F.M|Personal blog

2022-07-02 22:16:29 Favqulodda holat davrida soat 21:00 dan 7:00 gacha komendantlik soati joriy qilindi. Qoraqalpogʻistonga kirish va undan chiqish cheklandi. Barcha ommaviy tadbirlar taqiqlandi. Qoraqalpogʻiston Respublikasi komendanti etib Milliy gvardiya qoʻmondoni Rustam… Ochish/sharhlash

2022-07-02 22:11:46 Prezident farmoni bilan Qoraqalpogʻistonda quyidagi vaqtinchalik cheklovlar ham oʻrnatilmoqda:

— jamoat tartibini, oʻta muhim va toifalangan obyektlarni hamda aholining hayot faoliyatini taʼminlovchi infratuzilma obyektlarini muhofaza qilish kuchaytiriladi;

— Qoraqalpogʻiston Respublikasida harakatlanish erkinligi, shu jumladan, transport vositalari harakati cheklanadi;

— jismoniy shaxslarning shaxsini tasdiqlovchi hujjatlari tekshiriladi, ularning shaxsiy koʻrikdan oʻtkaziladi, ulardagi ashyolar va transport vositalari koʻzdan kechiriladi;

— tinch yigʻilishlar, koʻngilochar, sport va boshqa ommaviy tadbirlar tashkil etilishi va oʻtkazilishi taqiqlanadi;

— yuridik shaxslar faoliyatini toʻxtatib turish yoki tugatishga qaratilgan ish tashlashlar va boshqa har qanday harakatlar taqiqlanadi;

— qurol, oʻq-dorilar, portlovchi moddalar, maxsus vositalar, zaharli moddalar sotilishi taqiqlanadi.

— shuningdek, dori va giyohvandlik vositalari, psixotrop moddalar hamda etil spirti va alkogol mahsulotlari muomalasining alohida tartibi joriy etiladi.

— jismoniy shaxslardan qurol va oʻq-dorilar, zaharli moddalar, yuridik shaxslardan esa qurol, oʻq-dorilar va zaharli moddalar bilan bir qatorda harbiy va oʻquv-harbiy texnika, portlovchi va radiaktiv moddalar vaqtinchalik olib qoʻyiladi.

Kanalga obuna bo‘ling
@gazetauz_ozb Ochish/sharhlash

2022-07-02 22:11:41 Favqulodda holat davrida soat 21:00 dan 7:00 gacha komendantlik soati joriy qilindi. Qoraqalpogʻistonga kirish va undan chiqish cheklandi. Barcha ommaviy tadbirlar taqiqlandi.

Qoraqalpogʻiston Respublikasi komendanti etib Milliy gvardiya qoʻmondoni Rustam Joʻrayev tayinlandi.

Kanalga obuna bo‘ling
@gazetauz_ozb Ochish/sharhlash

2022-07-02 18:55:03 Ўзбекистон Республикаси Президенти Шавкат Мирзиёев Нукус шаҳрига келди.

Ҳозирда давлатимиз раҳбари Жўқорғи Кенгес депутатлари, Қорақалпоғистон фахрийлари ва фаоллари билан учрашув ўтказмоқда.

Конституцияга ўзгартириш ва қўшимчалар киритиш муҳокамаси ҳали давом этаётганини инобатга олиб ҳамда Қорақалпоғистон аҳолиси билдираётган фикр ва мулоҳазаларни ўрганган ҳолда Президентимиз Ўзбекистон Республикаси Конституциясининг 70, 71, 72, 74, 75-моддаларини амалдаги таҳрирда ўзгаришсиз қолдириш зарурлигини таъкидлади.

Президент матбуот котиби Шерзод Асадов

@nurbekalimov Ochish/sharhlash

2022-07-02 16:57:27 Ustoz Shifudan 100 ta dars

7-dars Muomuala

Panda!

Dunyo kezib o'zbeklardek xushmuomuala xalqni ko'rmadim.
Nihoyat senga ularning ''Muomuala sirlari'' nomasini o'qib beraman.

Panda, kim bilan suhbatlashsang, ko'ziga qarab gapir.
G'arbda buni ''Eye contact'' deyishadi.
Bizda esa ishonch belgisi.

