўқ экан. Танҳо ўзини қабиладан ҳайдаб юборишаркан, холос…

Ўткир Ҳошимов

https://t.me/Hurfikruznews Ochish/sharhlash

2023-01-02 16:28:48 Янги йилнинг илк кунида Ўзбекистонда 2155 нафар чақалоқ туғилди.

ССВ маълумотига кўра, ўтган йилнинг 1 январида 2316 нафар, 2021 йил 1 январида 1644 нафар, 2020 йили эса 1974 нафар чақалоқ туғилган эди. Вазирлик кеча туғилганлардан 1056 нафари қиз, 1099 нафари эса ўғил эканини қўшимча қилган.

https://t.me/Hurfikruznews Ochish/sharhlash

2023-01-02 15:55:39 Путин учун ҳақиқий таҳдид НАТОнинг кенгайиши эмас, балки қўшни мамлакатларнинг демократлашувидир

Америкалик дипломат ва Стенфорд университети профессори Майкл Макфол “Путиннинг Украинага бостириб кириши сабаблари ва оқибатлари” номли очиқ маъруза ўқиди, унда у Кремл ҳарбий амалиётининг асл мақсадлари,  шунингдек, урушни кучайтириши мумкин бўлган сценарийлар ҳақида ўз фикрлари билан ўртоқлашди. 

2012 йилдан 2014 йилгача (Қрим аннексия қилинишидан олдин) Макфол элчи сифатида Россияда Вашингтон манфаатларини ҳимоя қилган, ундан олдин эса у Барак Обаманинг миллий хавфсизлик масалалари бўйича махсус ёрдамчиси бўлиб ишлаган. 

У Москва ва Вашингтон муносабатларини "қайта тиклаш сиёсати"нинг меъмори саналади.

Унинг сўзларига кўра, Украина истилоси Москванинг НАТОнинг “тажовузкор сиёсати”га жавобдир, деган Россия расмий позицияси ички жиҳатдан қарама-қарши ва асоссиздир.

"Мен Обама, Путин ва Медведев ўртасидаги барча учрашувлар ва барча телефон суҳбатларида қатнашганман. Россиянинг НАТО билан алоқалари муаммосини муҳокама қилганимиз бирорта ҳам ҳолатни эслай олмайман", деди Макфол.

Босқиннинг асл сабаблари, дейди профессор, Москванинг ички сиёсатидадир. 

Грузия (2003) ва Украинада (2004),  кейинроқ Миср,  Ливия ва Сурияда (2011) ҳокимият алмашишига олиб келган демократик жараёнларни Кремл Вашингтоннинг қасддан қилган ҳаракатлари натижаси деб билади.

Украинадаги президентлик сайловларида Виктор Януковичнинг мағлубиятини Россия ҳукмрон элитаси ҳам худди шундай қабул қилди. 

Кремл учун бу сўнгги томчи бўлди, чунки Владимир Путин нуқтаи назарида, Қўшма Штатлар учун ҳар қандай ғалаба Москва учун йўқотишга ва Россия манфаатларини бузишга тенгдир.

"Путин учун ҳақиқий таҳдид НАТОнинг кенгайиши эмас, балки қўшни мамлакатларнинг демократлашувидир",  - деб ишонади собиқ элчи. 

Украинанинг демократик танлови бир вақтнинг ўзида Кремлнинг иккита энг муҳим эртагинми йўққа чиқаради:  "Алоҳида Украина халқи йўқ" ва "Биз улар каби эмасмиз".

Бироқ,  Афғонистонга қўшинини киритиши Совет империяси учун "интиҳонинг ибтидоси" бўлгани каби, Украинага бостириб кириш Россия учун ҳам охирнинг бошланишидир, деб ишонади Макфол.

“Бизнинг мақсадимиз Украинага ғалаба қозонишига ёрдам бериш,” - деб хулоса қилади дипломат. - “Бу нафақат Украина, балки Европа манфаатларига ҳам жавоб беради, шунингдек, глобал хавфсизлик ва демократик ғоялар тантанаси гаровидир”.

https://t.me/Hurfikruznews Ochish/sharhlash

2023-01-02 15:55:24 Ochish/sharhlash

2023-01-02 15:12:32 Ҳиндистон ва Покистон расмийлари якшанба куни икки мамлакат ядровий объектлари рўйхатини, шунингдек, қамоқдаги фуқаролар рўйхатини алмашди, дея хабар беради Ҳиндистон ташқи ишлар вазирлиги.

https://t.me/Hurfikruznews Ochish/sharhlash

2023-01-02 14:37:13 Тошкентдан Алматига учаётган Air Astana самолёти кучли трубулент ҳудудига тушиб қолиши натижасида 7 киши жароҳат олгани хабар қилинмоқда.

Самолёт Алмати шаҳрига қўнган, жароҳат олганларга биринчи тез тиббий ёрдам экипаж томонидан берилган. Авиакомпания пассажирлардан узр сўрайди ва ҳар қандай ёрдамни кўрсатишга тайёр. Жавобгар шахслар устидан жиддий суриштирув ишлари олиб борилиши ҳақида қозоқ нашрлари маълум қилмоқда.

https://t.me/Hurfikruznews Ochish/sharhlash