doctorYakubjonov #channel

2023-01-03 07:12:53 Смартфонлар унитазнинг четидаги пластмассаси борку, ўшандан ҳам 5 баробар ифлосроқ бўлади.

Смартфонни биз исталган жойга қўямиз: қўлга ушлаймиз, чўнтакка соламиз, сумкага соламиз... Ишлаган вақтида қизиган, бироз намланган смартфонлар бактериялар кўпайиши учун жуда қулай бўлиб қолади... Кейин шуни ушлаб, қўлимизни ювмай овқатлансак, осонгина заҳарланиш ҳам мумкин.

@doctorYakubjonov_channel Ochish/sharhlash

2023-01-02 14:34:18 Ўғил бола чақалоқларни парваришини ўзига ҳос жиҳатлари бор. Шулардан бири уларнинг чўччисига (олатига) туз тўпланиши саналади. Бу туз қаердан йиғилади? Буни бола учун қандай зарари бор? Бундай ҳолатда болага қандай ёрдам берилади?

Видеода шу каби саволларга жавоб топамиз.





@doctorYakubjonov_channel Ochish/sharhlash

2022-12-31 15:30:56

Ochish/sharhlash

2022-12-30 18:24:05 Мен болаларнинг дори сабабли нобуд бўлишганига доир фикримни билдирмоқчиман.
Мен оилавий шифокорман. Шунинг учун шамоллаган, иситма қилган болаларни кўп даволашимга тўғри келади. Ота оналар бемор болаларни биринчи бўлиб поликлиникага олиб келишади.
Хўш мен шу кунда ” машҳур” бўлган сиропларни ёзаманми болаларга ? Йўқ ёзмайман. Аввалданам ёзмасдим.
Нега ёзмайман?
Гап шундаки болалар нозик хилқат, уларга доим энг керакли ва безарар дори воситаларини ёзиш керак.
Энг керакли дегани, айни пайтда касалликни аниқ даволай оладиган дори воситалари назарда тутилаяпти. Бир вақтни ўзида 3 тадан ортиқ дори воситаси буюрмаслик керак.
Чунки дори қанчалик кўп бўлса , уларнинг бола организмига зарар бериш эҳтимоли ошади.
Бу алоҳида дорилар тўғрисида эди.
Агар битта дорининг ичида бир нечта компонент бўлсачи, яьни комбирированний препарат бўлса.
Тавсия қилсак бўладими? Иложи бўлса йўқ. Чунки дори таркибидаги моддалар болага қандай таьсир қилишини билмаймиз. Мабодо аллергия берсачи ёки бошқа ножўя таьсир кўрсатсачи? Аниқ билолмаймиз айни пайтда қайси модда реакция берганини. Бу нарса келажакда болага айнан қайси модда ёқмаслигини билишимиз учунам керак.
Яна бир нарса, таркибида бир нечта актив модда бўлган дори қабул қилинганида, у моддалар организм ичида бир бири билан реакцияга киришиб кетмайди деб ким кафолат беради.
Мен бир неча лекцияларда иштирок этганимда, гематологлар шунақа комбинированний дори воситалари болаларда қон касалликлари келтириб чиқариши мумкинлиги ҳақида айтишганди. Масалан Фаниган, Панадол.
Хўш болалар грипп бўлганида, шамоллаганида, иситма қилганида мен қайси дорини ишлатаман ва нимага?
Мен Ибупрофенни ишлатаман. Чунки Ибупрофен таркибида фақат Ибупрофен бор, у Парацетамолга нисбатан иситмани тезроқ ва сифатли, яьни тана ҳароратини нормага, туширади ва нисбатан безарар.
Масалан Ибуфен ёки Нурофен таркиби Ибупрофендан иборат.

Хуллас:

Ҳурматли шифокорлар қаршингизда ўтирган бемор кимнидир кўзмунчоғи, дилбанди эканини унутманг ва комбинированний иситма туширувчи дори воситаларини ёзманг! Масалан Док 1 , Цинепар, Нолгрипп ва бошқалар.

Ҳурматли ота оналар, биринчидан болангиз касал бўлса билиб билмай ёки артекачи маслаҳати билан дори ичирманг!
Албатта шифокорга кўрсатинг!
Агар мабодо кун кеч бўлган бўлсаю шифокорга боролмасангиз иситма тушириш учун Ибупрофен ( Ибуфен, Нурофен) сиропларидан фойдаланинг.

