Fazliddin Mo'min | Blog

2022-03-18 19:07:26 #юмор

Имконсиз ишнинг ўзи йўқ.

@doctor_Muminov Ochish/sharhlash

2022-03-18 12:17:39 Оч қоринга илиқ сув ичинг!

Оч қоринга илиқ сув ичиш инсон ҳаётидаги энг яхши одатдир. Оч қоринга сув ичганда сув ошқозонда ушланмайди ва тўғри ичакларга ўтиб кетади. Агар сув совуқ бўлса у ўз йўлидаги барча мушакларни спазм ҳолатига ўтказади. Шу жумладан ўт қопининг мушакларини ҳам. Сабаби ички органларимиз ҳарорати 37-38 градус бўлади. Ҳатто хона ҳароратидаги сув ҳам салқинлик қилади. Совуқ сув ичиб бўлгандан кейин ўт қопи мушаклари спазм ҳолатига ўтади, лекин яна маълум вақтдан кейин спазми тарқайди. Аммо биз яъна совуқ сув ичгимиз келиб қолади айниқса ёз кунларида. Ўт қопи мушаклари энди бўшашганда яъна мажбурий спазм ҳолатига ўтади. Бу эса ўт қопининг нормал фаолиятига, ўт ажралишининг камайишига, ўт қопи димланиб холестицит ва тош пайдо бўлишига, яхши ўт суюқлиги ажралмаса ичакларда қабзият вужудга келишига сабаб бўлади. Доимо илиқ сув ичсангиз ҳазм тизими маромда ишлашига шароит яратган бўласиз.

@doctor_Muminov Ochish/sharhlash

2022-03-18 11:03:16 ​​Сўнги вақтларда урфга кираётган коллаген ичиш терини ростдан ҳам ёшартирадими?

Албатта ҳамма ҳам терисининг соғлом ва эластик бўлишини, унга ажинлар тушмаслигини хоҳлайди. Натижада фармкомпаниялар коллагенлар сотувини йўлга қўйди. Маркетинг жуда яхши олиб борилмоқда. Бунинг таъсири остида баъзи коллаген ичаётганлар гўёки терисининг эластиклиги ошиб бораётганини ҳис қилишади.

Лекин биласизми бу фақат Плацебо эффекти бўлиши мумкин. Кўплаб нуфузли халқаро илмий нашрлар коллаген ичиш бўйича тадқиқот натижаларини бериб боради. Натижалар эса ушбу амалиётнинг фойдасиз эканлигини кўрсатмоқда. Пулингизни бекорга сарфламанг, афсона ёки маркетинг манипуляцияларига эмас илмий тадқиқот ва фактларга ишонинг!

@doctor_Muminov Ochish/sharhlash

2022-03-18 09:49:21 Ochish/sharhlash

2022-03-18 09:41:38 Очлик гормони ҳақидаги мақолам.

Батафсил...

@doctor_Muminov Ochish/sharhlash

2022-03-17 23:49:38 Channel photo updated Ochish/sharhlash

2022-03-17 20:20:40 Ochish/sharhlash

2022-03-17 19:53:29 Маиший кимёдан воз кечинг

Кейинги вақтларда маиший кимё ҳаётимизга шиддат билан кириб келди. Ҳатто мен ёшлигимда, яъни яқин ўтмишда ҳам бунақа нарсаларни деярли ишлатмасдик. Бугун ҳар бир хонадон идиш-товоқларни ювиш учун турли хилдаги гел ва кукунлардан фойдаланмоқда. Маслаҳатим булардан бутунлай воз кечинг. Сиз минг марта ювсангиз ҳам улар идиш юзасидан кетмайди. Улар чиқарадиган гўёки софлик ҳиссини берадиган ҳид эса йиллар ўтиб баъзиларда аллергия чақиради. Ҳар сафар ювилганда идиш юзасида қолиб кетадиган қолдиқ кимёвий моддалар эса овқат билан ошқозонга тушади. Эҳтимол йиллар ўтиб ушбу тўпланаётган моддалар бирон хаёлга ҳам келмайдиган жиддий касалликларни чақириши мумкин. Чунки улар канцероген моддалар бўлиб, яъни онкология билан боғлиқ.

Аслида жаҳон стандартларида ҳам тозаловчи воситаларда ушбу моддаларнинг миқдорини 5% дан оширмаслик қатъий белгиланган ва ишлаб чиқарувчилар доимий огоҳлантириб келинади. Лекин мен бу қоидага ҳамма ишлаб чиқарувчилар амал қилишига шахсан ишонмайман. Чунки мен юқорида айтган моддалар қанча кўп қўшилса уларнинг тозалаш хусусияти шунча ошиб боради. Бу эса ишлаб чиқарувчиларни уз маҳсулотига кўпроқ миқдорда қўшишга рағбатлантиради. Ахир кимга ҳам ёқади палон бренднинг маҳсулоти ёғни яхши кетказмаскан деган гап. Ундан ташқари ушбу маҳсулотлар "ходовой" бўлгани учун қўлбола усулда таёрлайдиган жуда кўплаб назоратдан ташқаридаги "ишлаб чиқарувчилар" бор.

