Eranlar bir dengizdir, Oshiq kerak tolgali. Bahriy kerak dengizdan Kirib, gavhar olgali. Yana biz bahriy bo‘ldik, Dengizdan gavhar oldik, Sarrof kerak gavharning Qiymatini bilgali. Jim turganing yaxshidir. Ne safsata sotarsen? Ali kabi er kerak Ushbu sirga yetgali. Muhammad Haqni bildi, Haqni o‘zida ko‘rdi. Jumla yerda Haq hozir, Ko‘z kerakdir ko‘rgali. Nafsingni bilgin Haqdin, "Nahnu qasamno"* pinhon. Nafsin bilgan er kerak. Ko‘z hijobin surgali. Dedim ushbu kalomim Oshiqlar hukmi ila. Saxovatli er kerak Bir qarorda turgali. Olimlar kitob tuzar, Qorani oqqa yozar. Ko‘ngillarda yozilar, Bu kitobning jumlasi. Hay, sen so‘fiy riyokor, Munofiqlik sotarsen. Haqdin o‘zga kim yana Qulga tilak bergusi. Haq ma’nosi ko‘ngilda, Oyati bor Qur’onda. Arshdan yuqori jonda Ishq burjining kullasi. Bo‘yla majnun bo‘lmisham, Bilmasman kunu tunni. Yuragimda zirqirar Ishq o‘qining yarasi. Kel endi, miskin Yunus, Tut eranlar etagin. Kim ersa miskinlikda, Yo‘qlik erur chorasi. Izoh: 1 - "Rahmatimizni biz taqsimladik" (Qur’oni Karim, "Zuhruf" surasining 32-oyati). Yunus Emro 5.7K viewsedited 10:33
