YURIDIK KONSALTING⚖️

2022-09-01 09:48:42 ​​Ҳалқ таълим вазирининг муносабати!

Ҳурматли устозлар! Ижтимоий тармоқларда 15 йилдан ортиқ меҳнат стажига эга олий тоифали педагогларнинг жорий йил ўтказилган аттестация жараёнларида иштирок этмаганлиги натижасида мавжуд малака тоифасини йўқотганлигига доир нотўғри талқинлар тарқалмоқда.

Азиз устозлар!

Ҳавотирга ўрин йўқ! Халқ таълими вазири сифатида шуни алоҳида таъкидлаб ўтаманки, жорий йил март-май ойларида малака тоифаси олиш учун ўтказилган аттестация даврида амалда бўлган тартибга асосан, 15 йиллик узлуксиз иш стажига эга бўлган олий малака тоифага эга педагогларнинг аттестациядан ўтиши мажбурий бўлмаган ва уларнинг олий тоифа малакаси умрбод сақлаб қолинади.

Шунингдек, албатта, ушбу тоифадаги педагог ходимларимизнинг ойлик иш ҳақлари олий малака тоифага тегишли лавозим окладидан тўланади.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-09-01 07:17:13 ​​#мурожаат

Савол:
Мендан бошқа оилада ишлайдиган ишчи ёқ фақат озим ишлайман. Мени декретга кетган ўқитувчининг орнига фақтинча ариза билан ишга олди. Ҳозирги вақитта мени ишдан олиб ташламоқчи. Пенсия ёшга толган ўқтувчилар бемалол ишламоқда. Уларни ўрнига мени олиш керак емасми? Мен иш ўрин ёқлиги сабали ишсиз қоламанми.

Юрист жавоби:

Меҳнат кодексининг 234-моддаси 5-қисмига мувофиқ болани парваришлаш таътиллари даврида аёлнинг иш жойи (лавозими) сақланиши белгиланган. Аммо бу аёл бола парваришига чиққан пайтида унинг ўрнига муддатли меҳнат шартномаси асосида бошқа ходимни ишга олишни чекламайди. Бу эса ходим ўз таътилдан қайтганда ўз ишини давом эттириши лозимлигини билдиради.

Вақтинча ишлаётган ходим билан эса Меҳнат кодексининг 105-моддасига асосан муддатли меҳнат шартномаси муддати тугаши билан бекор қилинади.
Агарда сиз ходим ўз ишига қайтиши сабабли эмас аксинча асоссиз равишда ишдан бўшатилган бўлсангиз Фуқаролик судига ёки Аҳоли бандликка кўмаклашиш маркази қошидаги Меҳнат инспекторига шикоят аризаси билан мурожаат қилишингиз мумкин.

Иш ўрни масаласига келсак «Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида» низомнинг 19-бандига кўра пенсионерларга дарс соатлари меҳнат қонунчилигига асосан мазкур Низомнинг 15-бандида белгилаган кўрсаткичлар устувор кетма-кетлиги асосида тақсимланади. Пенсионер ўқитувчи билан меҳнат шартномасини бекор қилиш Меҳнат кодексининг 17-моддасига мувофиқ иш берувчининг ҳуқуқидир. Шу сабабли ҳам пенсионер шахснинг ҳам дарс ўтиш ҳуқуқи мавжуд.

Шу билан бирга, сизнинг иш сўраб ёзма равишда мурожаат қилиш ҳуқуқингиз ҳам мавжуд. Сизнинг ишга қабул қилиш ҳақидаги аризангиз рад этилган тақдирда, сизнинг талабингиз билан иш берувчи сизга ишга қабул қилишни рад этишнинг сабабини асослаб уч кун муддат ичида ёзма жавоб бериши шарт. Иш берувчи ишга қабул қилишни асоссиз рад этган тақдирда сиз Аҳоли бандликка кўмаклашиш маркази Меҳнат инспекторига ёки прокуратурага мурожаат қилишингиз мумкин.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-31 11:58:03 ​​ Ўқитувчиларга устама тўлаш тартиби белгиланди!

