Homiladorlik va Onalik👪

2022-08-17 07:37:58 Egizak farzand ko'rish uchun qo'llanma / Эгизак фарзанд кўриш учун қўлланма Ochish/sharhlash

2022-08-17 07:37:56 Bakalga rasm yopishtirish Ochish/sharhlash

2022-08-17 07:37:54 СИЗЛАР КУТАЁТГАН ВИДЕО ОХИРИГАЧА КУРИНГ Ochish/sharhlash

2022-08-16 07:59:39 Baxt nima ekanligini to‘liq his etish uchun o‘zimizni hurmat qilish va yaxshi ko‘rishni o‘rganishimiz kerak. Quyidagi 7 ta oddiy maslahat o‘zingizni yaxshi ko‘rish borasida biroz ilgarilashga yordam beradi.

O‘zingiz haqingizda faqat yaxshi narsalarni gapiring

Hazil yoki kinoya ma’nosida ham o‘zingiz haqingizda yomon gaplarni gapirmang. «Qanaqa esi pastman-a, hamyonni uyda qoldiribman», «Buncha noshudman-a, idishni sindirib qo‘ydim». Biz tez-tez yuqoridagi kabi jumlalarni takrorlab turamiz. Biroq ong ostimiz uni ayni haqiqat sifatida qabul qilishi haqida o‘ylab ham ko‘rmaymiz. Ong ostiga hazil tuyg‘usi xos emas, shuning uchun u barchasini to‘g‘ridan-to‘g‘ri qabul qiladi. Shu sababdan o‘zingizga nisbatan bahongizni tushurmaslik uchun o‘zingizni yomonlashdan tilingizni tiying.

Doim tanqidning o‘rnini bosuvchi jihatlarni toping

Biz o‘zimizni tanqid qilishni xush ko‘ramiz. Ayniqsa, oynaga qaragan paytlarda. Yaxshisi diqqat-e’tiborimizni ustun jihatlarimizga qarataylik. Masalan, sochlarim siyrak, lekin mayin va chiroyli ko‘rinadi… Tanqid qilish odatini butunlay tashlaguncha, har bir tanqidiy qarash uchun bitta afzallikni topishni o‘rganing.

O‘zingizni maqtang

Har kuni kechqurun kun davomida qilgan yaxshi ishlaringiz uchun o‘zingizni maqtab qo‘ying. Hattoki, kichik ishlar va yutuqlar uchun ham. Maqtov natijasida o‘zingizga nisbatan beradigan bahongiz ham ortib boradi.

O‘zingiz uchun vaqt ajrating

Kun davomida faqat o‘zingiz uchun ajratishingiz mumkin bo‘lgan vaqt toping, hech bo‘lmaganda 20 daqiqa. Buning natijasida kayfiyatingiz sezilarli darajada ko‘tarilganligini payqaysiz.

O‘zingiz uchun pul sarflang

Bu ko‘p pul sarflash kerakligini anglatmaydi. Oz-ozdan bo‘lsa-da, muntazam pul ajrating. Siz bunga loyiqsiz!

O‘zingizni parvarish qiling

Teringizni parvarish qiling, manikyur, pedikyur va sartarosh xizmatidan foydalaning. O‘ziga qaragan ayol o‘zini doim go‘zal his qilishini unutmang!

Hayotingizga sevimli ishni kiriting

Bu biror ish yoki sevimli mashg‘ulot – xobbi bo‘lishi mumkin. O‘zingizga yoqqan soha yoki yo‘nalishda o‘z imkoniyatlaringizni ro‘yobga chiqaring. Bu o‘zingizga bo‘lgan munosabatingizni o‘zgartiradi.

O‘zingizni yaxshi ko‘ra boshlashingiz bilan atrofdagilarning ham sizga bo‘lgan munosabati ijobiy tomonga o‘zgara boshlaydi!

@HomiladorlikvaOnalik Ochish/sharhlash

2022-08-16 07:59:39 O‘ZIMIZNI YAXSHI KO‘RA BOSHLASHIMIZ UCHUN 7 QADAM

@HomiladorlikvaOnalik Ochish/sharhlash

2022-08-15 07:27:44 Ҳомиладорликда ич қотиши (қабзият): олдини олиш ва даволаш

Қабзият эркаклардан кўра аёлларда кўп учрайдиган ҳолатдир.
Ҳомиладорликда эса қабзият бўлиши эҳтимоли янада ошади. 

