Эслатма ва насиҳатлар

2022-12-31 17:40:22 Сиз бир одамни ҳидоятига сабабчи бўлсанггиз, у (сиз ҳидоятига сабабчи бўлган) одам, минглаган одамни ҳидоятига сабабчи бўлиши мумкун.
Ҳудди шундай акси ҳам, сиз бир одамни залолатига сабабчи бўлсанггиз, у (сиз залолатига сабабчи бўлган) одам, минглаган одамни залолатига сабабчи бўлиши мумкун.
Шундай экан одамларга Ҳақиқий Исломни етказишда ҳарис бўлинг ва гуноҳ, лағув, бекорчи нарсаларни таралиб кетишига сабабчи бўлиб қолманг!

@eslatma_va_nasihatlar Ochish/sharhlash

2022-12-31 16:16:24 Аллоҳ таъоло – барча дард ва касалликларга Шафий бўлган (шифо берувчи) ягона Зотдир.

Иброҳим алайҳиссалом:
وَإِذَا مَرِضْتُ فَهُوَ يَشْفِينِ
"Ва агар касал бўлсам, У (Аллоҳ)нинг Ўзи менга шифо бергучидир", деб айтганди.
(Шуъаро сураси, 80-оят)

Пайғамбаримиз Муҳаммад соллаллоҳу алайҳи ва саллам қачон касал кўргани борсалар:
أذهب البأس رب الناس، اشف أنت الشافي، لا شفاء إلا شفاؤك، شفاء لا يغادر سقمًا
"Инсонлар Роббиси (Аллоҳ), касалликни кетгазгин. Шифо бергин. Сен Шафийсан (шифо берувчисан). Сендан бошқадан шифо йўқ. Касалликни қолдирмайдиган даво бер", деб дуо қилардилар.
(Имом Бухорий ва Муслим ривояти).

– Саломатликни Аллоҳдан бошқасидан умид қилиб сўраманг!

@eslatma_va_nasihatlar Ochish/sharhlash

2022-12-31 08:49:54 Бир вақтлар бир (ўзбек) аҳли илмдан (менга тушинарсиз бўлган ўзбек тилидаги) бир калиманинг маъносини сўраганман.
Сал жаҳли чиқиб, мулойим бўлмаган оҳангда (жеркиш аралаш) жавоб қайтарган.
[Яъни, балки, бунақа майда чуда нарсани сўраб вақтимни олмагин деб ёки мени ўйнаб сўрамагин деб ёки шу вақтда жаҳли чиқиб турган бўлиши мумкун...]
Аслида, билмаганим ва бир фойда учун сўраган эдим. Бекордан-бекорга сўрамаган эдим.
Илм - Аллоҳнинг неъматидир. Бу неъматни одамларга жеркиш учун, кибрланиш учун ўрганмаслик керак.
Аксинча, илм тавозе ва камтарликка сабаб бўлгани яхши.
Илм сизни ғурурга кеткизиб қўймаслиги керак.
Бир одам сиздан бир нарса сўраса, оддий нарса сўраса ҳам, гўзал жавоб қайтариш керак. Сиз билмайсизки, у жавобингиздан кўп фойдалар олар ва янада илмга қизиқиши ортар...


عَبَسَ وَتَوَلَّىٰ

У (Пайғамбар алайҳис-салоту вас-салом аъмо кишига) қош чимирди ва (ундан) юз ўгирди.



أَن جَاءَهُ الْأَعْمَىٰ

Ўзининг олдига кўзи ожиз киши келгани учун (қош чимирди ва ундан юз ўгирди).[1]