Ўзбекистон Республикаси Президентининг 11.05.2022 йилдаги ПФ-134-сон фармони 9-бандига кўра умумтаълим фанлари бўйича тегишли даражадаги сертификатга эга бўлган педагог кадрларга қуйидаги тартибда ҳар ойлик устама тўланади:

халкаро тан олинган сертификатга (шу жумладан, рус тилини билиги даражасини белгиловчи ТРКИС1 ва юқори ёки TORFLC1 ва юқори даражасидаги сертификатга эга*таълим тили рус типи булмаган умумтаълим мактабларда *рус тили фанидан дарс берувчи уқитувчиларга) эга булган педагог кадрларга — уларнинг тариф ставкасига нисбатан 50 фоиз микдорида;

халқаро стандартлар талабларига жавоб берадиган миллий бахолаш тизимида олинган сертификатга эга булган педагог кадрларга — уларнинг
тариф ставкасига нисбатан 50 фоиз микдорида;

халкаро стандартлар талабларига мувофик булмаган Давлат тест марказининг миллий бахолаш тизимида олинган сертификатга эга булган педагог кадрларга — уларнинг тариф ставкасига нисбатан 20 фоиз микдорида;

Давлат тест маркази томонидан бериладиган чет тилини билиш даражасини белгиловчи CEFR тизглмидаги С1 ва ундан юқори даражадаги сертификатлар бундан мустасно, бундай сертификатларга 2025 йил 1 январга кадар амал қилиш муддати доирасида 50 фоиз устама туланади.

Умумтаълим фанлари буйича бир нечта сертификатга эга булган педагог кадрларга кар ойлик куишмча устама юкорирок устама олиш ҳуқуқини берувчи сертификат буйича туланади. Бунда, ҳар ойлик кушимча устама сертификат амал килиш муддати давомида, лекин уч йилдан куп булмаган вакт мобайнида туланади.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-31 10:39:55 ​​Биринчи сентябрдан бошлаб такси хизматини йўлга қўйишда ЯТТ очиш талаб этилмайди.

Ўзбекистон Республикаси Президентининг 07.07.2022 йилдаги ПҚ-311-сон қарорига мувофиқ 2022-йил 1-сентабрдан бошлаб автотранспорт воситаларида йўловчи ташиш фаолияти билан шуғулланиш учун ўзини ўзи банд қилган шахслар рўйхатига кириш мумкин бўлади.

Бунинг учун сиз ўзини ўзи банд қилган шахс сифатида рўйхатдан ўтишингиз ва автотранспорт воситаларида йўловчиларни ташиш фаолияти билан шуғулланиш учун лицензия олишингиз зарур.

Ўзини ўзи банд қилган шахс сифатида рўйхатдан ўтиш тартибини ушбу видео орқали батафсил билиб олишингиз мумкин.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-31 06:55:13 ​​ Бугун барча ходимлар иш жойидан камида 1 соат эртароқ кетишлари мумкин

Меҳнат кодексининг 121-моддасига кўра, байрам (ишланмайдиган) кунлари арафасида кундалик иш (смена) муддати барча ходимлар учун камида 1 соатга қисқартирилади.

Эртага Мустақиллик байрами куни. Демак, бугун ишга чиққан барча ходимлар 1 соат вақтлироқ уйига кетишга қонунан ҳақли.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-30 17:28:50 ​​#мурожаат

Савол:
Ассалому алайкум. Мен 16 йилдан буён умумий ўрта таълим мактабида тўгарак раҳбари, ёшлар етакчиси, кадрлар бòйича менежер ва кутубхоначи вазифаларида ишлаб келмоқдаман. Шу билан бирга ОТМнинг сиртқи бўлим БЦТИ йўналиши 4-курс талабасиман. Мен мактаб раҳбариятидан бу йил дарс сўрасам, 2-малака тоифасига эга бир пенсионер ходимга дарс берилиши сабабли менга дарс ажратиб бўлмаслигини айтишди. Шу тўғрими. Агар пенсионер ходимлар ишдан кетишни исташмаса, ёш кадрлар қандай иш билан таъминланиши мумкин? Жавоб учун олдиндан рахмат.

Юрист жавоби:
Ассалому алейкум ҳурматли фуқаро сизнинг саволингизга қуйидагича жавоб берамиз.

Вазирлар Маҳкамасининг 275-сонли қарори билан тасдиқланган низомнинг 8-бандига кўра олий таълим муассасасининг 4-курсида, педагогика йўналишларида кундузги, кечки, сиртқи бўлимларнинг 3-курсида ўқиётган шахслар педагогик йўналишда ишлашлари мумкин. Аммо уларга ўрта махсус, касбий маълумотга эга бўлган тегишли лавозимдаги ходимнинг базавий тариф ставкаси асосида ҳақ тўланади.

