Футбол қоидалари

2022-12-30 10:18:07 ОЧЛ-2024/2025дан бошлаб квоталаримиз нима учун қисқараётгани ҳақида

2024-2025 йилги мавсумдан бошлаб ОФК қитъа миқёсидаги клублар турнирини (ОЧЛ, ОФК кубоги + янги турнир) янги форматда ўтказилиши ва унда Ўзбекистоннинг квоталари қисқариши ҳақида ёзиб ўтгандим.

"Футболиум" телеграм канали нима учун бизнинг квоталар қисқараётганига ойдинлик киритиб ўтди.

1. Аввал айтиб ўтганимиздек, Чемпионлар лигасининг гуруҳ босқичида энди 24та клуб иштирок этади (Ғарб ва Шарқ минтақасида 12тадан). Демак, барча мамлакатларнинг квоталари қисқиртирилади.

2. ОФК квоталарни тақсимлайдиган коэффициентлар жадвалини ҳисоблашнинг тартибини ўзгартирди. Энди клубларнинг сўнгги 8 йилдаги натижаси инобатга олинади. Бунда эса Ўзбекистоннинг 2015 ва 2017 йилги натижалари жуда паст бўлгани якуний натижаларимизга таъсир қилган. Натижада биз янги шакллантирилган жадвалда 5-ўринни эгаллаб турибмиз.

3. ОФК сўнгги 2 йилдан бери ОФК кубоги натижаларини ОЧЛдан алоҳида ҳисоблаб, уни жадвалга қўшаётганди. Шу сабабли, бизнинг квоталаримиз мавсум-2023/2024да 2+2 ошганди ва мавсум-2024/2025дан бошлаб ҳаттоки 3+1га ҳам ошиши кутилаётганди. Бу тартиб бекор қилинди. Натижада сўнгги 2 мавсумда ОФК кубоги ёрдамида йиғиб олган очколаримиз салмоғи анча камайган.

4. Рейтинг жадвалига киритилган янгиликлардан яна бири — аввалги йилларда қўлга киритилган натижалар салмоғи камайтириб борилади. Масалан, мавсум-2022/2023даги натижалар 100 фоиз олинса, аввалги йиллардаги натижаларнинг 90, 80, 70, 60, 50, 40 ва 30 фоизи олинади.

Квоталар қандай тақсимланиши ҳақида
Мамлакатларнинг ОФК коэффициентлар жадвалида ўринларига қараб, мусобақалар учун қуйидагича тақсимланиши кутилмоқда:

1-ўрин. ОЧЛ гуруҳ босқичи 3та + ОФК кубоги гуруҳ босқичи 1та (жами 4та);
2-3-ўринлар. ОЧЛ гуруҳ босқичи 2та + ОЧЛ саралаш босқич 1та + ОФК кубоги гуруҳ босқичи 1та (жами 4та);
4-ўрин. ОЧЛ гуруҳ босқичи 1та + ОЧЛ саралаш босқич 1та + ОФК кубоги гуруҳ босқичи 1та (жами 3та);
5-6-ўринлар. ОЧЛ гуруҳ босқичи 1та + ОФК кубоги гуруҳ босқичи 1та (жами 2та);

Рейтингда 6-ўриндан пастки поғонани эгаллаган жамоаларга ОЧЛда ўрин ажратилмаган. Фақатгина уларнинг жамоаси ОФК кубогида ғолиб чиқса, келаси мавсумда ОЧЛда қатнашиши мумкин. Етакчи мамлакатларнинг учинчи ва тўртинчи жамоалари ОФК кубогида иштирок этиши туфайли иккинчи мусобақанинг ҳам савияси ошади.

Қуйидаги жадвал Алишер Никимбаев томонидан ҳисоблаб чиқилган. ОФК ҳисоблаш тартибига ўзгартириш киритса, унда ўзгариш бўлиши мумкин. Бу ҳақда расмий маълумотни кейинроқ бериб ўтаман. Ochish/sharhlash

2022-12-30 07:56:16 Пеле нима учун "Футболи қироли" дейилганини тасаввур қилишингиз учун... Ochish/sharhlash

2022-12-30 07:32:47 Барчаси учун раҳмат, Пеле!

Бразилиялик футбол афсонаси Пеле кеча тунда бу оламни тарк этди. Уч карра жаҳон чемпиони бўлган ягона футболчи ўз вақтида миллионлаб инсонларнинг қалбини забт этган. Футбол оламида ўзининг юксак ўрнига эга бўлган.

