yoza olganlarim

2022-12-28 22:00:12 #qaynoqqina

O'kinch

Qani ortga qaytib, bir zum qolsaydim,
Hayotim boshidan boshlay olsaydim,
Barchasi arzimas narsa ekanin
Avvalroq bilsaydim, avval bilsaydim.

Bermasdim ko'nglimni bag'ri toshlarga,
Ko'zlarim to'lmasdi achchiq yoshlarga,
Qo'shilib yurmasdim go'l, beboshlarga,
Onamning qanoat-sabrin bilsaydim,
O'zimda borini qadrin bilsaydim...

Bir parcha yer uchun talashmas edim,
Onamning duosin alishmas edim,
Qalbimda borini bo'lishmas edim,
Onam yelkasiga boshim qo'ysaydim,
Bolalik davrimga qaytib qolsaydim..

Nafsimni tiyardim, ko'zlarimni ham.
O'tkinchi inson, deb, chekmasdim alam.
Ko'rganim bitardim, qo'limda qalam,
Umrimning boshiga bora olsaydim,
Otamning kulgusin ko'ra olsaydim...

Shukur qilar edim har bir onimga,
Nopokni yo'latmas edim yonimga,
G'ubor tegirmasdim murg'ak jonimga,
Gunohlarim yerga tashlay olsaydim,
Men ham fozillardek yashay olsaydim...

Besh kunlik dunyoga qilmasdim havas,
Bu iflos dunyoda olmasdim nafas,
Indamay turmasdim, ko'rganda g'araz,
Borini boricha ko'ra olsaydim,
Hammangizni tashlab, ketib qolsaydim...

@realseva Ochish/sharhlash

2022-12-12 10:12:02 Qor yog'adi, laylak qor,
Xuddi laylaklar uchar.
Ona zamin qorlarni
O'z bolasidek quchar.
Daraxtlar ko'z-ko'z qilib
Oq ko'ylagin ko'rsatar.
Laylaklar xursand bo'lib
Qo'nishadi har safar.

#2016

@realseva Ochish/sharhlash

2022-12-09 19:40:49 Seva, Realseva, Sevinch - kim o'zi?

Batafsil ma'lumot istaysizmi?

Boshladik, ushbu blog asoschisi, mashhurlik qozonmagan havaskor shoira - men.

Yoshim 16-18 oralig'ida. 30-may kuni tug'ilganman (tabriklar kutaman))).

O'zbekiston Respublikasi, Toshkent va Samarqand viloyatidanman, desam to'g'ri bo'ladi.

Tibbiyot va psixologiya qiziqtiradi. Tillardan esa rus, ingliz, yapon... sanasam ko'p. Post yozadigan darajada faqat rus va o'zbek tilini bilaman. Ingliz tili - o'rganish jarayonida. Qolganlari keyingi rejalarim.

Qiziqadigan fanlarim aniq, tibbiyot poydevori bo'lmish - biologiya va kimyo.

Blog yuritishdan asosiy maqsad - odamlarga ozgina bo'lsa ham foyda tegishi. Postlarim kimgadir manfaat keltirsa, xursand bo'laman.

Yangi do'stlar orttirishga qarshi emasman. Insonlardagi samimiylik, yumor tuyg'usi yoqadi. Hayotda maqsadi yo'q, yashayotgan kunlari bir xil va zerikarli odamlar bilan deyarli suhbat qura olmayman.

Ambivert - introvert va ekstravert oralig'idagi odamman. Temperamentim: sangvinik.

Realistman, hamma narsani boricha qabul qilishga harakat qilaman.

Ijtimoiy tarmoqlarda faol emasman. Faqat telegram - nisbatan ko'proq foydalanadigan tarmog'im. Auditoriyamda kitobxonlar bo'lishi quvontiradi.

O'zingizni yaxshi ko'ring, shunda sizni ham yaxshi ko'rishadi.

Qadrli insonlarim uchun, Sevinch. Ochish/sharhlash

2022-10-29 18:15:36 Bolaligim.

Tongda derazamdan mo'ralab quyosh,
Uyqu to'la, g'amgin ko'zimni ochdi.
Esimga tushgandi bolalik-bebosh,
Bir zumda ongimdan hayollar qochdi.

Quvnoq bolaligim, kulgumda edi,
Qiyqirib ko'chada ko'p chopar edik.
Tasavvurim rostdek, o'ngimda edi,
Birimiz yashinib, bir topar edik.

Beg'ubor damlarim, beg'am kunlarim,
Sog'indim barini, qaytmaydi o'tmish.
Katta hayot tomon, bedor tunlarim,
Almashtirgim kelar, kerakmas tashvish.

Onamning kulchasin isi yodimda,
Yugurib kelardim, issiq tandirga.
Qani o'sha kunlar hozir yonimda?
Sokin rangsiz hayot, ko'nib taqdirga.

Bolaligim, seni sog'indim yomon,
Qaytargin sho'x-shodon kulgularimni,
Borgim kelaverar yana sen tomon,
Yo'qotgim keladi qayg'ularimni...

@realseva Ochish/sharhlash

2022-10-28 20:33:26 Yor uchun dard tortma, arzimaskan hech Qayg'ular cheksang, men senga sherikman. Ahvolim so'rama, mayli, mendan kech Nafas olarkanman, demak tirikman. @realseva Ochish/sharhlash

2022-10-28 17:12:29 Yor uchun dard tortma, arzimaskan hech
Qayg'ular cheksang, men senga sherikman.
Ahvolim so'rama, mayli, mendan kech
Nafas olarkanman, demak tirikman.

@realseva Ochish/sharhlash

2022-10-24 18:20:24 Yana yomg'ir yog'di, osmonning dardi, Yomg'ir bo'lib yog'gan sevging tirikmi? Havoda yuvildi barglarning gardi, Holatim ma'nosiz, ruhim o'likmi? @realseva Ochish/sharhlash

2022-10-24 18:20:12 Yana yomg'ir yog'di, osmonning dardi,
Yomg'ir bo'lib yog'gan sevging tirikmi?
Havoda yuvildi barglarning gardi,
Holatim ma'nosiz, ruhim o'likmi?

@realseva Ochish/sharhlash

2022-10-22 20:43:38 Ko'rsam ko'zlaringni bir muddat jimib, Ularning qa'riga cho'kib ketardim. U yoki boshqani tanla, deyishsa, Hammani qoldirib, kechib ketardim. @realseva Ochish/sharhlash

2022-10-22 20:43:29 Ko'rsam ko'zlaringni bir muddat jimib,
Ularning qa'riga cho'kib ketardim.
U yoki boshqani tanla, deyishsa,
Hammani qoldirib, kechib ketardim.

@realseva Ochish/sharhlash