Tik boqishga uyalsang, qoshlarining o'rtasiga qara.
Yoshi katta insonlarga, begona ayollarga o'qrayma, iymoning saqla.

Kimni ko'rsang, Sizlab gapir, tabassum qil va birinchi salom ber.
Panda, bizlarga bejizga 2 ta quloq va 1 ta og'iz berilmagan.
Bu ko'proq tinglab, kamroq gapirish kerak degani.

Vaziyatga doim suhbatdoshing tarafdan nazar sol.
Chunki sen nima deganing emas, u tomondan qanday eshitilgani muhim.

Nutqing ravon bo'lsin uchun ko'p kitob o'qi!
Ovozlaringni mashq qil. Shuhrat Qayumov, Abdukarim Mirzayev, Najot Nur kabi Ustozlarning darslarini ko'r.

Yana nutqingni tasmaga yozib, o'zing eshit.
Shunda qolganlarni qanchalik qiynab kelayotganingni o'zing ham his qilasan.

@Muhammadali_Eshonqulov Ochish/sharhlash

2022-07-02 16:57:16 Ustoz Shifudan 100 ta dars

6-dars

Yodingda tut Panda!

Ustozim Ugvey aytardi: "Erkak kishidan oyligini, ayol kishidan yoshini so'rashmaydi.
Yigit kishi tizzasini ko'rsatib yursa barakasi qochadi. Hayo degan narsa faqat ayollarda emas, erkaklarda ham bo'lishi kerak. Ayol kishi bilan qo'l berib so'rashish odobsizlik bo'ladi."

Yana bir nozik masalaga diqqat qil Po!

O'zbek erkaklariga ''To'lishibsizmi'' desang, ba'zan maqtov sifatida qabul qilinishi mumkin.
Odatda javob sifatida qorniga urib qo'yib, ''Avtoritetda bu'' deb qo'yishadi. Nima emish, ichiga tortganda bilinmasa qorinmas emish.
Qorinni oziyam ko'p. Sport bilan shug'ullanib, ixchamgina bo'lib yurish kerak. Zero to'ldirilishi mumkin bo'lgan eng yomon idish qorindir.


Lekin qulog'im tinch bo'lsin, uzoq yashay desang, hech qachon, qaytaraman heech qachon ayol kishiga ''Semiribsizmi?" dema!

Hatto sendan ikkita kelgan taqdirda ham!

Boshing omon bo'lsin Po...

@Muhammadali_Eshonqulov Ochish/sharhlash

2022-07-02 16:57:09 Ustoz Shifudan 100 ta dars

5-dars

Panda, O'zbekistonda yashar ekansan, ikkita kasb egasini yaxshilab tanib ol. Yangilikning bari ularda va eng qizig'i istalgan mavzuda suhbatni davom ettira olishadi.
Bular taksichilar va sartaroshlar.

Siyosat, iqtisod, tabobat, bashorat hammasidan xabari bor.
Ular judayam samimiy, kirishimli va xushchaqchaq odamlar bo'lishadi.

Lekin ular bilan quyidagi ikkita holatda hushyor bo'l:

1. Sartaroshga borsang (ba'zilari), boshingga uzoq tikilib, ''Qanaqa qilib olamiz?'' deb so'raydi.
Sen kuyib-pishib tushuntirasan.
Lekin baribir o'zi bilganidek oladi.

2. Pitakdagi taksichilarning ''Bitta odam olamiz, srazu yuramiz'' degan gapiga ishonib ketaverma. Borsang odatda sen birinchi odam bo'lasan.

Asabni asra Po...

@Muhammadali_Eshonqulov Ochish/sharhlash

2022-07-02 16:57:02 Ustoz Shifudan 100 ta dars

4-dars: Mehmondorchilik

Panda!

O'zbeklar dunyodagi eng mehmondo'st xalq:

O'zlari eski idish-tovoq ishlatishsa ham, mehmonlarga yangi, chiroyli va qimmat idish-tovoq, vazalarni servantga terib qo'yishadi.
O'zlari har kuni yemaydigan noz-ne'matlarni mehmonga qo'yishadi.
Shuning uchun mehmon kelsa bolajonlarga bayram. Aniqrog'i ketsa bayram.

