2021-11-16 07:26:52
#Pedagogik_vaziyat
Vaziyat:
Nemis tili darsi.
O‘qituvchi nafaqat o‘z guruhi, balki betob bo‘lib qolgan o‘qituvchining guruhiga ham dars o‘tishi kerak.
Bolalar o‘zlarini juda xunuk tutmoqdalar: baland ovozda gaplashmoqdalar, bahslashib, bir-birlariga maktublar tashlamoqdalar, qog‘ozdan samalyot yasab uchirmoqdalar va hokazo. Orada o‘qituvchiga nistaban hurmatsizlik va beodoblik ham qilmoqdalar (ochiqchasiga emas, ehtiyotkorona).
Ayniqsa, bir bola alohida ajralib turibdi.
O‘qituvchi e’tibor bermaslikka harakat qilib, dars o‘tishda davom etmoqda. Orada bolalarni tinchlantirishga urinmoqda, tinchlantirish maqsadida ikki baho qo‘yish, direktorni sinfga taklif qilish va ota-onalarini maktabga chaqirish kabi qo‘rqitish usullarini ham qo‘llab ko‘rmoqda.
O‘qituvchi o‘quvchilarga navbatdagi vazifa berdi – matnni o‘z so‘zi bilan aytib berish.
Biroz vaqt o‘tgach, o‘qituvchi eng to‘polonchi o‘quvchidan matnni aytib berishga tayyormi yoki yo‘qligini so‘raydi. U faqat birinchi jumlani takrorlay olaman, deb javob beradi.
O‘qituvchi: “Demak, bahoying ikki”.
O‘quvchi: “Yo‘q, unday bo‘lsa, aytib beraman”.
O‘qituvchi: “Endi kech. Vaqtliroq o‘ylashing kerak edi”.
O‘quvchi takroran: “Ha, aytib beraman”.
Bunday gap talashish yana bir necha daqiqa davom etadi, natijada o‘qituvchi ikki baho qo‘yadi va o‘quvchi uni haqoratlab, sinfdan chiqib ketadi.
O‘qituvchi dars o‘tishda davom etadi.
Baholash:
Bu erda bir qancha pedagogik vaziyatlar mavjud bo‘lib, o‘qituvchi va ikkinchi guruh o‘quvchlari o‘rtasidagi munosabatlar uzoq vaqtdan beri keskin bo‘lib kelayotgani aniq. Ohirgi vaziyatga kelsak, bunda o‘qituvchi ochiqchasiga g‘azabini namoyon etdi.
Bunday harakatning adolatsizligi shundaki, o‘qituvchi bilim uchun baho qo‘yish o‘rniga o‘quvchiga hatto javob berish imkoniyatini bermagan holda, xulq-atvor uchun baho qo‘yishni afzal ko‘rdi.
Jazo, hech bo‘lmaganda, haqiqiy noo‘rin xatti-harakat uchun jazo bo‘lgandagina adolatli bo‘ladi. O‘qituvchi o‘quvchiga va sinfga, agar u biror narsada ojiz bo‘lsa, u boshqa vaziyatda o‘z (lavozimlik) holatidan foydalana olishini namoyish etdi.
Bola xo‘rlangan holda, chuqur adolatsizlik hissi bilan, o‘zining kuchsizligidan g‘azablangan va o‘qituvchidan nafratlangan holda ketdi. Butun sinf uchun saboq: qasosda barcha vositalar yaxshi.
Prognozlash:
O‘qituvchi va ushbu o‘quvchi o‘rtasida o‘zaro nafrat yanada kuchayadi. Bunday holatlar yana va yana takrorlanadi. Bolada va butun sinfda o‘qituvchiga nisbatan hurmat qolmaydi.
Yechim:
O‘qituvchi o‘quvchi matnni aytib berishga urinib ko‘rishini aytdimi, unga imkon berishi kerak edi. Darsga qattiq xalaqit berayotgan o‘quvchini unga murakkabroq topshiriq berish orqali tinchlantirish mumkin, va dars oxirida topshriq bajargani uchun baho qo‘yiladi.
Kanalga obuna bo'lish: Telegram | Facebook | Instagram | You Tube
28.7K viewsedited 04:26
I