Сунбула Орифхонова

@doctorYakubjonov_channel Ochish/sharhlash

2022-12-29 06:26:35 Гиперпролактинемия – яъни қонда пролактин гормони ошиши бепуштликнинг асосий сабабларидан биридир. Турли манбааларга кўра касаллик ҳар 100 минг одамнинг 10-30 тасида учрайди. Репродуктив ёшдаги аёлларнинг эса 5% қисмида айнан пролактин баландлиги аниқланган. СПКЯ билан оғриган аёлларнинг 17% қисмида, иккиламчи аменорея бўлган аёлларнинг эса 14% қисмида гиперпролактинемия аниқланган. Хўш, бу ҳолатга нима сабаб бўлади? Касалликнинг клиник белгилари қанақа? Даволашда нималарга эътибор берамиз?

Видеода шу каби саволларга жавоб топамиз.





@doctorYakubjonov_channel Ochish/sharhlash

2022-12-28 18:13:17 Гиперпролактинемия сабаблари:

- Физиологик ҳолат: коитус, жисмоний зўриқиш, лактация, ҳомиладорлик, уйқу ва стресс;

- Патологик ҳолатлар: гипоталамо-гипофизар бузилишлар, гипотиреоз, гранулематоз ва инфилтратив ҳолатлар, нурланиш, Ратке чўнтаги кистаси, травма ёки жарроҳлик аралашуви сабабли гипофиз оёқчаси шикасти;

- Ўсмалар: краниофарингиома, герминома, метастазлар, ўсманинг ўсиб кетиши;

- Гипофизни шикастлари: акромегалия, лимфоцитар гипофизит, плюригормонал аденома, пролактинома, жароҳатлар, операциялар;

- Тизимли ўзгаришлар: кўкрак қафаси жароҳатлари, ўраб олувчи темиратки, сурункали буйрак етишмовчилиги, жигар циррози, тутқаноқ хуружи, СПКЯ, ёлғон ҳомиладорлик синдроми;

- Айрим дорилар: анестетиклар, антиконвулсантлар, антидепрессантлар, антигистаминлар, антигипертензивлар, ацетилхолин агонистлари, наркотик препаратлар, катехоламинлар ажралишини стимуляторлар, дофамин рецепторлари блокаторлар, дофамин синтези ингибиторлар, нейропептидлар, нейролептиклар, опиатлар, эстрогенлар;

@doctorYakubjonov_channel Ochish/sharhlash

2022-12-26 14:53:33 Шунақа касалликлар борки, бундай касалликка эга шаҳслар оғриқни мутлақо сезмайди. Яъни оғриқ сезувчи рецепторлари ишламайди.

Бунга ҳавас қилиш керак эмас. Чунки оғриқ ҳам ҳимоянинг бир бўлаги. Инсон мабодо оғриқ сезмаса жароҳатланиш эҳтимоли юқори бўлади.

@doctorYakubjonov_channel Ochish/sharhlash

2022-12-24 13:14:53 Ҳомила қачон туғилади? Исталган вақтда. Шунчаки номи ўзгаради.

Яъни 22 ҳафтагача туғиладиган бўлса ҳомила тушиши, 22-37 ҳафта оралиғида туғилса муддатидан аввалги туғруқ, 37-42 ҳафта оралиғида туғилса муддатидаги туғруқ, 42 ҳафтадан сўнг туғилса, муддатидан ўтган туғруқ саналади.

@doctorYakubjonov_channel Ochish/sharhlash

2022-12-23 18:08:39 Баъзан одамлардан “ҳомиладор бўлиб туғса қон янгиланади”, деган гапни эшитиб қоламиз. Қон ўзи неча кун яшайди? Ҳақиқатан ҳам ҳомиладор бўлса қон янгиланадими? Ўзи ҳомиладорлик организмни янгилаши ростми?

Видеода шу каби саволларга жавоб топамиз.





@doctorYakubjonov_channel Ochish/sharhlash

2022-12-22 16:04:55 Фбда пост қилгандим ҳали. Нуу "ебқўймай" деб постни ёпгандим.. Афсуски пост рост бўлиб чиқди!

15 та гўдак!! Жиноий жавобгарлик!!!!

***

Расмий маълумот

Соғлиқни сақлаш вазирлиги “Док-1 Макс” дориси сабаб 15 нафар бола вафот этганини тасдиқлади

“Док-1 Макс” таблетка ва сироп дори воситасининг ножўя таъсири сабаб, 15 нафар бола вафот этгани тасдиқланди. Дори воситаси эса бугун сотувдан олинган.

Хозирда “Док-1 Макс” таблетка ва сироп дори воситалари билан боғлиқ вазият Фармацевтика тармоғини ривожлантириш агентлиги томонидан ўрганилмоқда.

Ушбу дори воситаси сабабли 17 нафар бола оғир аҳволда касалхонага ётқазилган.

2022 йил 22 декабрь санасидан “Док-1 Макс” таблетка ва сироп дори воситаси Республиканинг барча дорихоналарида сотилиши вақтинча тўхтатилмоқда.

Дима Қаюм

@doctorYakubjonov_channel Ochish/sharhlash