SAFAR

2022-09-01 10:16:57 Қозоғистон президенти Қасим-Жомарт Тоқаев бундан буён суд ҳукми билан коррупционерлардан ундирилган маблағлар фақат мактаблар қурилишига сарфланишини маълум қилди. Тўғри қарор.

Бизда ҳам Гулнора Каримованинг ноқонуний йўллар билан топилган маблағларини, умуман, барча коррупционерлар пулларини янги мактаблар қурилишига йўналтиришса яхши бўлар эди. Ochish/sharhlash

2022-09-01 09:29:59 «Шу йилнинг кузида муддатидан олдин президентлик сайловларини ўтказишни таклиф қиламан.

Адолатли Қозоғистон қуриш йўлидаги туб ва кенг қамровли ислоҳотларни муваффақиятли амалга ошириш учун халқ ишончининг янги мандати зарур.

Мен учун давлат манфаатлари ҳамма нарсадан устун. Шунинг учун мен ваколат муддатимни қисқартиришга ва навбатдан ташқари президентлик сайловларида қаташишга тайёрман.

Мен президентлик мандатини 7 йиллик бир муддат билан чеклашни таклиф қиламан. Қайта сайланиш тақиқланади».

Қозоғистон президенти, Қосим-Жўмарт Тўқаев Ochish/sharhlash

2022-09-01 05:50:14 «Мустақилликка эришиш осон бўлмаган. Истиқлолимизга 31 йил бўлгани билан боболаримиз 100 йиллар олдин бунга ҳаракат қилган. 100 минг ватандошимиз қатағонга учраб, 13 минг нафари шафқатсиз отиб ташланган. Нима учун? Таҳлил бўлган. Улар энг катта қаҳрамонларимиз, миллатнинг хазинаси бўлган. 2-3 тадан тил билган. Ватанимизни озод қилиб, тараққиётга олиб чиқишини билишган. Бу ерда худди уларнинг овозлари эшитилгандек бўлади» — Шавкат Мирзиёев

Мустақиллик байрами муборак бўлсин! Ochish/sharhlash

2022-08-31 18:54:28 Ҳурматли устозлар!

Ижтимоий тармоқларда 15 йилдан ортиқ меҳнат стажига эга олий тоифали педагогларнинг жорий йил ўтказилган аттестация жараёнларида иштирок этмаганлиги натижасида мавжуд малака тоифасини йўқотганлигига доир нотўғри талқинлар тарқалмоқда.

Азиз устозлар!

Ҳавотирга ўрин йўқ! Халқ таълими вазири сифатида шуни алоҳида таъкидлаб ўтаманки, жорий йил март-май ойларида малака тоифаси олиш учун ўтказилган аттестация даврида амалда бўлган тартибга асосан, 15 йиллик узлуксиз иш стажига эга бўлган олий малака тоифага эга педагогларнинг аттестациядан ўтиши мажбурий бўлмаган ва уларнинг олий тоифа малакаси умрбод сақлаб қолинади.

Шунингдек, албатта, ушбу тоифадаги педагог ходимларимизнинг ойлик иш ҳақлари олий малака тоифага тегишли лавозим окладидан тўланади. Ochish/sharhlash

2022-08-31 18:50:57 Шавкат Мирзиёев Янги Ўзбекистон қандай бўлишини тасвирлаб берди.

@Safarblog Ochish/sharhlash

2022-08-31 17:32:52 “Янги Ўзбекистон:

– ҳар бир фуқаронинг ҳаётини янада яхшилаш мақсадида давлат хизматларидан фойдаланиш учун кенг имкониятлар берадиган;

– одамлар ўз муаммолари ҳақида очиқ гапириши ва уларнинг ечими учун биргаликда ҳаракат қилишларига барча шароитлар мавжуд бўлган;

– ҳамма учун адолатни сўзсиз таъминлаш имкониятини берадиган ҳамда фуқаролари ижтимоий мавқеидан қатъи назар, қонун олдида тенг бўлган;

– тадбиркорликнинг ривожланиши учун зарур шароитлар яратилган Давлат, десак, муболаға бўлмайди.