Демак, педагогик йўналишда ўқиётган талабалар 3-курсдан дарс беришлари мумкин.

Дарс тақсимотига келсак, «Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида» низомнинг 15-банди асосидаги устувор кетма-кетлик бўйича дарс тақсимланса, қонунан тўғри иш қилинган бўлади.

Шунингдек, ушбу низомнинг 19-бандига кўра пенсионерларга дарс соатлари меҳнат қонунчилигига асосан мазкур Низомнинг 15-бандида белгиланган кўрсаткичлар устувор кетма-кетлиги асосида тақсимланади. Пенсионер ўқитувчи билан меҳнат шартномасини бекор қилиш Меҳнат кодексининг 17-моддасига мувофиқ иш берувчининг ҳуқуқидир. Шу сабабли ҳам пенсионер шахснинг ҳам дарс ўтиш ҳуқуқи мавжуд.

Юқоридаги асосларга кўра педагогик йўналишда ўқиётган талабалар 3- курсдан дарс бериши ҳамда урарга юқоридаги кетма кетлик асосида дарслар тақсимлаб берилиши мумкин.
Агар дарс тақсимотида ҳуқуқларингиз бузилган деб ҳисобласангиз сиз туман Адлия бўлимига шикоят билан мурожаат қилишингиз мумкин.


@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-30 14:31:47 ​​ Кимлар банд фуқаролар ҳисобланишини биласизми?

Ўзбекистон Республикаси "Аҳоли бандлиги тўғрисида"ги қонунининг 4-моддасига кўра:
- меҳнат шартномаси бўйича ҳақ эвазига тўлиқ ёки тўлиқсиз иш вақти шартлари асосида ишлаётган ёхуд касаначилик билан шуғулланаётган, шунингдек ҳақ тўланадиган бошқа ишга, шу жумладан вақтинчалик ишга эга бўлган фуқаролар;

- касаллиги, таътилда бўлиши, касбга тайёрлашда, қайта тайёрлашда ёки малака оширишда эканлиги, ишлаб чиқариш тўхтатиб турилганлиги муносабати билан, шунингдек қонунчиликка мувофиқ вақтинча иш жойида бўлмаган ходимнинг иш ўрни сақланиб қоладиган бошқа ҳолларда вақтинча иш жойида бўлмаган фуқаролар;

- ҳақ тўланадиган лавозимга сайланган ёки тайинланган фуқаролар;

- Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардияси, Давлат хавфсизлик хизмати тизимида, божхона органларида ва бошқа ҳарбий хизмат назарда тутилган идораларда хизматни ўтаётган фуқаролар;

- ўзини иш билан мустақил равишда таъминлаётган фуқаролар, шу жумладан ҳунармандлар, оилавий корхоналарнинг иштирокчилари, деҳқон хўжаликларининг, ишлаб чиқариш кооперативларининг аъзолари, фермер хўжаликларининг аъзолари, ўзини ўзи банд қилган шахслар сифатида рўйхатга олинган шахслар, якка тартибдаги тадбиркорлар, шунингдек хизматлар кўрсатиш (ишларни бажариш) бўйича, шу жумладан фуқаровий-ҳуқуқий тусдаги шартномалар бўйича шахсий меҳнати билан иштирок этишга асосланган фаолиятни амалга оширувчи бошқа шахслар;

- Ўзбекистон Республикасидан ташқарида вақтинчалик меҳнат фаолиятини амалга ошираётган фуқаролар;

- ўз фаолиятини қонунчиликка мувофиқ амалга ошираётган нодавлат нотижорат ташкилотларида, шу жумладан диний ташкилотларда ишлаётган фуқаролар банд деб ҳисобланадилар.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-30 11:10:00 ​​ СИНФ РАҲБАР БЎЛИШИМ МУМКИНМИ?

Ассалому алейкум ҳурматли Юристлар. Мен умумий ўрта таълим мактабида ўқитувчиман. Инглиз тили фанидан дарс бераман. Синф раҳбар бўлмоқчи эдим лекин директор сен бўлолмайсан. Сабаби инглиз тили гуруҳларга бўлиниб ўқитилганлиги учун дейди. Шу гапи тўғрими.