Нега айнан ҳомиладорликда қабзият ҳолати жадаллашади?

Ҳомиладорликнинг илк даври организмда прогестерон гормонининг ошиши билан бошланади.
Aйнан шу гормон ичак тизими фаолиятини секинлашувига, натижада қабзият юзага келишига олиб келади.
Ҳомиладорликнинг 2-3 триместрида қабзиятга гормонлардан ташқари аёлнинг ўсаётган қорни нажас чиқиш йўлларини босиб қўйиши, нотўғри овқатланиши ва баъзи витаминлар(темир моддаси ва калсий)ни қабул қилиши сабабчи бўлади.

Ҳомиладорликда қабзиятнинг зарари йўқми?

Умуман олганда аёлга келтирадиган ноқулайликларидан ташқари қабзиятнинг ҳомиладорликка зарари йўқ.
Лекин қабзият туфайли аёл ҳожатга борганида жисмонан қийналади.
Ҳомиладорликда давом этган қабзият бавосил(геморрой)га олиб келиши мумкин.
Ҳожатга борганда оғриқ кучайиб, нажасда қон кўринса, шифокорга мурожаат қилиш тавсия этилади.  

Ҳомиладорликда қабзият бўлганда бавосил чиқиб кетиши осон бўлгани учун кучаниш мумкин эмас.

Ҳомиладорлик давомида қабзиятга олиб келмаслик учун нима қилиш керак?

1. Мева ва сабзавотлардан кўпроқ истеъмол қилиш;

2. Кунига камида 1,5-2 литр суюқлик ичиш;

3. Тоза ҳавода кўп юриш;

4. Танага қулоқ солиш. Ичингиз келаётгани сезилиши билан ҳожатга бориш.
Ич келаётганида уни чиқармай ушлаб туриш кейинчалик қабзиятга сабаб бўлади.

5. Ичаётган витаминингизни шифокор билан маслаҳатлашган ҳолда алмаштириб кўриш;

6. Кўпроқ қатиқ ейиш; 

7. Кўпроқ қуритилган олхўри ейиш.

Ҳомиладорлик давомида қабзиятга қарши дори воситаларини қабул қилиш мумкинми?

Мумкин эмас!
Ич келтирувчи дори воситалари бачадонга ҳам таъсир этиб, ҳатто тўлғоқларни ҳам келтириб чиқариши мумкин.
Ҳудди шундай клизмани ҳам муддатидан олдин бачадон қисқаришига олиб келиш ҳавфи бор. 

Оналар маслаҳати:
ярим лимон шарбатини 1 литр сувга аралаштириб эрта тонгда ичиб олса, ич қотишини олдини олади. Ochish/sharhlash

2022-08-14 19:10:07 Хайрли ОҚШОМ

Рибо (фоиз пули) кирган хонадонда хузур халоват бўлмайди.

Харом луқма кирган хонадондан солих
солиха насл чиқмайди.

Ота онага хурмат бўлмаган хонадонда барака бўлмайди.

Қариндошлар билан алоқа узилган
хонадонда дуо қабул бўлмайди.

Эр хотинлар бир бирига мулойим бўлмаган хонадонда офият бўлмайди.

Бомдод намози ўқилмаган хонадонни Аллох таоло мухофаза қилмайди.

ХАЙРЛИ ОҚШОМ Ochish/sharhlash

2022-08-14 07:35:07 ҚИЗ ФАРЗАНД ЖАННАТ ГУЛИДИР...

Яна кизми?