У жаҳонда кўплаб болакайларнинг футболга муҳаббат қўйишига, тўп тепишига сабабчи бўлган. Биз уни Пеле сифатида таниганмиз. Кейинроқ эса унинг ҳақиқий исми Эдсон Арантис ду Насименту эканини билганмиз.

Аввало тақдир-пешона, кейин эса саратон касаллиги туфайли у вафот этди. Унинг ўйинлари, футбол майдонида кўрсатган мўъжизалари чарп тўп ишқибозларининг хотирасида қолади.

Барчаси учун раҳмат, Пеле! Ochish/sharhlash

2022-12-29 19:49:15 ОЧЛ-2024/2025 квоталари ҳақида

Осиё чемпионлар лигаси 2024/2025 йилги мавсумдан бошлаб янги форматга ўтаётгани ва Осиёда яна бир мусобақа ташкил этилаётгани ҳақда маълумот бериб ўтгандим. Яъни ОЧЛнинг гуруҳ босқичида Шарқ ва Ғарб минтақаларида 12тадан жамоа қатнашади (ҳозир ҳар икки минтақадан 20тадан клуб қатнашаётганди).

Демакки, миллий ассоциациялар учун мусобақаларга ажратиладиган квоталар ҳам ўзгаради. ОФК рейтинг жадвалини тузишда клубларнинг сўнгги 8 йилдаги натижаларини инобатга олишга қарор қилди.

"Футболиум" телеграм канали хабар тарқатишича, ОФК Ижроқўми эртага Мусобақаларни ўтказиш қўмитасининг қарорини тасдиқлаши керак. Агар лойиҳа тасдиқдан ўтса:

— Мавсум-2024-25да Ўзбекистон ОЧЛ гуруҳ босқичи учун 1та ва ОФК кубоги гуруҳ босқичи учун 1та йўлланмага эга бўлади. Демак, Суперлига-2023да чемпион бўлган жамоа ОЧЛ гуруҳ босқичи, Кубок соҳиби эса ОФК кубогига йўл олади.

— Тожикистон эса ОФК кубогининг гуруҳ босқичи учун 1та, саралаш плей-офф босқичи учун 1та жойга эга бўлади.

— Туркманистон ОФК кубоги саралаш плей-офф босқичига 1та, янги ташкил этиладиган учинчи мусобақа (ҳали ном берилмади)нинг гуруҳ босқичига битта ўринга эга бўлади.

— Қирғизистон учинчи мусобақанинг плей-офф босқичига 1та квотага эга бўлади.

Маълумот ўрнида. ОЧЛ ҳозирги форматда сўнгги марта мавсум-2023/2024да ўтказилади. Унда Ўзбекистон "2+2" кўринишдаги квотага эга бўлган.

@futbol_qoidalar Ochish/sharhlash

2022-12-29 07:58:17 Россия футболи катта хатога йўл қўйиш арафасида

Бугун Россия футбол иттифоқининг Ижроқўм йиғилиши бўлиб ўтади. Унда ташкилотнинг УЕФАдан чиқиб, Осиё футбол конфедерациясига ўтиш масаласи кўриб чиқилади ва овозга қўйилади.

Айни пайтда кўпгина россиялик мутахассислар, хусусан, Ижроқўм аъзоларининг айримлари РФИнинг Осиёга ўтишига қаршилик қилмоқда. Қолганлар эса "халқаро мусобақаларсиз қолгандан кўра, ҳеч бўлмаса Осиёда турнирларда иштирок этиб турган яхшироқ" қабилида муносабатда бўлмоқда. Жумладан, Россия ЖЧ-2026 саралаш босқичида иштирок этишни кўзлаб, ОФКга ўтиш жараёнини тезлаштиришга интилмоқда.

Аслида РФИ бу масалани 21 декабрь кунги йиғилишда кўриб чиқиши керак эди. Йиғилишда мутасаддилар якдил фикрга кела олишмагани учун у 27 декабрга қолдирилди. Иккинчи йиғилишда бир қарор келинмади: аввал ОФК ва ФИФАнинг кафолатини олиш керак.

Назаримда, Россия бугун УЕФАдан чиқиш ва ОФКга ўтиш ҳақида қарор қабул қилади. Ва катта хатога йўл қўяди! Бунга бир қатор сабаблар бор.