Бир сўз билан айтганда, Янги Ўзбекистон деганда, ҳар бир фуқароси учун ғамхўрлик қиладиган, очиқ ва адолатли жамият ҳам тушунилади”.

Шавкат Мирзиёев Ochish/sharhlash

2022-08-31 14:22:40 «Уларнинг билим олишга интилиши ҳамма болаларники каби»

Тошкентдаги бемор болалар ўқитилаётган «Меҳрли мактаб» госпитал мактабида касбий амалий семинар ўтказилди. Унда 100 нафарга яқин ўқитувчи иштирок этди.

@safarblog Ochish/sharhlash

2022-08-31 14:17:24 Жорий йилда конституцион ислоҳотлар билан бир қаторда солиқ тизимидаги ислоҳотлар ҳам сезиларли бўлди. Айниқса имтиёзлар, биринчи навбатда, солиқ юкини енгиллаштиришга қаратилган. Масалан, ижтимоий соҳадаги сўнгги янгиликлардан бири фарзанди хусусий боғча ва мактабларга борадиган ота-оналарнинг даромад солиғидан озод этилиши бўлди.

Янги имтиёз 2022 йилга мўлжалланган давлат дастурида белгилаб қўйилган. Президентнинг тегишли қарорига мувофиқ, 1 апрелдан фарзандларини нодавлат мактабгача таълим ташкилотлари ва мактабларга бераётган ота-оналарнинг 3 миллион сўмгача бўлган тўловлари даромад солиғидан озод этилди. Шундай қилиб, сақланган маблағлар боланинг бошқа эҳтиёжлари учун ишлатилиши мумкин.

Бу ягона ўзгаришлар эмас. Конституция лойиҳасида ижтимоий соҳага тегишли тузатишлар ҳам муҳим ўрин тутди. Бу ерда гап нафақалар, аҳолининг ижтимоий ҳимояга муҳтож қатламларини қўллаб-қувватлаш, пенсиялар ҳақида бормоқда.

Ўзбекистонда чет элликлар учун ҳам алоҳида солиқ шароитлари яратилган. Мисол учун, IT-паркдаги махсус иқтисодий зонада хорижлик мутахассислар компанияни рўйхатдан ўтказишда солиқ имтиёзлари бўйича кафолатга эга бўлишлари мумкин. Бундан ташқари, баҳордан бошлаб Ўзбекистонда яшовчи хорижликларнинг даромад солиғи 8 фоизга камайтирилди. Шундай қилиб, жорий йилнинг 1 майидан бошлаб Ўзбекистонда норезидентларнинг даромадларидан олинадиган даромад солиғи 12 фоизга тушди, мазкур ҳужжат қабул қилингунга қадар у 20 фоизни ташкил қиларди.

2023 йил 1 январидан қўшилган қиймат солиғи ставкаси 12 фоизга туширилиши алоҳида мавзу. Умуман солиқ ислоҳотлари сўнгги йилларда ҳақиқатдан ҳам сезиларли даражада бўлди дейиш мумкин. Ochish/sharhlash

2022-08-31 11:48:39 «Бугун ҳам йўлда ўйланиб келяпман. 30-йилларни эски тарих деса, «пахта иши»-чи?! Етакчиларимизни қатағон қилиш учун сохта айбловлар ўйлаб чиқаришди-ку. Бошқа республикаларда йўқмиди камчилик? Бундай аламли воқеаларни ҳеч қачон унутиб бўлмайди. Бугунгидай байрамларда, тинч-осойишта кунларда шуларни ҳам юрагимиздан ўтказиб, ёшларимизга етказишимиз керак» — Шавкат Мирзиёев Ochish/sharhlash

2022-08-31 09:03:00 Собиқ Иттифоқнинг парчаланиш сабаблари борасида Горбачёв ҳақмиди?

Томоша қилинг

Ochish/sharhlash