Huquq 24/7 | Rasmiy kanal

2022-08-27 12:44:54 ТАЪЛИМ МУАССАСИДА ТАҲСИЛ ОЛАЁТГАН ШАХСЛАР ИШСИЗ ҲИСОБЛАНМАЙДИ

Қонунуга асосан ўн олти ёшдан то пенсия таъминоти ҳуқуқини олиш ёшигача бўлган, ҳақ тўланадиган ишга ёки иш ҳақи (меҳнат даромади) келтирадиган машғулотга эга бўлмаган, иш қидираётган ва иш таклиф этилса, унга киришишга тайёр бўлган ёхуд касбга тайёрлашдан, қайта тайёрлашдан ўтишга ёки малакасини оширишга тайёр бўлган, ишга жойлашишда кўмак олиш учун маҳаллий меҳнат органларига мурожаат қилган ва ушбу органлар томонидан иш қидираётган шахслар сифатида рўйхатга олинган меҳнатга лаёқатли шахслар (бундан таълим муассасаларида таълим олаётганлар мустасно) ишсизлар деб эътироф этилади.

Қуйидагилар ишсиз деб эътироф этилмайди:

таклиф этилган мақбул келадиган ишни иш қидираётган шахс сифатида рўйхатга олинган кундан эътиборан ўн кун ичида узрли сабабсиз икки марта рад этган шахслар;

маҳаллий меҳнат органига ёки ижтимоий-иқтисодий жиҳатдан комплекс ривожлантириш бўйича секторга, фуқароларнинг ўзини ўзи бошқариш органига бириктирилган маҳаллий меҳнат органи ходими ҳузурига мақбул келадиган иш юзасидан таклиф олиш учун иш қидираётган шахс сифатида рўйхатга олинган кундан эътиборан ўн кун ичида узрли сабабсиз келмаган шахслар;

таълим муассасаларида ва ташкилотларида ишлаб чиқаришдан ажралган ҳолда таҳсил олаётган шахслар, бундан таълимнинг сиртқи шаклида таҳсил олаётганлар мустасно;

қонунчиликка мувофиқ пенсия таъминоти ҳуқуқига эга бўлган шахслар (пенсия туридан қатъи назар);

бола икки ёшга тўлгунига қадар уни парвариш қилаётган, ишламаётган аёллар;

ишини ўзгартирмоқчи бўлган, лекин маҳаллий меҳнат органларида рўйхатдан ўтиш пайтида, ташкилий-ҳуқуқий шаклидан қатъи назар, ташкилотларда ишловчи ёки уларнинг штатида ҳисобда турувчи шахслар;

суднинг ҳукми билан озодликдан маҳрум этиш ёки ахлоқ тузатиш ишлари тарзидаги жазога ҳукм қилинганлар;

фермер хўжаликларининг раҳбарлари ва ходимлари, оилавий корхоналарнинг иштирокчилари, деҳқон хўжаликларининг раҳбарлари ва аъзолари, шунингдек якка тартибдаги тадбиркорлар;

ўзини ўзи банд қилган шахслар.

Ишсиз шахс деб эътироф этиш рад қилинган шахс таклиф этилган ишни рад этган пайтдан ёки мақбул келадиган иш бўйича таклиф олиш учун маҳаллий меҳнат органига узрли сабабсиз келмаган пайтдан эътиборан ўттиз календарь кун ўтганидан кейингина иш қидираётган шахс сифатида такроран рўйхатдан ўтиш ҳуқуқига эга.

https://t.me/huquq_24_7
Каналга уланиш Ochish/sharhlash

2022-08-27 09:50:13 ИНТИЗОМИЙ ЖАЗО ҚЎЛЛАНИЛГАН ХОДИМГА РАҒБАТЛАНТИРИШ ЧОРАЛАРИ ҚЎЛЛАНИЛМАЙДИ

ЎзР.МКнинг 180-моддаси 4-қисмига кўра интизомий жазо амал қилиб турган муддат мобайнида ходимга нисбатан рағбатлантириш чоралари қўлланилмайди.

Бироқ 180-моддаси 3-қисмига кўра иш ҳақи, мукофотлар, қўшимча тўловлар, устамалар ва меҳнат ҳақи тизимида назарда тутилган бошқа тўловлар рағбатлантириш турларига кирмаслиги белгиланган.

Шундай экан, мукофот пули корхонада ўрнатилган меҳнат ҳақи тизими бўйича тўланса, бу тўлов интизомий жазо чоралари қўлланилган ходимларга тўланиши мумкин бўлади.

Мукофот пули рағбатлантириш турига кириш-кирмаслиги ташкилотларда ходимларнинг вакиллик органи билан келишилган тарзда ўрнатилган меҳнатга ҳақ тўлаш тизимидан келиб чиқади.

