47-dars. Sifat va ravish so'z turkumlari (Kirish darsi) (The f | GREEN GRAMMAR

47-dars. Sifat va ravish so'z turkumlari (Kirish darsi) (The forty seventh lesson: Categories of adjectives and adverbs) (Introductory lesson)

Ingliz tilida sifat soʻz turkumi ham oʻzbek tilidagi sifat kabi predmetning belgisini bildirib keladi.
Eg. Claire has got a new car. (Klerning yangi mashinasi bor)
Eg. Claire's car is new. (Klerning mashinasi yangi)

Sifatlar otlar oldidan kelib ularning belgisini bildirib keladi, gapda aniqlovchi vazifasini bajaradi.
Eg. I can see a tall man and a short man in the distance.

Ingliz tilida sifatlar ba'zi fe'llardan keyin predmetning belgisini bildirib kela oladi. Sifat bilan qoʻllaniladigan fe'llar linking verb deb aytiladi. Bu fe'llarga quyidagilar kiradi:
appear*
be
become
feel*
get/grow️*
look️*
seem
smell️*
stay
taste️️*
sound
remain

Misollar:
Eg. This coffee tastes good. (=The coffee is good.)
Eg. I am tired and I am getting hungry. (=I am hungry.)
Eg. Your friend seems very nice. (=Your friend is nice.)

Yuqoridagi misollardan bilib olsak boʻladiki, linking verb predmetning belgisini bildirib kelganda, holat fe'li sifatida qoʻllaniladi va mazmunan to be fe'li ma'nosini beradi.
Eg. This coffee tastes good = This coffee is good.

Yuqoridagi yulduzchali fe'llar harakat fe'li sifatida qoʻllanilganda esa, ravish (adverb) bilan qoʻllanishi lozim. Qiyoslash uchun misollar:
Eg. Tom looked sad. (Tom g'amgin ko'rindi...sifat qoʻllanilgan.)
Eg. Tom looked at me sadly.(Tom menga g'amgin qaradi...ravish qoʻllanilgan.)
Eg. The food tasted awful. (Ovqatning ta'mi yomon edi...sifat qoʻllanilgan.)
Eg. Ann tasted the food carefully. (Anna ehtiyotkorlik bilan ovqatni tatib koʻrdi...ravish qoʻllanilgan.)
Eg. The man appeared drunk. (Kishi mast koʻrindi...sifat qoʻllanilgan.)
Eg.The waiter appeared suddenly. (Ofitsiant toʻsatdan paydo boʻldi...ravish qoʻllanilgan.)

Ingliz tilidagi faqat bir oʻrinda qoʻllaniladigan sifatlar mavjud . Uning bu xususiyatlari lug'atda izoh sifatida only before a noun yoki not before a noun sifatida beriladi.

Faqat ot oldidan keladigan (ot bilan ishlatilishi shart bo'lgan) sifatlarga misollar, lug'atdagi izohi (only before a noun) :
Main, only, indoor, former, chief, elder, outdoor, outer, principal, upper, inner, eldest.

Misollar:
Eg. Be careful crossing the main road. (Asosiy yo'ldan o'tayotganda ehtiyot bo'l)
Eg. The only problem is I have got no money.
Eg. The former footballer now trains young players.

Faqat linking verbdan keyin keladigan sifatlar, bu sifatlar ot oldidan qoʻllanilmaydi, lug'atdagi izohi (not before a noun):
Asleep, alike, pleased, afraid, alone, ashamed, awake, content, fine, glad, unwell, well, aloof, afloat, averse, ablaze, alert, aware.

Misollar:
Eg. At last the baby fell asleep. (Nihoyat, chaqaloq uxlab qoldi)
Eg. Emma's two brothers are very alike.
Eg. I am really pleased to see you.
Eg. Don't be afraid. The dog won't hurt you.

Demak, misol uchun afraid sifatini biz ot oldidan qo'llay olmaymiz. Masalan, qo'rqib ketgan bola demoqchi bo'lsak, 'an afraid boy' deyolmaymiz, chunki afraid sifati ot oldidan kela olmaydi. Lekin 'afraid' so'zining ot oldidan kela oladigan sinonimlarini qo'llab, ' a frightened boy' desak bo'ladi.

Dars audiosi keyingi postda

@GREEN_GRAMMAR — English with Navbahor