Endilikda Prezident qarori bilan faqat davlat granti kvotalari | DTM YANGILIKLAR || Rasmiy Kanali
Endilikda Prezident qarori bilan faqat davlat granti kvotalari belgilanadi. To‘lov-kontrakt uchun kvotalarni OTMlar mustaqil belgilaydi
Kelgusi oʻquv yilidan faqat davlat granti asosidagi qabul koʻrsatkichlari belgilanadi. Toʻlov-kontrakt boʻyicha qabul kvotasini OTMlar mustaqil belgilaydi.
Prezident qaroriga muvofiq, Oliy va oʻrta maxsus taʼlim vazirligi tomonidan manfaatdor vazirlik va idoralari bilan birgalikda 2020-yil 1-dekabrga qadar:
- oliy taʼlim muassasalariga oʻqishga qabul qilishning davlat buyurtmasi parametrlarida faqat davlat granti asosidagi qabul koʻrsatkichlarini belgilash;
- toʻlov-kontrakt asosidagi qabul koʻrsatkichlarini oliy taʼlim muassasalari tomonidan mustaqil belgilash. Bunda, toʻlov-kontrakt asosidagi qabul koʻrsatkichlari Oʻzbekiston Respublikasi Oliy va oʻrta maxsus taʼlim vazirligi tomonidan belgilangan miqdordan kam boʻlmasligi lozim;
- iqtidorli talabalarni nodavlat oliy taʼlim tashkilotlarida ham davlat granti asosida oʻqitish;
- alohida iqtidor talab etiladigan taʼlim sohalarining bakalavriat taʼlim yoʻnalishlariga oʻqishga qabul qilish uchun kasbiy (ijodiy) imtihonlar bilan birgalikda majburiy uchta – ona tili (oʻzbek, rus yoki qoraqalpoq tili), matematika va Oʻzbekiston tarixi fanlari boʻyicha test sinovlari topshirish tartibini joriy qilish boʻyicha Hukumatga asoslantirilgan takliflarni kiritadi.
@DTMYangiliklar_UZ || Axborot portalining Telegram sahifasiga xush kelibsiz!. 🎗• Biz orqali rasmiy yangiliklar, eng muhim ma'lumotlar hamda original testlar. 🎗•Ta'limga oid so'ngi yangilikla...