[1] Ривоят қилинишича, бир куни Пайғамбар алайҳис-салоту вас-салом Қурайш зодагонларидан бир гуруҳини Исломга даъват қилиб турганларида, олдиларига Абдуллоҳ ибн Умми Мактум исмли кўзлари ожиз бир саҳоба келиб, бир неча бор: «Ё Расулуллоҳ, менга Аллоҳ сизга билдирган нарсалардан таълим беринг», деб такрорлади. Чунки у киши аъмо бўлганлари сабабли Пайғамбаримизнинг бошқалар билан банд эканликларини сезмаган эди. Пайғамбар алайҳис-салоту вас-салом ҳалиги Қурайш катталари Исломни қабул қилишса, уларга эргашиб орқаларидаги тобеълари ҳам мусулмон бўлиб қолади, деган умид билан берилиб сўзлаётганлари сабабли, мана шу пайтда Абдуллоҳ ибн Умми Мактум келиб сўзларини бўлганидан аччиғланиб, қовоқ солдилар ва у кишига орқа ўгириб, Қурайш катталари билан сўзлашишда давом этдилар. Шунда Пайғамбаримизга танбеҳ бўлиб мазкур ва қуйидаги оятлар нозил бўлди. Шу ўринда биз муҳтарам ўқувчи эътиборини мазкур оятлардаги икки ибратли нуқтага жалб этмоқчимиз. Биринчидан, Аллоҳ таоло Ўзининг ҳабиби ва сўнгги пайғамбарига танбеҳ берар экан, у кишига бевосита хитоб қилмади, балки гўё учинчи шахс ҳақида гапираётгандек танбеҳ бердики, бу Дўст Дўстга қиладиган муомаланинг беназир намунасидир. Иккинчидан, агар бизда Аллоҳ таолонинг Ўзи «шак-шубҳасиз, сиз улуғ Хулқ устидадирсиз», (Қалам сураси, 4-оят) деб таърифлаган Пайғамбаримиз мазкур воқеада бир аъмо кишига озор бердиларми, деган савол туғилса, бундай саволнинг жавоби ҳам ўша воқеанинг ўзида мавжуддир, яъни юқоридаги оятлар гувоҳлик беришича, Пайғамбар алайҳис-салоту вас-салом у кишининг дилига озор берадиган бирон қаттиқ сўз айтганлари йўқ, балки фақатгина қовоқларини уюб, юз ўгирдилар холоски, бундай ҳолатни кўзи ожиз одам кўра олмагани учун озор топмаслиги аниқдир. Аллоҳ таолонинг танбеҳидан сўнг Расулуллоҳ қачон Абдуллоҳ ибн Умми Мактумни кўриб қолсалар: «Марҳабо, эй менга Парвардигоримдан дашном олиб берган зот», деб у кишига пешвоз чиқадиган бўлган эканлар.



وَمَا يُدْرِيكَ لَعَلَّهُ يَزَّكَّىٰ

(Эй Муҳаммад алайҳис-салоту вас-салом), сиз қаердан билурсиз, эҳтимол у (сиздан ўрганадиган илму маърифати ёрдамида ўз гуноҳларидан) покланар.



أَوْ يَذَّكَّرُ فَتَنفَعَهُ الذِّكْرَىٰ

Ёки панд-насиҳат олар-да, сўнг бу панд-насиҳат унга фойда берар?!



Абаса сураси 1,2,3,4 оятлар.



@eslatma_va_nasihatlar Ochish/sharhlash

2022-12-30 17:22:04 Муслмон одам майда-чуйда фикрларни, ташвишларни ўйламаслиги керак.
Балки катта-катта ва мухим бўлган фикрларни ўйлаб, бошқотириб юриши керак.
Майда ва кераксиз ўй-фикрлардан масалан: уйининг деворини қанақа рангга бўйаш керак, қанақа парда осиши керак, қайси куни қанақа таом пишириши керак, боласига қанақа туфли олиб бериши керак...
Баъзи одамлар бу каби нарсалар ҳақида ойлаб ўйлаб юради.
Унқа майда одам бўлмаслик керак.
Ўзингизга (охиратингизга), оилангизга, умматга фойдалар келтирадиган нарсалар ҳақида фикрланг.
Савоб олиш йўллари ҳақида фикрланг.
Оч ва бошпанасиз қолган етим ва беваларга ёрдам бериш ҳақида фикрланг.
Асирликда азобланаётган махбуслар ҳақида фикрланг.
Исрофга тўла ҳаёт кечираётганингиз ва бу исрофларни жавобини қандай қилиб беришингиз ҳақида фикрланг.
Ҳа. Сал кенгроқ фикрли бўлинг. Тор фикрламанг.

@eslatma_va_nasihatlar Ochish/sharhlash

2022-12-27 16:44:48 Ибн Қоййим раҳимаҳуллоҳ айтади:

ومن أكل كثيراً شرب كثيراً، فنام كثيراً، فخسر كثيراً.