Panda!

Mehmonga borsang oldindan ogohlantirib bor. Yaxshilab bozorlik qil, iloji bo'lsa bir kiloday go'sht sotib ol. Chunki o'zbeklar borganingdan ovqatga unashadi.

Uyga kirsang mezbon ko'rsatgan joyga o'tir. Ahli ayoliga ko'zing tushmasin, o'zbeklar juda or-nomusi baland, hamiyatli xalq.

Mezbon oling demaguncha dasturxonga qo'l uzatma.
Sabr qil. Bilaman, qorning ochsa jahling chiqadi.

Ovqatni chiroyli suhbat bilan yegin.
Telefoningni kavlama.
Keyin Kungfu Panda 1-qismimizdagidek og'zingni to'ldirib, chapillatib yema. U paytlar hali yosh eding.
Iloji bo'lsa odatiy ovqatlanishingni o'zing tasvirga tushirib, keyin bir tomosha qilib chiq. Kamchiliklarni tashqaridan ko'rish oson. Isloh qilishing tezlashadi.

Juda qiynalsang, Yuksalishga bor. Dasturxon odobi degan darslari bor. Qoshiq, sanchqi, pichoq, likopcha, salfetkadan foydalanish-u hammasini o'rgatishadi.

Savollar bormi?

-Ustoz Shifu, bilasiz ba'zan qornim to'ymay qolishi mumkin. Shunaqa paytda nima qilaaay?

-Uni yo'li oson. Mezbonga ''Ovqat biram ajoyib bo'libdi! Bay bay bay, anchadan beri bunaqa shirin taom yemagandim'' desang, mezbon ''Yana quyib kelishsinmi?'' deb so'raydi.
Shunda uyalibgina ''Qanday bo'larkin'' deb qo'yasan.

O'zbeklar juda farosatli xalq.
Avvalo qorningni ko'rib, kattaroq kosaga suzib kelishsa kerak.

#UstozShifu

@Muhammadali_Eshonqulov Ochish/sharhlash

2022-07-02 16:56:52 Ustoz Shifudan 100 ta dars

3-dars: Mentalitet

Panda!

Agar senga kimdir suhbat oxirida ''Uyga o'ting! Choylashamiz!'' desa go'llik qilib orqasidan uyiga borib yurma.

O'zbeklarning ''Bir choy qiberay, bafurja o'tirardik'' degani, ''Gapim tugadi, endi bizga ruxsat'' degani.

Tushundingmi?!

- Endi tushundim Ustoz.

- Tushungan bo'lsang uyga o't, bir choylashamiz.

#UstozShifu

@Muhammadali_Eshonqulov Ochish/sharhlash

2022-07-02 16:56:44 Ustoz Shifudan 100 ta dars

2-dars: Tarmoqdagi firibgarlar

Panda!

Ijtimoiy tarmoqlardan foydalanar ekansan, har har zamon Tanzaniyadan tog'ang, Tailanddan amaking, Madagaskardan esa katta xolang paydo bo'lib qolishi mumkin:

-Salom Panda!
Sizni topish oson bo'lmadi.
Men Madagaskardagi Katta xolangizning advokati bo'laman. Xolangiz vafot etdi va 1,2 million dollar pulini Sizga vasiyat qilib ketdi.
Visa card yoki hisob raqamingizni jo'natib, ozgina pul o'tkazish foizlariga xarajat qilsangiz
Bla bla bla...

Ikkala qulog'ing bilan eshitib ol Panda!
Agar go'llik qilib nefrit saroyimizning hisob raqamini, berib, tranzaksiya uchun pul o'tkazib yoki shaxsiy ma'lumotlar berib yuboradigan bo'lsang, o'sha kuniyoq seni Ganalik tobut ko'taradigan amakilaringga topshirib yuboraman!

Sodda bo'lma.
Ular qip-qizil firibgarlar.

#UstozShifu

@Muhammadali_Eshonqulov Ochish/sharhlash