Меҳнат кодексининг 153-моддаси 2-қисмига кўра, меҳнат ҳақи шакли ва тизимлари, мукофотлар, қўшимча тўловлар, устамалар, рағбатлантириш тарзидаги тўловлар жамоа шартномаларида, шунингдек иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб қабул қилинадиган бошқа локал ҳужжатларда белгиланади.

https://t.me/huquq_24_7
Каналга уланиш Ochish/sharhlash

2022-08-27 09:45:21 ТИББИЁТ СОҲАСИДА НОГИРОНЛИГИ БЎЛГАН ШАХСЛАР УЧУН БЕРИЛАДИГАН АЙРИМ ИМТИЁЗЛАР

I ва II гуруҳ ногиронлиги бўлган шахслар:

барча республика ихтисослаштирилган илмий-амалий тиббиёт марказларида бепул даволанади;

Соғлиқни сақлаш вазирлиги тизимининг турғун даволаш-профилактика муассасаларида овқатланиш тўловидан озод қилинади;

вилоят кўп тармоқли тиббиёт марказларида бепул ёрдам олиш ҳуқуқига эга;

Бандлик ва меҳнат муносабатлари вазирлигининг кексалар ва ногиронлиги бўлган шахслар, уруш ва меҳнат фахрийлари учун санаторийларига бепул йўлланмалар олиш ҳуқуқига эга.

Шунингдек, I ва II гуруҳ ногиронлиги бўлган шахслар ва ногиронлиги бўлган болалар хусусий тиббиёт муассасаларида (стоматология ва косметология хизматлари кўрсатувчи муассасалар бундан мустасно) бепул тиббий хизматлардан фойдаланиш ҳуқуқига эга.

https://t.me/huquq_24_7
Каналга уланиш Ochish/sharhlash

2022-08-27 08:01:52 Дўхтирга борганда 5 минут навбатда туролмайдиган одамлар ЎзАвтода машинаси чиқиши учун ойлаб навбатда туришади. (Ғоя муаллифи: Умар Маткаримов)

Манба: @habikatura

https://t.me/huquq_24_7
Каналга уланиш Ochish/sharhlash

2022-08-25 13:47:04 Э Ъ Л О Н

Ҳурматли фуқаролар!

Жорий йилнинг 26 август куни, эрталаб соат 10:00 дан 12:00 гача Қўштепа тумани "Қийқи" маҳалла фуқаролар йиғинида жойлашган Маданият уйи биносида Фарғона вилояти адлия бошқармаси бошлиғи А.Бўриев раҳбарлигида Қўштепа туман адлия бўлими ходимларидан иборат таркибда тузилган ишчи гуруҳ томонидан сайёр қабул бўлиб ўтади.

Сайёр қабулда иштирок этиш учун фуқаролар қабул кунига қадар Қўштепа туман адлия бўлимига мурожаат қилиб, рўйхатдан ўтишлари мумкин.

Мурожаат учун телефонлар:
(73) 422 57 36, (93) 977-90-70

Telegram | Web-site |facebook | instagram | youtube Ochish/sharhlash

2022-08-20 17:42:49 ХОРИЖДАН ЎҚИШНИ КЎЧИРИШ БЎЙИЧА ТEСТ СИНОВЛАРИ 23-25 АВГУСТ КУНЛАРИ ЎТКАЗИЛАДИ

Талабалар ўқишини хорижий давлатлардаги ОТМлардан, шунингдек Ўзбекистондаги хорижий ва нодавлат ОТМлардан давлат ОТМларига кўчириш бўйича тест синовлари 23-24-25 август кунлари бўлиб ўтади.

Тест синовлари очиқ майдонларда ташкил этилади ва 23 август куни бошланиб, 25 август куни 1-сменада якунланади. Бунда тест синовлари:

-сменада 08:00 дан 11:00 га қадар;
-сменада 18:00 дан 21:00 га қадар бўлиб ўтади.

Тест синовлари 2 та мутахассислик ва 3 та мажбурий фан бўйича ўтказилади ҳамда талабгорларга мутахассислик фанларида 20 тадан, мажбурий фанларда 10 тадан жами 70 та тест топшириғи ва уларни ишлаш учун 3 соат вақт ажратилади.

Тест синовларида тўплаш мумкин бўлган максимал балл – 189 балл бўлиб, ҳар бир тўғри жавоб учун мутахассислик фанларида 3,15 баллдан, мажбурий фанларда 2,1 баллдан берилади.

Талабгорлар тест синовида иштирок этиш учун рухсатномани Давлат тест марказининг мй.дтм.уз сайтидан олишлари мумкин.

Талабгорлардан тест синови ўтказиладиган ҳудудга белгиланган вақтдан камида 1 соат олдин шахсини тасдиқловчи ҳужжат ва тест синовида иштирок этиш учун рухсатнома билан келишлари сўралади.

https://t.me/huquq_24_7
Каналга уланиш Ochish/sharhlash

2022-08-17 19:38:20 #дарс_тақсимоти
Адолатли дарс тақсимоти қандай бўлиши керак?