Нима қилиш керак?

Идиш -товоқни ошхона раковинасида эмас, балки каттароқ тоғорада ювишга ўрганинг. Биринчидан глобал муаммога айланаётган ичимлик сув тақчиллигига ўз ҳиссангизни қўшасиз. Иккинчидан тоғорага идиш-товоқ ювиш учун эритма таёрлаб олиш осон. Сода + хўжалик совуни+ лимон + иссиқ сув. Ёғи кўп идишлар учун бироз сирка ёки глицерин қўшиш мумкин.

Қишлоқдаги аёллар учун ўтин ёнгандан кейин қоладиган кул ҳам яхши вариант. Чунки кул таркиби поташдан иборат. Поташ бу сода билан жуда яқин. Қолаверса кул таркибида гигроскопик моддалар ва минераллар ҳам бор. Улар ёғни ўраб олишда фаоллик кўрсатади. Бу эса самарали ювишга ёрдам беради.

@doctor_Muminov Ochish/sharhlash

2022-03-17 18:48:16 Юқоридаги постга қўшимча.

Совуқ сувли душ қабул қилиш фақат СОҒЛОМ одамлар учун тавсия қилинади. Шамоллашга мойил нозик одамлар ёки айни вақтда шамоллаш ҳамда бирон сурункали касаллик ўтказаётганлар учун мутлақо тавсия этилмайди. Сув ҳарорати дастлаб сизга мос келадиган илиқ бўлсин, кейин секинлик билан ҳар 2-3 кунда оз-оздан пасайтириб келасиз. Минимал +5 градусгача мумкин. Муолажани йил давомида олиб бориши керак. Муолажадан мақсад ҳаётийлик тонусини ошириш, энергия тўплаш, организм нозиклашишига йўл қўймаслик, мавсумий шамоллаб қолишларга барҳам бериш., яхши кайфият берувчи гормонлар синтезини рағбатлантириш.

Савол туғилиши мумкин. Дастлаб танани илиқ сув билан мослаштириб олиб, кейин совуқ душ қабул қилиш керакми ёки бирданига совуқ сув қабул қилиш керакми. Иккаласи ҳам мумкин. Лекин ҳақиқий энергия ва эффект олмоқчи бўлганлар бирдан совуқ сувли душ қабул қилаверсин. Душ қабул қилиш давомийлиги 5 дақиқадан 30 дақиқагача давом этиши мумкин. Музли ванна ҳақида кейинги постларда гаплашамиз.

Нозик одамлар ёки шамоллашга мойиллар нима қилсин?

Ушбу муолажани ёз ойида бошласин. Ҳеч қачон танангиз нозиклашиб боришига йўл қўйманг. Нозиклашиш бу сояда ўсаётган ниҳолдай гап. Айниқса бу гап шаҳарда яшайдиганлар учун. Акс ҳолда 40 дан кейин касалликлар ёпишишни бошлайди, тана касалликларга яхши кураша олмай қолади. Ҳаёт эса курашдан иборат.

Танани тарбиялашнинг миллионта усули бўлса, юқоридаги муолажа шулардан бири.

@doctor_Muminov Ochish/sharhlash

2022-03-15 13:52:43 Эрталаб туришга қийналаман деганлар учун.

Баъзан уйқу етарли бўлса ҳам эрталаб туриб олишга қийналамиз. Сабаби энергия етишмайди. Энергия етишмаслик сабаби танамизнинг ҳар бир ҳужайраси яхши кислород билан тўйинмаяпти. Энергия олмоқчимисиз унда эрталаб совуқ душ қабул қилинг. Чунки эрталабдан бундай ташқи зарбани кутмаган организм бутун танадаги ҳужайраларни тезликда кислород билан таминлаш шартлигини юракка юклайди. Юрак эса ўпкага топшириқ беради. Шу билан ҳамма ҳужайра актив ҳолатга ўтади. Иш фаолиятингиз каррасига ошади. (Тажрибада синаб кўрилди) Бу тажрибани 90% одам қилишга ботина олмайди. Ҳеч бўлмаса юзни ва бўйиннинг орқасини совуқ сув билан ювиб кўринг, эффектини кўрасиз.

Айтганча амалиёт фақат юрак-қон томир муаммолари йўқлар учун.

@doctor_Muminov Ochish/sharhlash