Feyams | La Tahzan

2022-08-16 14:39:27 - Қолингдаги гуллар бунчалар чиройли бўлмаса, қаердан олдинг?
- Қабристондан.. Ochish/sharhlash

2022-08-16 12:12:57 - Асал ейиладими ё ичиладими?
- Сўзланади. Ochish/sharhlash

2022-08-14 19:08:58 Ochish/sharhlash

2022-03-05 11:18:29 ​​Biz qaysi shahardanmiz?

"Bu eng yaxshi zamonlar edi, bu eng yomon payt edi. Bu donolik davri edi, bu ahmoqlik asri edi. Bu ishonch payti edi, bu aqlsizlik davri edi. Bu yorug'lik davri edi, bu zulmat fasli edi. Bu umidning bahori edi, bu umidsizlik qishi edi. Bizda hamma narsa bor edi, bizda hech narsa yo'q edi."

Charlz Dikkens "Ikki shahar haqida ertak" asaridan Ochish/sharhlash

2022-03-04 15:44:07 Владимир Путин ФИФАга таҳдид қилди

Россия президенти Владимир Путин: "Россия Қатарда бўлиб ўтадиган 2022-йилги жаҳон чемпионатида ўйнайди ёки жаҳон чемпионати бўлмайди".

сизни фикрингиз Ochish/sharhlash

2022-03-04 11:40:24 Bilaman kanal oldingidek rangli va aktiv emas, balki yana shunday kunlar kelar, ungacha esa sizdan duo bizdan esa sabr talab qilinadi)) Ochish/sharhlash

2022-03-04 08:14:10 Motivatsiya (tepki) emas, muhit harakatlantiradi

Oshxonaga kirdim va tokcha ustida turgan shirinliklarga ko'zim tushdi. Avvaldan pechenni yeyishni reja qilib kirmagan va qornim och bo'lmasa ham o'ylab o'tirmay bir nechtasini paqqos tushirdim.

Agar ish stol ustida doimo yong'oq, mayiz kabilar bo'lsa ulardan birini kun davomida tatib qo'ymaslik juda ham qiyin, shundaymi? Odatlarimiz biz qaysi xonada/muhitda ekanligimizga va biz yuzlashadigan ishoralarga ko'ra o'zgaradi.

Atrof muhit bizning odatlarimizni o'zgartiruvchi ko'rinmas kuchdir. Ba'zi odatlar, tug'ma xulq-atvorimizga qaramasdan ma'lum bir muhitning qayta va qayta takrorlanishi natijasida shakllanadi.

Ota-onamiz oldida yomon odatlarimizni faollashtiruvchi "Funktsiyalar" o'chib qoladi. Ba'zilarimiz ko'cha-kuyda, bozorda navbat turishda o'zaro jahlda tortishamiz, lekin masjid tahoratxonasiga kirganimizda intizomli "Mo'min"ga aylanamiz.

Shundan kelib chiqib aytishimiz mumkinki, o'zgarishlarning aksari ichki emas, tashqi faktorlar sabablidir. Ko'rayotgan kinoyimiz, vaqt o'tkazuvchi suhbatdoshlarimiz, xullas olam va odam bilan munosabatimiz bizni biz qiladi. Ochish/sharhlash

2022-03-03 16:33:13 Har doim ham haq emasmiz

Shaxsiy rivojlanishning eng muhim shartlaridan biri ochiq hamda o'rganuvchi tafakkurga ega bo'lishdir.

Bunday tafakkurga ega bo'lgan shaxslar boshqalarning fikrlarini eshitadi, g'oyalarini hurmat qiladi va tahlil qiladi hamda o'z haqiqatlarini har yerga tiqishtiravermaydi. Ular biror fikrga qo'shilmasalar yoki shubha qilsalar, shunchaki "Siz nima uchun shunday o'ylaysiz" deb savol berishadi, xolos.

Boshqa tomondan, yopiq tafakkurga ega bo'lganlar, ularning dunyoga qarashlari mumkin bo'lgan yagona haqiqat deb hisoblashadi. Yopiq fikr bizni boshqalarning g'oyalariga ishonmaslikka boshlaydi. Natijada, biz har qanday holatda ham yaxshi ko'rinishga intilamiz va boshqalarning noto'g'ri ekanligini isbotlashga kirishib ketamiz.