Август ойи халқ таълими тизимида фаолият юритаётган устозлар учун муҳим ой ҳисобланади. Чунки бу ойда педагогик кенгашларда дарслар тақсимланади.

Адолатли дарс тақсимоти қандай кўрсаткичларга асосланади?

Бу ҳақида юқоридаги слайдлар орқали батафсил билиб олишингиз мумкин.


@XTV_CHAT - Методик ёрдам олинг ва беринг

@XTVPRESS - Халқ таълими ўқитувчилари ахборот хизматининг телеграм каналига уланиш учун


https://t.me/+ic9oRifRVJw0NGQy Ochish/sharhlash

2022-08-14 21:03:27 TALABALAR DAVLAT MAKTABGACHA TAʼLIM TASHKILOTLARIDA ISHLASHLARI MUMKIN

Qonunchilikka koʻra

Oliy ta’lim muassasalarining pedagogika yo‘nalishlarida kunduzgi, kechki, sirtqi bo‘limlarning 3-4-kurslarida o‘qiyotgan shaxslar pedagogik faoliyatni amalga oshirishi mumkin va ularga o‘rta maxsus, kasb-hunar ma’lumotga ega bo‘lgan tegishli lavozimdagi xodimning bazaviy tarif stavkasi singari bazaviy tarif stavkasi belgilanadi.

Demak, Oliy ta’lim muassasalarining pedagogika yo‘nalishlarida kunduzgi, kechki, sirtqi bo‘limlarning 3-4-kurslarida o‘qiyotgan shaxslar maktabgacha taʼlim tashkilotlarida:

Til o‘qituvchilari;

o‘qituvchi-defektolog;

o‘qituvchi-logoped, psixologlar;

oliy ma’lumotli tayyorgarlik (5 yoshdan 6-7 yoshgacha) guruhi tarbiyachilari va qonunchilikka asosan boshqa mutaxassisliklar boʻyicha ishlashlari mumkin.

https://t.me/huquq_24_7
Каналга уланиш Ochish/sharhlash

2022-08-05 08:12:31 БОЛАЛАРГА АЛИМЕНТ ТЎЛОВЛАРИ ЖАМҒАРМАСИДАН АЛИМЕНТ ТЎЛАШ ТАРТИБИ БЕЛГИЛАНДИ

Ҳукумат қарори (427-сон, 03.08.2022 й.) билан Алимент тўловлари жамғармаси тўғрисидаги низом тасдиқланди

Низомга кўра, Жамғарма маблағлари вояга етмаган фарзандини моддий таъминлашдан бўйин товлаганлик учун қарздор жиноий жавобгарликка тортилган тақдирда, алимент тўловларидан юзага келган қарздорликни (ушбу жиноят натижасида етказилган зарарни) қоплаб беришга (бирйўла ундирувчига тўлаб беришга) йўналтирилади.

Алимент тўловларини қоплаб бериш учун мажбурий ижро ҳаракатини амалга оширган давлат ижрочисининг алимент тўловларини қоплаб бериш тўғрисидаги қарори асос бўлиб ҳисобланади.

Алимент тўловлари қарор олинган кундан бошлаб 2 иш кунидан кечиктирилмаган ҳолда амалга оширилади.

Жамғарма маблағлари алимент тўловларини қоплаб бериш учун етарли бўлмаган тақдирда, алимент тўловлари маблағлар келиб тушган кундан бошлаб қопланади.

Давлат ижрочиси жамғармадан қопланган алимент тўловлари бўйича қарздордан маблағларни қайтариш бўйича ижро ҳаракатларини амалга оширади.

Жамғарманинг жорий йилда фойдаланилмаган маблағлари бюджетга олиб қўйилмайди ва улардан кейинги даврда фойдаланилади.

https://t.me/huquq_24_7
Каналга уланиш Ochish/sharhlash

2022-08-04 07:10:31 #Қабул_2022

БУГУНДАН АБИТУРИЕНТЛАРГА РУХСАТНОМАЛАРНИ БЕРИШ БОШЛАНДИ

2022-2023 ўқув йилида ОТМнинг бакалавриат таълим йўналишларига ўқишга кириш учун онлайн рўйхатдан ўтган абитуриентларга “Абитуриент рухсатномаси”ни бериш бошланди.

Абитуриентлар тест синовларида қатнашиш учун мазкур рухсатномани my.dtm.uz сайтига шахсий идентификация рақами ҳамда паспорт серияси ва рақамини киритган ҳолда олиши мумкин.

Рухсатномани ДТМнинг қуйидаги махсус телеграм ботлари орқали ҳам юклаб олиш имконияти мавжуд:

* @e_dtm_mandatbot
* @e_dtm_mandat1bot
* @e_dtm_mandat2bot
* @e_dtm_mandat3bot
* @e_dtm_mandat4bot

Эслатма: тест синовлари 8 августдан бошланади.

https://t.me/huquq_24_7
Каналга уланиш Ochish/sharhlash