Farg'ona shahar hokimligi

2022-08-31 14:57:13 #Инсон_қадри_учун
#ЯНГИ_ЎЗБЕКИСТОНДА
#ЭЛ_АЗИЗ_ИНСОН_АЗИЗ

Фарғона шаҳрида янги тиббиёт муассасаси очилди

ФНҚИЗнинг собиқ ётоқхонаси ҳозирда Даволаш ва диагностика поликлиникасига айланди. Аввал завод таркибида профилактика маркази бўлган холос, эндиликда янги очилган тиббиёт муассасаси ҳисобига бир вақтда 100 амбулатор даволашга ҳамда 25 стационар жойларига эга бўлди.

Муассасанинг очилиш маросимида Фарғона шаҳар ҳокими Восилжон Назаров, завод директори Ҳабибжон Латипов, шаҳар прокурори Дилмуроджон Қобулов ва кенг жамоатчилик вакиллари иштирок этди. Тадбирда сўзга чиққанлар йиғилганларни Давлатимиз мустақиллигининг 31 йиллиги байрами билан муборакбод этдилар. Тадбирда иштирок этган фахрийлар тиббиёт муассасасининг фаолиятига зафарлар тилашди.

Поликлиникага йигирмага яқин шифокорлар ишга олинди, шунингдек профилактика марказидаги 52 нафар ўрта ҳамда кичик тиббиёт ходимлари ҳам янги масканга кўчирилди. Тиббиёт муассасасини таъмирлаш учун 4 млрд. сўм сарф этилди. Тиббиёт жиҳозлари учун эса 6 млрд. сўм маблағ ажратилиб, белгиланган хоналарга жойланди.

Поликлиникага ёндош қилиб заводни модернизация жараёнида хорижий компаниялардан ташриф буюрувчи мутахассислар ҳамда фуқаролар учун меҳмонхона хизмати ҳам ташкил қилинган. Меҳмонхонада 120 ўринга мўлжалланган 35 та хона замонавий тарзда қуриб битказилган.

Фарғона шаҳар ҳокимлиги Ахборот хизмати Ochish/sharhlash

2022-08-31 14:57:13 Ochish/sharhlash

2022-08-31 12:54:26 #Жараён
#ЯНГИ_ЎЗБЕКИСТОНДА
#ЭЛ_АЗИЗ_ИНСОН_АЗИЗ

Айни дақиқаларда Фарғона шаҳридаги "Янгисой" маҳалла фуқаролар йиғинида 80 ўринли "Edu land" хусусий боғчаси очилмоқда.

Мазкур замонавий мактаб-боғча ҳам маҳалла ёшларига Мустақиллигимизнинг 31 йиллиги байрамида ажойиб совға бўлди. Ochish/sharhlash

2022-08-31 12:27:14 Байрам муносабати билан пенсия тўловлари олдиндан юклаб берилади

Ўзбекистон Республикаси Президентининг 2021 йил 20 декабрдаги ПФ-35-сон Фармони билан Ўзбекистон Республикаси давлат Мустақиллигининг 31 йиллигини муносиб нишонлаш мақсадида жорий йилнинг 1-4 сентябрь кунлари дам олиш куни деб белгиланган.

Юртимиздаги кекса ёшдаги фуқароларни, пенсия ва нафақа олувчиларни ҳамда ногиронлиги бўлган шахсларни қўллаб-қувватлаш ва Мустақиллик байрамини кўтаринки руҳда ўтказиш мақсадида Молия вазирлиги ҳузуридаги буджетдан ташқари Пенсия жамғармаси томонидан жорий йилнинг сентябрь ойи учун пенсия ва нафақа тўлов қайдномаларини август ойида шакллантиради ҳамда пенсия ва нафақа тўловларини бошлаш учун етарли маблағларни 2022 йил 1 сентябрга қадар тижорат банкларига молиялаштириб беради.

Пенсия ва нафақа тўловларини нақд пулсиз (банк карта) шаклда олувчи фуқароларнинг жорий йил сентябрь ойи учун пенсия ва нафақалари 2022 йил 1 сентябрга қадар уларнинг банк пластик карталарига юклаб берилади.

Пенсия ва нафақа тўловларини нақд шаклда олувчи фуқароларга жорий йилнинг 5 сентябрдан бошлаб тасдиқланган графиклар асосида тўловлар бошланишини маълум қилинади.

https://t.me/hudud_inform Ochish/sharhlash

2022-08-31 08:15:45 #ЯНГИ_ЎЗБЕКИСТОНДА
#ЭЛ_АЗИЗ_ИНСОН_АЗИЗ

ФАРҒОНА ШАҲРИДА БАЙРАМ ШОДИЁНАЛАРИ ДАВОМ ЭТМОҚДА

Айни кунларда юртимиз бўйлаб "Янги Ўзбекистонда эл азиз, инсон азиз!" шиори остида Мустақиллигимизнинг 31 йиллиги шодиёналари кўтаринки руҳда нишонланмоқда. Жумладан, шаҳримизнинг ҳар бир маҳаллаларида, корхона ва ташкилотларида ўтказилаётган байрам тадбирларида ҳам фуқароларимиз фаол иштирок этишмоқда.

Фарғона шаҳридаги "Табассум" маҳалла фуқаролар йиғинида ўтказилган тадбир ҳам эсда қоларли бўлди. Тўкин дастурхон атрофида йиғилган кекса-ю ёш Юртимиз тинчлиги, Ватанимиз равнақини янада юксалишини тилаб дуо қилишди.

Тадбир давомида шаҳар маданият бўлими ҳамда маҳалланинг ёш ҳаваскор хонандалари томонидан ижро этилган куй-қўшиқлар йиғилганларда катта таассурот қолдирди.

