Қарекен онлайн

2022-06-29 17:55:26 Ochish/sharhlash

2022-06-29 08:42:15



Қарақалпақстан Республикасы адвокатларының наразылықлары Ochish/sharhlash

2022-06-28 22:40:35 Бабамыз Соппаслы сыпыра жыраудын толгауынан

Жуўас елге тиймегил,
Кеўлинде муңлы шер болар.
Ерегисип қоймасаң,
Ызалы ел биригип,
Қылыш алып қолына,
Қатыны да ер болар.
Сениң менен тең болар,
Күшейип кетип ол сеннен,
Етек-жеңиң сел болар.
Камал Мәмбетов, «Қарақалпақ толғаўлары»,Нөкис «Билим» баспасы.1995жыл.108-бет.

ТОЛҒАЎ
Жуўас ел демең елимди,
Қолайлы демең жеримди.
Халқымның жырын жырласам,
Ким тыңламас шеримди?!
Бабаларым мәрт болған,
Кеўлинде мыңсан дәрт болған,
Көп жәбир шегип жаўлардан,
Еркинлик алмақ шәрт болған.
Сонда Ерназар батыры,
Бир өзи мыңға татыры.
Аңсап халықтың ығбалын,
Қурбан еткен өз жанын…
Қорықпай қәўип-қәтерден,
Халықлық туўды көтерген.
Жат елде лашы қалса да,
Халқына «стан» әперген.
Аллаярдай бабамның,
Батырды туўған мамамның,
Урпақлары бизлермиз,
Бүгин Ҳақ жолды излермиз.
Жан берип алған ерикти,
Басымыздағы бөрикти.
Жоғалтпақшы болғанлар,
Тынышымызды алғанлар.
Дүньяға еки келмеспиз,
Еркти қолдан бермеспиз.
Бабамнан мийрас жарлығын,
Суверенлиги барлығын.
Алмақшы болса егер де,
Оятар намыс-ар бүгин.
Еркиме қол салғанлар,
Бизге үстем болғанлар.
Болып халықтың душпаны,
Қара булт болар аспаны.
Сонлықтан елди бүлдирмей,
Өзине сөз келтирмей.
Тезден жойсын қәтесин,
Жыйсын ҳәм де ақыл-есин.
Тиймесин халықтың арына,
Қол қатылмасын барына.
Ығбалына Арал қурып,
Дуз аралас даўыл турып.
Жери шорлап атырғанда,
Усындай иске орын барма?
Келтирмей көптиң ызасын,
Алмасын халықтың мазасын.
Ибрайымдай сыйлаған,
Қарекең өзбек өз ағасын.
Ғайры жолларда көрмесин,
Бирлигин қолдан бермесин.
Мақсети бир болып текте,
Жылқысы таўға өрлесин.
Егер де олай болмаса,
Халқыма қулақ салмаса,
Қатыны,ери бир болып,
Қалмаў ушын қул болып,
Ҳуқықты талап етермиз,
Еркин ел болып кетермиз
Сөйлесем сөздиң мақулын,
Усыны айтар ақылым.
Тумаристиң қаны менен,
Гүлайымның ары менен.
Мәртлик жолды тутарман,
Керек болса қан жутарман.
Арын арлайман халқымның,
Жақыным менен жатымның.
Қәдири жоқ демесин,
Қолымда бар алтынның,
Еркти бермей қолымнан,
Бабалар туўын тутайын!
Жуўас ел ғой бул бир деп,
Бассынбаса халқымды.
Елди қоллаған ерлерди,
Айнымас дос тутайын.
Егер де олай болмаса,
Тирилей гөрде жатайын.
Халқым еркин болмаса,
Суверенлиги қалмаса,
Қарақалпақтың өлгени,
Ерлердиң гөрге киргени!

Гулнара НУРЛЕПЕСОВА
27-июнь, 2022-жыл. Ochish/sharhlash

2022-06-28 11:37:47 Смотрите "Қарақалпақстанға президент" на YouTube


Ochish/sharhlash

2022-06-27 22:28:36



Ашық сәубет Ochish/sharhlash

2022-06-27 19:58:38 БАРЫЎДЫ ҚӘЛЕЙМИЗ БИЗЛЕР "АЙ"ЖАҚҚА

Билмей турман кимнен айып излерим,
Уйқы көрмей тур кешеден көзлерим,
Ҳәси кетсем кешириңлер сөзлерим,
"Ҳәмме ушып баратқанда "Ай"жаққа",
Бизлер өзи баратырмыз қайжаққа?

Сум хабар қабартып кеўил хошымды,
Буғаўлап таслады илҳәм йошымды,
Дәртлериме дәрт жамалып қосылды,
"Аспанды тиреген: бақан таймақта",
Халқым ығып баратырмыз қайжаққа?

Тәғдир дегершигин бурып кейнине,
Нәмәлим кимселер тийип зейниңе,
Халқым түсинбедим... аның, пейлине,
Алға бассаң:- аяғыңнан шалмақта,
Алдың түнек... баратырмыз қайжаққа?

Айдын келешегиң шақырып кел деп,
Турған соң умтылдың қулашың сермеп,
Биреўлер қылғысы келди ме ермек,
Аңлайсаң дос- душпаныңды қай ўақта?
Бағдар жумбақ баратырмыз қайжаққа?

Өшире алмас боран, даўыл изиңди,
Төмен салма! Жарқыраған жүзиңди,
Оян халқым! Кеңирек аш көзиңди,
Ар- намыcың аяқ асты болмақта,
Артқа жол жоқ! Баратырмыз қайжаққа?

"Өз қолымды, өзим қалай кесейин",
Қолдан бермей тәғдиримди шешейин,
Қандай жол шықса да, десең кешейин,
Дүр- дүр силкин! Бүркит пәнже салмақта,
Барыўды қәлеймиз Бизлер "Ай"жаққа!

Ақшолпан Аманияз
27.06.2022 жыл

Канал силтемеси @qqshayirlar Ochish/sharhlash

2022-06-27 19:57:57 Акламады исенимди исенген.

Дауыс берип, колды койып халайык
"Усы инсан уакилликке ылайык"
Умит етип, исенимди аклайды
Деген уакил болып шыкта налайык.

Сайланарда коп уадени берди ол
Ол хаттеки мутажларга созды кол
Кейин билсек бари жалган козаба
Мажилисте мази уйклап кайтты сол.

Сайлаушылар еле умит артыуда
Мумкин улес косар исенген тулга
Канша куткен менен куры уадеден
Арман карай басалмады хеш алга.

Сайлаушылар бармак тислеп калыпты
Умитлери пушка шыгып жаныпты
Мажилисте каралса кай маселе
Барлык уакил кол котере салыпты.

"Май айныса туз саласан" дер екен
Туз айныса не илажы бар екен
Сонша халык умит еткен уакиллер
Акламады исенимди исенген.

Бабаназаров Муратбай
27.06.2022-ж. Ochish/sharhlash

2022-06-26 20:14:45


Итибарлы болың! Ochish/sharhlash

2022-06-26 16:59:18


Митингти өзим айтаман. Ochish/sharhlash