Биринчидан, ФИФА Россия жамоаларини халқаро мусобақаларда иштирок этишга қўйган тақиқини ҳали бери бекор қилмоқчи эмас. Шундай экан, рус клублари ва терма жамоалари қитъамиздаги турнирларда иштирок эта олишмайди. Россия Украинадаги босқинини тўхтатмас экан, тақиқ бекор қилинмаса керак. Шу сабабли, Россия терма жамоаси ЖЧ-2026 ва Осиё кубоги-2027дан ҳам қуруқ қолиши мумкин.

Иккинчидан, Россия Осиёга ўтганидан УЕФАга қайтиши жуда ва жуда қийин бўлади. Маълумотларга қараганда, УЕФАнинг ҳозирги президенти Александер Чеферин лавозимда қолар экан, Россияни ташкилотга яна аъзо бўлишига йўл қўймайди. Шу боис, у РФИни бажонудил УЕФАдан чиқариб юбормоқчи.

Учинчидан, Россия Осиёга ўтиб ҳеч нарса ютмайди: на спорт томонлама, на иқтисодий жиҳатдан. Рус жамоаларининг савияси ортга кетса кетадики, асло ривожланмайди.

@futbol_qoidalar Ochish/sharhlash

2022-12-26 13:21:05 ЖЧ-2026 ва Осиё Кубоги-2027 саралаши формати эълон қилинди

Осиё футбол конфедерацияси ЖЧ-2026 ва Осиё кубоги-2027 қўшма саралаши форматини эълон қилди.

2026 йилда АҚШ, Канада ва Мексикада ўтказиладиган жаҳон чемпионатига Осиё минтақасидан 8+1 та йўлланма ажратилган.

Биринчи саралаш босқичида ФИФА рейтингининг энг қуйи қисмида бораётган 22 та миллий жамоа қуръа ёрдамида 11 та жуфтликка ажратилади ва уй-сафар тизимида ўзаро беллашади. Ғолиблар иккинчи босқичга йўл олади.
Муддат: Бу босқич 2023 йилнинг октябрь ойида бўлиб ўтади.

Иккинчи босқичда 36 та миллий жамоа иштирок этади (ФИФА рейтингидаги энг яхши 25 жамоа + биринчи саралаш босқичининг 11 ғолиби). Улар 4 та жамоадан иборат 9 та гуруҳга бўлинади. Ўйинлар икки даврали тизимда ўтказилади. Ҳар бир гуруҳдан дастлабки икки ўринни эгаллаган миллий жамоалар (жами 18 та) учинчи босқичга йўл олади. Бу термалар бир вақтнинг ўзида Осиё кубоги-2027 йўлланмасини қўлга киритиб бўлади.
Муддат: 2023 йилнинг ноябрь ойида 2 та, 2024 йил март ойида 2 та ва 2024 йил июнь ойида 2 та ўйин ўтказилади.

Учинчи босқичда миллий жамоалар 6 та жамоадан иборат 3 та гуруҳга бўлинади. Ўйинлар икки даврали тизимда ўтказилади. Ҳар бир гуруҳдан дастлабки икки ўринни эгаллаган миллий жамоалар (жами 6 та) ЖЧ-2026 йўлланмасига эга бўлади.
Муддат: 2024 йил сентябрь — 2025 йил март.

Тўртинчи босқичда қолган 2 та йўлланма ва қитъалараро плей-оффдаги 1 та йўлланма ўйналади. Унда учинчи босқич гуруҳларида учинчи ва тўртинчи ўринни эгаллаган жамоалар (жами 6 та) 3 та иштирокчидан иборат 2 та гуруҳга ажратилади. Гуруҳ ғолиблари ЖЧ-2026 йўлланмасига эга бўлади. Иккинчи ўринни эгаллаган миллий жамоалар эса қитъалараро плей-офф йўлланмаси учун курашади. Бунда ғолиб чиққан жамоа бошқа қитъа термаси билан ЖЧ-2026 йўлланмаси учун курашади.
Муддат: Ушбу саралаш босқичи + қитъалараро плей-офф йўлланмаси учун ўйин марказлашган ҳолда 2025 йилнинг ноябрь ойида ўтказилади.

Осиё кубоги-2027 саралаш формати
2027 йилги Осиё Кубогида 24 та жамоа иштирок этади. Турнир мезбони — Саудия Арабистони.

ЖЧ-2026 саралашининг иккинчи босқичидаги 9 та гуруҳда дастлабки икки ўринни эгаллаган миллий жамоалар (жами 18 та) Осиё Кубоги-2027 йўлланмасига эга бўлади.