«Кўп еган одам, кўп ичади, кейин кўп ухлайди. Охир оқибат кўп нарсадан маҳрум бўлади».

«Мадорижус соликийн», 1/459.

@eslatma_va_nasihatlar Ochish/sharhlash

2022-12-27 16:41:07 Аллоҳ учун борини бериб ёки боридан вос кечиб, охири ўз жонини ҳам қурбон қилганларни кўрсам, эшитсам, ўқисам... шаҳид бўлмай туриб ўлиб қоламан деб қўрқаман.
Аллоҳдан кўп-кўп сўрайман, шаҳидликнинг олий даражасини.
Бу (шаҳид бўлиб ўлишлик) осон эмас аслида, лекин Оламлар Робби Аллоҳ учун осондир!
Аллоҳим бизларни хотимамизни гўзал қилгин.
Ҳар бир шаҳидлик орзусидаги бандангга шаҳидликни насиб қилгин...

@eslatma_va_nasihatlar Ochish/sharhlash

2022-12-27 16:38:50 Мўмин киши Аллоҳни қанчалик яхши таниса, Аллоҳдан қўрқиши (Аллоҳнинг кўриб-билиб турганини ҳис қилиб амал қилиши)  шунчалик кучли бўлади.
Мўмин ҳам, мунофиқ ҳам кузатувдан қўрқади.
Мўмин Аллоҳнинг кузатувидан қўрқса, мунофиқ одамлар кўриб қолишидан қўрқади.

Шайх Абдулазиз Торифий

@eslatma_va_nasihatlar Ochish/sharhlash

2022-12-26 09:29:21 Саодат калитлари

Ибн Қаййим раҳимаҳуллоҳ айтади:
«Кимки тасбеҳда давомий бўлса, юзи гўзаллашади.
Кимки ҳамд айтишда давомий бўлса, унга хайр, яхшиликлар ёғилади.
Кимки истиғфорда давомий бўлса, унинг учун ёпиқ эшиклар очилади».

«Дард ва даво», 188.

@eslatma_va_nasihatlar Ochish/sharhlash

2022-12-25 18:05:56 @eslatma_va_nasihatlar Ochish/sharhlash

2022-12-25 17:49:34 “Саҳиҳайн”да Нўъмон ибн Баширдан ривоят қилинган ҳадисда Расулуллоҳ саллаллоҳу алайҳи ва саллам бундай дейдилар: “Ҳалол аниқ, ҳаром ҳам аниқ. Бу иккисининг ўртасида шубҳали ишлар бор. Уларни кўпчилик инсонлар билмайди. Кимда-ким шубҳалардан эҳтиёт бўлса, динини ва обрўсини сақлаб қолибди”.

Аҳмад, Термизий ва бошқалар Наввос бин Самъондан ривоят қилишларича, Пайғамбар саллаллоҳу алайҳи ва саллам бундай деган эканлар: “Аллоҳ таоло тўғри йўлни қуйидаги кўринишга ўхшатди…”
Бу ўхшатиш ҳақида фикр юритинглар. Қуръон ва суннатда келган бундай ўхшатишларни уламоларгина тушунадилар.

У зот дедилар: “Аллоҳ таоло тўғри йўлни қуйидаги кўринишга ўхшатди. Йўлнинг икки тарафида деворлар бор. Улардан кириш учун ланг очиб қўйилган эшиклар бор. Эшикларга пардалар осилган. Йўлнинг бошида бир жарчи одамларга нидо қилиб: “Эй одамлар, ҳаммангиз шу йўлдан тўғри юринг, бурилишларга кирманг”, деб туради.
Яъни тўғри йўлда бўлинглар, деб даъват қилади. Йўл устида бир жарчи туради. Агар биров пардалар ортидаги очиқ эшиклардан биронтасига кирмоқчи бўлса, ҳалиги жарчи: “Ҳолингга вой бўлсин, у эшикни очма, агар очсанг, кириб кетасан. Бу эшикларни очма, ҳатто пардаларни ҳам кўтарма”, дейди”.