- "O'zing kim, gaping nima bo'lardi", "Domleng gapiraveradi", "Uka manga kitobdan ma'ruza o'qima, men yashab o'rganganman, yashab!"

Yashar ekanmiz yangi fikrlar bilan doim to'qnashish, ularni tahlil qilish va zarur bo'lganda o'z ishonchlarimizdan voz kechib yangi g'oyalarni tasdiqlashishimiz kerak. Kecha boshqa fikrda bugun boshqa ishonchda bo'lish tabiiy va zaruriy, zero,” inson bir daryodan ikki martta o'tmaydi. Yo daryo boshqa bo'ladi yoki shaxs." Ochish/sharhlash

2022-03-02 08:20:46 Ichingizda saqlamang

Bir inson bilan soat 19:00 da uchrashuv belgiladingiz. U kishi 19:20 da kech qolib keldi. “Kechirasiz, kuttirib qo’ydim” dedi va siz ham uni hafa qilmaslik uchun “Xech qisi yo’q, bo’lib turadi” deb o'zingizni aldadingiz.

Taksi haydovchisi sizdan “Cheksam maylimi, brat” deb izn so’radi. Siz “Hozir 10-15 daqiqada yetib olaman, tinch ketay, mayli chekaversin” deb, unga “Mayli, oka, muammo yo’q” kabi javob berdingiz

Yoqtirgan yaqiningiz (do’st, yor va hk) siz yoqtirmaydigan ishlarni, gaplarni oldingizda qildi, gapirdi. Munosabatlarni yomonlashtirmaslik uchun nosamimiy, yolg'ontakam kulib qo'ydingiz

Ishxonada rahbaringiz sizga noqulaylik yaratdi yoki ishingizga halal berdi, ehtimol beryapti. Yomon ko’rinib qolmaslikni tashvish qilib “Yo’q, bemalol, halal berganingiz yo’q” yoki “O’zi bu narsa uncha kerak emas edi, ishlatishaversin” kabi mulozamat qildingiz.

Menimcha, tushundingiz. Ichingizda saqlab, oxiri portilashiga olib borasiz. “Sen har doim shunday qilgansan o’zi”, “O’zi avvaldan yomon munosabat qilardi”; “O’zi mani qadrimga yetmaydi, past baholaydi” va hk.

Fikr va kechinmalarimiz boshqa tomonda, og'zimidan chiqayotgan so'z umuman boshqa tomonda. Natijada, stress, yomon gumon, tanqid qilish, qoniqmaslik hissi asta sekin ko'payib boradi va "Bum" etib boshqalarga ham zarar beradi. Unda nima qilish kerak o'zi"

Kech qoldimi, ayting. Yoqmadimi, bildiring. Halal beryaptimi, ogohlantiring, xech bo’lmasa sukut qiling. Xullas, ochiq bo’ling, ichingizda saqlamang. Shunday qilsangiz pufakka o’xshab shisha-shisha portillamaydi, kichikligida so'ndiriladi.

Bu degani apl-tapl, og’izga kelganni gapirish kerak degani emas, albatta. Avvalo, farosat bilan, so’zlarni topib gapirishga harakat qiling. Masalan, “Do’stim, siz bilan soat 17:00 da ko’rishishga kelishgan edik, lekin biroz kech qoldingiz, buni sababi nima? Kelasi safar bunday bo’lmasligi ikkimiz uchun ham yaxshi”

Boshqa misol, rahbarlarga “Ha, halal beryapsiz / ishimni qiyinlashtiryapsiz” deb to’g’ridan to’g’ri gapirish o’rniga , “BIlasizku, ishimni yaxshi qilish uchun tinchroq joy kerak / yaxshiroq mashina / kompyuter / xona/ va hk kerak bo’ladi, singari “Nazokat” bilan gapirishga harakat qiling.

Ichda saqlash kerak bo'lgan fikrlar ham bor, albatta. Juda kam bo'lsa ham. Ochish/sharhlash

2022-02-28 14:25:27 - Vaqt topib o'zingizdan ham habar olib turing. Ochish/sharhlash