Қолган 6 та йўлланма қуйидаги тизимда ўйналади:

Плей-офф раунди. Унда ЖЧ-2026 саралашининг биринчи босқичида мағлуб бўлган 11 та миллий жамоадан энг яхши рейтингга эга бўлгани ОК-2027 саралашининг учинчи босқичига йўл олади. Қолган 10 таси уй/сафар тизимида ўйнаб, 5 та ғолибни аниқлаб беришади.

Якуний босқич. Унда 24та жамоа иштирок этади ва жамоалар 4тадан 6та гуруҳга бўлинади. Иштирокчи жамоалар:

— ЖЧ-2026 саралашининг биринчи босқичида мағлуб бўлган энг яхши жамоа — 1 та;
— ЖЧ-2026 саралашининг иккинчи босқичда гуруҳда учинчи ва тўртинчи ўринларни эгаллаганлар — 18 та;
— Осиё кубоги-2027 саралаш плей-офф босқичида ғолиб чиққанлар — 5 та.

Гуруҳ ғолиблари ОК-2027 йўлланмасига эга бўлади.

@futbol_qoidalar Ochish/sharhlash

2022-12-25 19:42:19 ЖЧ-2026. Осиёдаги саралаш босқичи формати ҳақида Хабарингиз бор, 2026 йилги жаҳон чемпионатида 48та жамоа иштирок этиши ҳақида қарор қабул қилинган. АҚШ, Мексика ва Канада мезбонлик қиладиган мазкур мусобақа учун квоталар қуйидагича тақсимланган: Осиё — 8… Ochish/sharhlash

2022-12-25 10:41:07 ЖЧ-2026. Осиёдаги саралаш босқичи формати ҳақида
Хабарингиз бор, 2026 йилги жаҳон чемпионатида 48та жамоа иштирок этиши ҳақида қарор қабул қилинган. АҚШ, Мексика ва Канада мезбонлик қиладиган мазкур мусобақа учун квоталар қуйидагича тақсимланган:

Осиё — 8
Африка — 9
Шим. Америка — 3+(3та мезбон)
Жан. Америка — 6
Океания — 1
Европа — 16
Жами — 46.

Шунингдек, яна 2та йўлланма учун 6та жамоа кураш олиб боради. Унда қуйидаги қитъалардан жамоалар иштирок этишади.

Осиё — 1
Африка — 1
Шим. Америка — 2
Жан. Америка — 1
Океания — 1

Осиёда саралаш босқичи баҳслари 2023 йилнинг кузида бошланиб, 2025 йилнинг ноябрь ойига қадар давом этиши режалаштирилган. Айни пайтда ОФК мазкур саралаш босқичи учун турнир форматини тасдиқлаган, аммо уни ҳали эълон қилмаган.

Шу боис, қадрли футбол билимдонлари, келинг, Осиёда мазкур саралаш босқичи қандай форматда бўлишини тахмин қилиб кўрамиз.

Мен ўз вариантимни кейинроқ тақдим этаман. Унгача эса сизлардан вариантларни кутиб қоламан. Ўз вариантларинингизни Чат орқали юборишингиз мумкин.

Маълумот ўрнида. ОФКга аъзо мамлакатлар сони 47та. Юқорида айтилганидек, 8та терма жамоа бевосита ЖЧ-2026 йўлланмасини қўлга киритишини, бир жамоа эса қитъалараро плей-офф босқичида иштирок этишини инобатга олиш талаб этилади.

Фикрлаб кўринг, зора, орангизда футбол журналистикасига иқтидори борлар аниқланса.

@futbol_qoidalar Ochish/sharhlash

2022-12-25 08:06:31 ОФК Ўзбекистон учун ёмон тақвимни тақдим этди

Осиё футбол конфедерацияси клублар мусобақалари учун 2023/2024 йилларга мўлжалланган тақвимни эълон қилди. "Футболиум" телеграм канали бу ҳақда хабар тарқатди.

Унга кўра, келаси мавсумдан куз-баҳор тизимига ўтадиган Осиё чемпионлар лигаси гуруҳ босқичининг сўнгги тур ўйинлари 2023 йилнинг 11-12 декабрь кунлари бўлиб ўтади.

2024 йилнинг 6 январь куни эса Қатарда Осиё кубоги мусобақаси бошланади. Демак, Сречко Катанец ихтиёрида Ўзбекистон терма жамоасини нуфузли мусобақага тўлақонли тайёрлаш учун 24 кун вақт қолади. Боз устига, футболчи мавсум якунланганидан кейин бироз дам олиб, сўнг яна юқори формага чиқишга улгуриши керак. Бундай тақвим билан эса бунинг иложи йўқ.