Пайғамбар саллаллоҳу алайҳи ва саллам дедилар: “Тўғри йўл Ислом. Унинг икки четидаги деворлар Аллоҳнинг чегаралари. Ланг очиб қўйилган эшиклар эса Аллоҳ ҳаром қилган ишлар. Йўл бошидаги жарчи Аллоҳнинг китоби. Йўл устидагиси эса Аллоҳнинг ҳар бир мусулмон қалбига жо қилган насиҳатчисидир”.

Ҳа, қалбингдаги насиҳатчи сени яхшиликка чақиради. Сенга агар гуноҳ қилмоқчи бўлсанг, Аллоҳдан қўрқишни эслатади. Лекин кўпчилик бу жарчининг ва насиҳатчининг нафасини ўчиради. Ҳатто унга қулоқ солмай қўяди. Чунки унинг овозини аллақачон ўчириб қўйган бўлади.
Бу жарчи ва насиҳатчи фариштадир. Фаришта Одам фарзандини яхшиликка чақиради. Яхшилик билан ҳақни тасдиқ этишга буюради.
Шайтон эса ёмонликка буюриб, ҳақни инкор қилишга чақиради.
Ла ҳавла ва ла қуввата илла биллаҳ.

Ҳаром ишларни қилиш, хусусан уларни яширинча қилиш ҳасанотларни кетказади. Савоблари гарчи улкан тоғлардек бўлса ҳам, худди чўлдаги қум зарралари каби учиб кетади.

Ибн Можа ва бошқалар Савбон разияллоҳу анҳудан ривоят қилган ҳадисда Расулуллоҳ саллаллоҳу алайҳи ва саллам бундай дейдилар: “Умматимдан айрим кишиларни танийман. Қиёмат куни менга Тиҳома тоғларидай оппоқ ҳасанотлар билан келишади. Аллоҳ таоло уларни сочилган хазон каби қилиб қўяди”.
Савбон: “Ё Расулуллоҳ, уларни бизга таърифлаб беринг, токи ўшалардан бўлиб қолмайлик”, деди.
Пайғамбар саллаллоҳу алайҳи ва саллам: “Улар биродарларингиздан бўладилар. Кечалари сизлар каби ибодат қиладилар. Лекин холи қолган пайтларида Аллоҳ ҳаром қилган ишларни қиладилар”, дедилар.

Холи жойларда ҳаром ишларни қилиш катта гуноҳ ҳисобланади. Чунки Аллоҳ ҳаром ишлар учун қўйган чегараларни холи пайтда бузган одамнинг қалбида Аллоҳга нисбатан таъзим ва улуғлаш бўлмайди. Аммо очиқчасига ҳаром амал қилиш – бу энди ўта хунук ишдир.

Сўзимни бир гўзал ҳадис билан якунламоқчиман. Пайғамбар саллаллоҳу алайҳи ва саллам: “Умматимнинг ҳаммаси (одамларнинг ғийбатидан) офиятда, фақат очиқчасига гуноҳ қиладиганлар бундан мустасно”, деганлар. Ҳадисни имом Бухорий ва Муслим Абу Ҳурайра разияллоҳу анҳудан ривоят қилишган.

“Умматимнинг ҳаммаси офиятда, фақат очиқчасига гуноҳ қиладиганлар бу офиятдан мустасно”.

Бир киши кечаси туриб, бир ёмон ишни қилади. Аллоҳ таоло унинг бу ишини фош қилмайди. Кейин эрталаб туриб: “Эй фалончи, эй фалончи, мен кечаси бундай қилдим, ундай қилдим”, деб Рабби сатр қилган пардани очади. Аллоҳнинг пардасини йиртади. Бу ҳам очиқчасига гуноҳ қиладиганлар сафига киради.
Агар бирор кун ёлғиз қолгудай бўлсангиз, ёлғизликни гуноҳ қилиш учун ғанимат билманг. Устимдан кузатувчим бор, Аллоҳ бир лаҳза ҳам ғофил эмас, Унга ҳеч нарса махфий бўлмайди, денг.

Аллоҳ таолодан мени ва сизларни дунё ва охиратда сатр қилишини сўрайман. Қалбларимизни холи қолганимизда ҳам, ошкор маҳалларда ҳам Ўзини улуғлаш ва қадрлаш билан тўлдиришини сўрайман. Албатта Раббим бунга қодир зотдир.


@eslatma_va_nasihatlar Ochish/sharhlash