«Ҳақиқат, тараққиёт ва бирдамлик» партияси раҳбари Хидирназар | Файзбоғ (ТемурМалик)

«Ҳақиқат, тараққиёт ва бирдамлик» партияси раҳбари Хидирназар Аллақулов қўлга олинди

Аллақулов тарафдорлари 7 июнь куни соат 09:10 да Фарғона шаҳридаги Ислом Каримов номли санъат саройи ҳудудига партияни рўйхатга олиш учун имзоларни тўплаш мақсадида йиғилишган. Шу ердаги фуқаролар билан низоли ҳолат юзага келган. Бу ҳақда Фарғона вилоят ИИБ маълумот бермоқда.

Шунингдек, ИИО ФМБ биносининг ташқарисида Аллақулов фуқаро М.У. (1971 й.т.) билан ўзаро тушунмовчилик натижасида жанжаллашган, кейин эса «унинг имзо йиғиш жараёнига ҳуқуқ-тартибот ходимлари томонидан аралашув бўлаётганлигини асоссиз важ қилиб, шаҳар ИИО ФМБ ҳудудига қайтиб кириб, ички ишлар органлари ходимлари билан жанжал уюштирган».

Ҳозирда мазкур ҳолат юзасидан Фарғона шаҳар прокуратураси томонидан терговга қадар текширув ҳаракатлари олиб борилмоқда.

Аллақулов тарафдорлари эса партиянинг имзо йиғиш вақтида уларга нисбатан провакация уюштирилганини айтишмоқда.

@fayzboguz