Шундай экан, ЎФА ва ЎзПФЛ қандайдир чора топмаса бўлмайди.

P.S. Балки Ўзбекистон чемпионатини ҳам куз-баҳор тизимига ўтказиш керакдир?! Ochish/sharhlash

2022-12-24 10:33:02 ОФК клублар ўртасидаги мусобақаларни янги форматга ўтказмоқда

ОФК 2024 йилдан бошлаб клублар ўртасидаги мусобақаларни янги формат ва янги кўринишда ташкил этиш ҳақида қарор қабул қилди. Бу йўлда, ҳаттоки, янги мусобақа ташкил этилади.

Ҳар учала турнирни қўшиб ҳисоблаганда, уларнинг гуруҳ босқичида жами 76та клуб иштирок этиши режалаштирилган. Ўзбекистон клублари эса дастлабки икки тоифадаги турнирда қатнашишади.

Биринчи тоифали мусобақа — Осиё чемпионлар лигаси

ОФК Чемпионлар лигасини кучайтиради ва ҳатто мукофот пулларини ҳам яхшигина оширади. Эндиликда унда 24 та клуб иштирок этади (айни пайтда гуруҳ босқичида 40та жамоа иштирок этаётганди). Энди эса клублар 12 тадан икки минтақага ажратиб олинади. Айтайлик, Ўзбекистоннинг бирор клуб(лар)и ғарб минтақасининг қолган 11 та клубига қарши тўп суради. Бунда гуруҳлар бўлмайди. Клуб(лар)имиз юқоридаги 11 та клубдан 8 тасига қарши ўйин ўтказади: 4 та уй ва 4 та сафар ўйини. Яъни, кимлар биландир уйда ўйнаймиз, бошқа кимлар биландир сафарда. Ҳаммасини қуръа аниқлаб беради.

Нимчорак финалга шулар орасидан 8 та (шарқни ҳам қўшсак 16 та клуб йўл олади). Бу босқичдаги ўйинлар уй-сафар тизимида бўлиб ўтади.

Чорак финалдан бошлаб то финалга қадар бўлган ўйинлар марказлашган ҳолда 1 та мамлакатда ўтади ва барча учрашувлар фақат 1 мартадан ўтказилади.

Иккинчи тоифали мусобақа — ОФК кубоги

Бунда 32 та клуб иштирок этади ва ОФК уларни 8 та гуруҳга тақсимлайди. Классик кўринишдаги бу формат ҳақида яхши тасаввурга эгасиз: жамоалар 8та гуруҳга бўлинади ва "уй-сафар" тизимида ўйинларда иштирок этади. Гуруҳларда дастлабки иккита ўринни эгаллаган жамоалар нимчорак финалга йўл олишади.

Нимчорак финал, чорак финал ва ярим финал баҳслари иккита ўйиндан иборат бўлади. Финал эса фақат битта учрашувдан иборат бўлади.

Учинчи тоифали мусобақа

Унда 20та жамоа иштирок этади: клублар 5та гуруҳга бўлинишади. Гуруҳ баҳслари марказлашган ҳолда ўтказилади ва жамоалар ўзаро бир мартадан тўқнаш келишади. Якунда 8 жамоа чорак финалга чиқади: гуруҳ ғолиблари ҳамда 2-ўринни эгаллаган клублар орасида энг яхши натижага эга бўлган 3та клуб.

Чорак финал ва ярим финал 2та ўйиндан (уй ва сафар) иборат бўлади. Ғолиб эса битта ўйинда аниқланади.

Албатта, баъзи жамоалар ушбу мусобақаларнинг гуруҳ босқичига тўғридан-тўғри йўлланмани қўлга киритса, баъзилари саралаш босқичи орқали гуруҳга йўл олади. Биринчи савиядаги мусобақанинг саралаш босқичида ютқазган жамоа иккинчи савия мусобақа гуруҳ босқичига ўтади. Иккинчи савиядаги турнирнинг саралашидан ўта олмаган жамоа учинчи турнир гуруҳига ўтади.

Мазкур ислоҳот натижасида қитъадаги ўйинлар сони 274тадан 287тага етади. ОФК мусобақаларни "куз-баҳор" тизимига ўтказаётгани учун янги кўринишдаги мусобақа тахминан 2024 йилнинг август ойидан бошланади. Ochish/sharhlash