2022-08-14 08:12:24
Ассалому алайкум Дайди ўқ админлари, сизнинг каналингизга яқинда аъзо бўлдим. Тўғриси менга таскин берадиган шундай канал шундай гуруҳларни излаб юргандим.
Мени исмим Ҳилола 23 ёшдаман, икки нафар фарзандим бор. 4 йил олдин, аниқроғи 2017 йил Қўқонлик Бахтиёржон деган бир соқолтой намозхон йигитга кўнгил бериб, ота-оналаримиз розилиги билан исломий туй қилиб турмуш қургандик.
Ўзим замонавий бўлганим сабабли динни жуда чуқур англамасамда номаҳрамдан ўзимни тийиб, эримнинг ота-онаси ва яқинларининг хизматида бўлиб келдим. Гарчи хизматкордан баттар хўрлансамда, бу ишларни бажаришни фарз деб буйнимни эгиб келдим.
Хўжайним биринчи марта ҳеч бир сабабсиз талоқ қуйганларида уйдан кетгим келмади. Жаҳл устида айтилган талоқ деб 2-3 кун юравергандим, иккинчи марта талоқлаб ташладилар, ортиқча чидолмай катта қизим Мубинани етаклаб аямларникига кетдим.
Оиламиз зиёли оила бўлгани учун Дадамиз ор-номусга чидай олмай келин бўлиб тушган хонадонимга бориб, тавба-таззару қилибдилар. Куёв ёшлик қилган бўлса қайта никоҳлаб бирга яшашимиз мумкинлигини айтиб тушунтиргандек бўлибдилар.
Қайнанам ва қайнагичиларим келиб опкетишди. Кўча бошидаги масжид муаззини келиб никоҳ ўқиб кетди. Мени ҳижобга киришим шартланди. Яна бирга яшай бошладик. Эрим ўзини тақводор тутсада, айрим қилиқларидан ёқамни тишлаб ҳайрон бўлар эдим. У доим ҳаёсиз, бузуқ кинолар кўриб ўзини қондириб юрарди. Мен ўзим ишқий муносабатларни унчалик тушунмасам ҳам мани турли хил айтиб бўлмайдиган ишларни қилишга мажбурларди.
Бир тунгги ҳангомани айтсам ҳайратдан ёқа ушлайсиз. У менга мен сени яна бир бор талоқ қўяман, ўшанда кимдир билан қўшилиб опытный бўлиб қайтасанда яна никоҳимга олиб яшайвераман дейди. Ўшанда иккинчи фарзандим Абу Зоҳирни эмиза тургандим. Сапчиб ўрнимдан туриб кетдимда бақира кетдим. Наҳот эркак ўз хотинини бошқага қўшишни уйласа-я, эркакмисан ўзи дея бақириб ташладим.
Бу ҳаммаси уюштирилгандек секунд ўтмай қайнонам тўғри ётоқхонамизга кириб келдилар (айтмоқчи улар ҳам ҳижобдалар) вазиятни билиб билмай мани уриб кетсалар денг. Нима эмиш сен мени ўғлимни талабини бажармай гуноҳ қилаяпсан. Ўғлимга бошқасини обераман “беролмасанг” бўшат уйни деб ҳайдашга тушишди.
Икки норасида болам, катталарнинг ярим тундаги бақир-чақирларидан шокка тушиб йиғлашни бошлашган. Бу она-ўғиллар на болаларни на маҳалла куй олдидаги шармандачиликни уйлашди. Камига қайнота ҳам кириб азалдан ёқмасди бунинг суюқоёқ манга деб ташлаб қолсалар бўладими ?
Чидолмадим аямга телефон қилдим, уйдагиларим такси ёллаб келишди. Кетиш учун нарсаларни йиға бошласам. Эрим дадамга наглый туҳмат қилиб, қизингиз ортиқча нарсалар ҳоҳлаяпти тўшакда, мен буни талабларига лойиқ инсонмасман деди.
Дадам чидай олмай собиқ хўжайнимнинг юзига мушт туширдилар. Катта тўполон бўлиб кетди. Милисалар келишди. Дадамни олиб кетишди. Хўжайним ўзини ҳушдан кетганга соволдила. Дўхтирлаям келишди. Ҳаммасини сан бошладинг деб мани талаб кетишди. Ишонаяпсизми, мурғак гўдаклар қаршисида намозни канда қилмайдиган 5-6 та катталар ит-мушук бўлиб урушишди.
Ҳеч нарсани уйламай болаларни жанжалдан нари қилмоқчи бўлдим, болаларни ҳар томонга судраш бошлангач, бақир-чақир қилиб ёрдамга чақирдим, қўшнилар чиқишиб менга болаларимни олиб беришдида кетқизворишди.
Дадамни суд қилишиб 1 ҳафтага қамаб қуйишди. Чиққанларидан сўнг мени қонуний загсим бўлмагани учун ҳеч нарсага даъво қилолмай юрибмиз. Аслида қутилганимизгаку шукрдамиз лекин йўқотилган вақт обруй ва қадр учун йиғлардик ҳар кун
Роса стрессларда қолиб, касал бўлиб қолдим, болаларимга қарашга ҳам кучим етмасди. Кунлардан бир кун дайди ўқ каналига кўзим тушиб қолди. Каналингизга аъзо бўлгач, сирти мусулмон ичи шайтон бўлганлар кўп эканини гувоҳи бўлиб бораяпман. Афсусландим ёшлик қилиб ўқимасдан чет тилини ўрганмасдан ҳижобга кириб кетганимга, гулдек ёшлигимни қандайдир бетайин соқолтойнинг хурмача қилиқларига чидаб ўтказганимдан йиғлаб сиқилдим.
Каналингиз менга кўп мотивация берди. Мени тамомила ўзгартириб кўзимни очди. Дунёни қайта рангли нигоҳда кўра бошладим. Ҳозир супермаркетга продукталарни қадоқловчи бўлиб ишга кирдим.
4.3K viewsedited 05:12