Homiladorlik paytida 10 ta taqiq “Tibbiyotda va ayniqsa, | Homiladorlik Onalik Ginekologiya
Homiladorlik paytida 10 ta taqiq
“Tibbiyotda va ayniqsa, akusherlikda qat’iy taqiq qo’yish kamdan-kam uchraydi. Ammo homiladorlik paytida cheklash yaxshiroq bo'lgan narsalar mavjud. Agar siz o'zingizni homiladorligingizni bilishdan oldin ushbu taqiqlardan birini buzgan bo'lsangiz, havotirga o’rin yo’q, shunchaki shifokorga ko’rinib keling.”
1) Antibiotiklar va boshqa dori vositalari
Antibiotiklar va dori - darmonlarni qabul qilish tavsiya etilmaydi - ular tug'ma anomaliyalarni keltirib chiqarishi mumkin. Hech qachon o’z - o'zingizni davolamang. Agar siz shunchaki shamollab qolsangiz ham, darhol shifokorga boring.
2) Ekstremal sport turlari
Ekstremal sport turlari bilan shug'ullanmasligingiz ma’qul: suvga sho'ng'ish, tog ' chang'isida uchish, parashyutdan sakrash – shikastlanish va hatto homilani yo'qotish ehtimoli katta.
3) O'simlik preparatlari
Dastorbosh, dalachoy, aloe, arpabodiyon, chinnigullar, kalendula, sebarga, shuvoq, senna kabi o'tlar homila tushishini olib kelishi mumkin.
4) Kosmetologiya
Kosmetologiya protseduralari tavsiya etilmaydi. Mezoterapiyadan, botoks in'ektsiyasidan va fotoepilyatsiyadan bosh tortganingiz ma'qul, buni natijasini oldindan aytib bo'lmaydi.
5) Vanna va sauna
Homilani haddan tashqari qizdirib yubormang. Homiladorlik paytida rus hammomida yoki saunasida bo’lish –yaxshi g'oya emas, ayniqsa, siz ilgari u yerda bo'lmagan bo'lsangiz.
6) Go'sht va baliq
Restoranlarda ovqat tanlashda va oziq-ovqat xarid qilishda ehtiyot bo'ling. Yaxshi pishirilmagan go'sht, baliq, dengiz mahsulotlarida xavfli parazitlar mavjud bo’lishi mumkin.
7) Sayohat
Agar sizda plasental taqdimot (yo’ldoshning past joylashishi) bo’lsa yoki istimik-servikal yetishmovchilik bo'lsa (bachadon bo'yni erta kengayishi), homiladorlik paytida parvozlar taqiqlanadi. Agar siz sog'lom bo'lsangiz, tug'ilish xavfi tufayli 36-haftadan boshlab parvoz taqiqlanadi: aviakompaniyalar sizni bortga chiqarmaydi.
8) Yuqumli kasalliklar
Chechak va qizilcha kabi bolalar kasalliklari bilan kasallanish xavfli. Shuning uchun bolalar ko'p bo'lgan joylarda (bolalar bog'chalari, maktablar) kamroq vaqt sarflashingizni maslahat beramiz.
9) Spirtli ichimliklar
Spirtli ichimliklarni muntazam ravishda va katta dozalarda iste'mol qilish tavsiya etilmaydi. 21-haftagacha esa, organogenez (embrional rivojlanish jarayonida organlarning shakllanishi) tugamaguncha, alkogolli ichimliklarni umuman unutgan ma'qul.
10) Chekish
Chekish feto-plasentar yetishmovchiligini rivojlanish xavfini keltirib chiqaradi, natijada homilaning o'sishi sustlashadi va muddatidan oldin tug’ish xavfi kuchayadi.
@Homiladorlik_Onalik_Ginekalogiya