Фарғона шаҳар ҳокимлиги Ахборот хизмати Ochish/sharhlash

2022-08-31 07:53:48 #ЯНГИ_ЎЗБЕКИСТОНДА
#ЭЛ_АЗИЗ_ИНСОН_АЗИЗ

Фарғона шаҳридаги янги қурилган "Табассум" маҳалла фуқаролар йиғини биноси ҳам фойдаланишга топширилди

Шаҳримизда маҳалла фуқаролар йиғини биноларини таъмирлаш, янгиларини қуриш бўйича тизимли ишлар олиб борилмоқда. Маҳаллий тадбиркор Абдубанноб Сотволдиев томонидан Мустақиллигимизнинг 31 йиллиги байрами арафасида давлат хусусий-шерикчилик асосида "Табассум" маҳалла биноси қуриб битказилди ва фойдаланишга топширилди.

Маҳалла янги биносининг очилиш маросимида Фарғона шаҳар ҳокими Восилжон Назаров, секторлар раҳбарлари, кенг жамоатчилик вакиллари ва маҳалла аҳли иштирок этишди. Шаҳар ҳокими замонавий усулда ҳамда барча шароитларга эга бўлган бино қурувчиси ҳамда тадбиркорга маҳалла аҳли номидан миннатдорчилик билдирди. Уларга эсдалик совғаларини топширди.

Шундан сўнг, рамзий лента кесилиб, тадбир иштирокчилари маҳалла ходимлари учун яратилган шарт-шароитлар билан яқиндан танишдилар. Янги бинода маҳаллада ишловчи бешликка, яъни раис, ҳоким ёрдамчиси, хотин-қизлар фаоли, ёшлар етакчиси ҳамда профилактика инспектори учун барча шароитлар яратилган. Маҳалла нуронийлар бинони узоқ йиллар фойдаланишини тилаб дуо қилдилар.

Очилиш маросимида шаҳар маданият бўлимининг ёш истеъдодлари томонидан куй-қўшиқ ва рақслар ижро этилди.

Фарғона шаҳар ҳокимлиги Ахборот хизмати Ochish/sharhlash

2022-08-31 07:53:48 Ochish/sharhlash

2022-08-28 12:50:32 #ЯНГИ_ЎЗБЕКИСТОНДА
#ЭЛ_АЗИЗ_ИНСОН_АЗИЗ

"ҚИРГУЛИ" МАҲАЛЛАСИДА ҲАМ "МУСТАҚИЛЛИК ОҚШОМИ" ТАДБИРЛАРИ ЎТКАЗИЛДИ

Ўзбекистон Республикаси Давлат мустақиллигининг 31 йиллиги байрами муносабати билан "Қиргули" маҳалла фуқаролар йиғинида ҳам маданий тадбир ўтказилди. Унда шаҳар ҳокимлиги вакиллари, маҳалла аҳли, ёшлар иштирок этишди.

Тадбир давомида ёшлар ўртасида шашка ва шахмат спорт тури бўйича "Махалла раиси кубоги" учун мусобақа ташкилланди. 16 ёшгача бўлган ўғил-қизлар ўртасида ўтказилган мусобақа ғолиблари муносиб тақдирландилар. ёшлар иштирок этишди.

Тадбир давомида маҳалланинг кекса-нуронийлари учун байрам дастурхони ёзилди. Байрамона кайфият ҳамда шукроналик ҳисси билан юртимиз тинч ва осмонимиз мусаффо бўлишини тилаб дуолар қилинди.

Фарғона шаҳар ҳокимлиги Ахборот хизмати Ochish/sharhlash

2022-08-28 11:12:59 Hurmatli fuqarolar!

“Ochiq budjet” axborot portalida kuzatilayotgan texnik nosozliklar tufayli, joriy yilning 29-avgust soat 18:00 ga qadar Portalda profilaktika ishlari amalga oshirilishini ma’lum qilamiz.

Shu munosabat bilan, ushbu davr mobaynida “Ochiq budjet” axborot portalidan foydalanish, jumladan “Tashabbusli budjet” jarayonlari doirasida loyihalarga ovoz berish imkoniyati bo‘lmaydi.

O‘z navbatida, Tashabbusli budjet 2-mavsumining ovoz berish davri texnik nosozliklar tufayli yo‘qotilgan kunlar soniga uzaytirilishini ma’lum qilamiz.

Yuzaga kelgan noqulayliklar uchun uzr so‘raymiz hamda Tashabbusli budjet jarayonlaridagi ishtirokingiz uchun minnatdorchilik bildiramiz.

РУ I ENG I ҚҚ Ochish/sharhlash

2022-08-28 11:12:59 Фарғонада “Умид ниҳоллари-2022” спорт мусобақасининг вилоят босқичи ғолиб ва совриндорлари тақдирланди

Фарғона давлат университетининг спорт ўйингоҳида умумий ўрта таълим мактаблари ўқувчилари ўртасида ўтказилган “Умид ниҳоллари-2022” спорт мусобақасининг вилоят босқичида ғолиб ва совриндор бўлган 509 нафар ўқувчилар ҳамда уларнинг 51 нафар мураббийларини тақдирлаш маросими бўлиб ўтди.

Спорт кечасида вилоят ҳокими Хайрулло Бозоров, Спортни ривожлантириш вазирининг ўринбосари Шахрилло Маҳмудов, Ўзбекистон Спорт фахрийлари Кенгаши раиси Баҳодир Махситов иштирок этдилар.

Батафсил: https://fergana.uz/site/view/news/11382540

Sayt | Telegram | Facebook | YouTube | Facebook | Instagram Ochish/sharhlash