Юрист жавоби:

Директорингизнинг гапи нотўғри. Чунки, 2021-йил 1-мартдаги "Умумий ўрта таълим муассасаларининг синф раҳбарлари фаолиятини ташкил этиш тўғрисидаги низомга ўзгартириш киритиш тўғрисида" ги Халқ таълими вазирлиги 52-сонли буйруғи қабул қилинган. Унга кўра синф раҳбарга қўйиладиган талаблар биттага қисқарди. Синф раҳбар синфдаги ўқувчилар гуруҳларга бўлиниб ўқитилмайдиган фанлар ўқитувчилари бўлиши керак деган талаб олиб ташланди.

Ҳозирги кунда фақат устунлик берилган, холос. Бу фани гуруҳларга бўлиб ўқитиладиган ўқитувчи синф раҳбар бўлиши мумкин эмас дегани эмас.

Синф раҳбар авваламбор синфдаги ўқувчилар гуруҳларга бўлиниб ўқитилмайдиган фанлар ўқитувчиларига, кейинги навбатда эса синфдаги ўқувчилари гуруҳларга бўлиниб ўқитиладиган фанлар ўқитувчиларига бириктирилиши белгиланган.

Ҳозирги кунда синф раҳбар бўлиш учун қуйидаги талаблар мавжуд :

камида 3 йиллик педагогик иш стажига эга бўлган;

мактабда асосий ишчи сифатида фаолият олиб бораётган;

бошқарувчанлик қобилиятига эга бўлган;

ўқувчилар билан ишлаш жараёнига масъулият билан ёндаша оладиган;

Демак, сиздан бошқа синф раҳбар бўлиш учун талабгор бўлмаса, сизни синф раҳбар қилишга мажбур. Фани бўлиниб ўқитилмайдиган ўқитувчи талабгор бўлса, унга устунлик берилади.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-30 08:13:18 ​​ Магистратура босқичида таълим олаётган хотин-қизлар диққатига!

Ҳукумат қарори (447-сон, 15.08.2022 й.) билан Давлат ОТМнинг магистратура босқичига тўлов-контракт асосида қабул қилинган ва таълим олаётган хотин-қизларнинг тўлов-контракт суммасини Давлат бюджети маблағлари ҳисобидан қоплаб бериш тартиби тўғрисидаги низом тасдиқланди.

Шу сабабли давлат ОТМнинг магистратура босқичига тўлов-контракт асосида қабул қилинган ва таълим олаётган талаба хотин-қизлар (талабгорлар) 2022/2023 ўқув йилидан бошлаб ўқув йили учун тўлов-контрактнинг тўлиқ суммасини қоплаб бериш юзасидан (табақалаштирилган тўлов-контракт тўловлари бундан мустасно) ўзлари таълим оладиган ОТМ ректори (филиал директори) номига 15-сентябргача ариза билан мурожаат этишлари керак.

Ушбу муддатдан кейин тақдим этилган аризалар кўриб чиқилмайди.

Аризалар 3 иш кунида кўриб чиқилиб, рўйхат шакллантирилади.

Эслатма: Агарда сиз университетнинг филиалида таълим олсангиз ариза филиал директори номига ёзилиши лозим.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash

2022-08-30 06:13:50 ​​ Тўлов-шартномаларни олиш тўлиқ рақамлаштирилди.

Эндиликда, биринчи босқичга тавсия этилган талабалар ҳам янги ўқув йилининг биринчи кунидан бошлаб тўлов-шартномаларни электрон шаклда, ортиқча оворагарчиликларсиз онлайн олишлари мумкин.

Шунингдек, белгиланган ўтиш балини тўплай олмаган, аммо табақалаштирилган тўлов-шартнома асосида ўқиш истагини билдирган талабгорлар учун ҳам t-kontrakt.edu.uz платформаси орқали онлайн ариза бериш ва шартномани онлайн расмийлаштиришга янги ўқув йилининг биринчи кунидан бошлаб имконият берилади.

2022 йил 5 сентябрдан бошлаб барча босқич талабалари (бакалавр, магистр, суперконтракт) тўлов-шартномани онлайн юклаб, тўловни амалга оширишлари мумкин.

Платформа орқали ариза бериш ҳамда шартномани расмийлаштириш жараёнларини масофавий амалга ошириш тартиби ва муддатлари бўйича батафсил маълумот берилади.

@yuridik_konsaltuz_bot - савол йўлланг, тез фурсатда малакали юристлар жавобини олинг!

@yuridikkonsalting Ochish/sharhlash