Бир аёлнинг кўзи ёриганди. Чақалоқлар – эгизаклар! Гўдакларнинг иккиси ҳам қизалоқ. Биринчи фарзанди ҳам қиз экан. Жами учта қиз бўлибди. Аёл анча қийналибди. Камига, эри лоақал бир бор хабар олмабди. Хотини қўнғироқ қилса, “Яна қиз туғдингми?.. Бормайман. Ўғил туққанингда бораман!” дея қон йиғлатибди. Ортидан кўргани келаётган яқинларининг ҳамда қариндошларининг кети узилмаётган бўлса-да, мазлума аёлнинг кўзлари эрини кутиб нигорон эмиш… Ёнидаги шериклари ҳам ёлғизлатиб қўймай, уч маҳал иссиқ овқат чиқазиб туришибди. Лекин улар узатган шоҳтаомлар эри кўтариб келадиган “ёвғон”нинг ўрнини босармиди?..
Менимча, бошқа ҳамма қийинчиликларга чидаш мумкин – аёл чидайди, аёл кечиради… Аммо ўлим билан юзма-юз келиб, жонингни гаровга қўйиш эвазига фарзандини дунёга келтираётган пайтингда энг яқин, энг суянган, энг ишонган одаминг – турмуш ўртоғинг ёнингда турмаса; сабабли бўлса майли, аммо “Яна қизми?!” дея “аразлаб”, хабар олишга ярамаса, бунга чидаб бўлмайди, тоқат қилиш мумкин эмас. Асло!!!
Хуллас, ношукр эр келавермагач, аёл йиғлаб-сиқтагани ҳамда палатадошларидан уялиб, қаттиқ сиқилгани учун қон босими ошиб кетибди. Бир қариндоши шу туғруқхонада ишлар экан. Ҳаммасини кўриб-билиб турганидан секингина шифокорнинг қулоғига шипшитибди. “Махсус ва пухта режа”га биноан эр ишончли бир баҳона билан чақиртириб олинибди. Қовоғидан “қор ёғаётган” эркакка унча-мунча гап таъсир қилмаслигини уққан дўхтирлар секингина келишган ҳолда уни муолажахонага бошлаб боришибди. “Нега? Нима учун?” деган саволларни ёғдираётган “ота”га: “Ҳозир тартиб шунақа. Бу анализ учун!” дея қисқагина жавоб беришибди-да, шартта дард чақирувчи уколдан битта уришибди!
Сўнгра номига томиридан “анализ учун” қон олгандек бўлишиб: “Ярим соатдан кейин кетаверишингиз мумкин”, дейишибди.
Маълум вақт ўтгач, томоша бошланибди!
У ёқдан-бу ёққа зир югуриб додлаётган эркакни кўриб, кўрмасликка олаётган дўхтирлар ҳар замон-ҳар замонда мийиғларида кулганча: “Ҳа, нима бўлди? Жуда безовта бўлиб қолдингиз? Ишқилиб тинчликми?” дея гап ташлаб қўйишармиш.
“Менга қанақа укол қилдинглар? Оғриғига чидаб бўлмаяпти-ку?!” дея додлармиш шўрлик.

“Э, ҳа-а! Яшанг-э! Эркак деганам битта уколга шунча ваҳима қиладими? Ана, аёлларни қаранг, шунақа уколдан нечтасини олади, лекин “чурқ” этган товушлари чиқмайди бояқишларнинг. Бўл-бўл, эркак бўл, экан-да!
Аёлнинг жони қирқта, эҳтимол ундан ҳам кўпдир. Ундан кўра, хотинингизга ҳайкал қўйинг! Майли, ҳайкал ҳам қўйманг, бир оғизгина “Аҳволинг яхшими? Қийналмадингми, онаси?” дея кўнгил сўрасангиз, унинг қалбига ўрнатган бўласиз ўша олтин ҳайкални!” дейишибди…

Эркакдан эса садо чиқмабди. Эҳтимол, ҳамма хатосини англаб етгандир? Илоҳо, шундай бўлсин!

Бежизга донишлардан бири: “ҲАЁТ, уни ўрганадиган кишиларгагина ўргатади”, деб айтмаган-да.
Ҳаётда кўзимиз кўрган ҳар бир ҳодисадан ибрат ола билганимизда эди, бизга олийгоҳларнинг кераги ҳам бўлмай қолармиди?..
Ҳа-а, ҳаёт ўрганишни истаганларга жуда кў-ўп нарсаларни ўргатади… Фақат, ҳамма гап исташда. Менга қолса, “Энг яхши муаллим – ҳаётнинг ўзи!” деган бўлардим. Ochish/sharhlash