Temuriy || Blog

2023-04-26 17:26:59 O'zbekistonlik filmining ikkinchi qismi ham taqdim qilindi. Tomosha qiling.

Ochish/sharhlash

2023-04-22 18:04:59 Biz endi Temuriy'miz

Blog nomini o'zgartirishga qaror qildim va bu ish hozircha o'zimga yoqdi.

Yangi nomga to'xtalsak. Nima uchun aynan Temuriy? Bu hech kimga taqlid emas! Nom ismim va rahmatli bobom bilan bog'liq. Ular meni ko'pincha erkalab, shunday chaqirardilar.

To'g'risi ushbu "taxallus" esimdan chiqqandi. Lekin yaqinda ingliz tilidagi "speaking" mavzusi uni qayta eslatdi va yanada o'zgacha simpatiya uyg'otdi.

Xullas, now I'm Temuriy!

@Temuriy_blog Ochish/sharhlash

2023-04-22 10:52:58 @Temuriy_blog Ochish/sharhlash

2023-04-20 18:10:34 O'ta go'zal

1. Bog'chadan chiqayotgan o'g'ilcha-yu qizchalarni, ularni olib-ketishga kelgan ota-ona, yaqinlarini kuzatish – o'ta go'zal.

2. Maktabdan qaytayotgan, sumkasi o'zidan og'ir bolachalarni kuzatish – o'ta go'zal.

3. Ko'chada bobosini qo'lidan ushlab, bir nimalarni to'lqinlanib gapirib ketayotgan kichkintoylarni kuzatish – o'ta go'zal.

P.s: O'zgacha qarashlar bilan yozilgan o'ta go'zal post)

@Temuriy_blog Ochish/sharhlash

2023-04-19 16:10:40 Shunchaki

Univerda ma'ruza paytida qiziq holat bo'ldi. Bitta kursdoshim dars boshida o'tirgan joyidan, birinchi parta yaxshiroq, shu yerga o'taman deb ketdi. Lekin u joyda odatda qizlar o'tirishardi.

Ayni shu paytda ular ham yetib kelishdi. Boyagi kursdoshim endi joyimga qaytaman deguncha, sobiq partasi ham boshqa tomonidan egallab bo'lingandi.

Menimcha, nima demoqchiligimni tushundingiz!

@Temuriy_blog Ochish/sharhlash

2023-04-11 17:25:02 Xato

Qilayotgan hayotiy xatolarimizdan qo'rqmasligimiz va ulardan afsus chekmasligimiz kerak. Chunki bu har doim hammamiz bilan sodir bo'ladi.

Biz ulardan to'g'ri xulosa qilishimiz va qaytanga xursand bo'lishimiz lozim. Qilgan xatolarimizni endi farzandlarimiz takrorlamaydi, chunki ularning o'zlarini ham yangi xatolar kutyapti.

@Temuriy_blog Ochish/sharhlash

2023-04-03 03:33:18 Sen bilan gaplashaman deb yig'ib qo'ygan minutlarim bor) Ochish/sharhlash

2023-03-27 17:02:23 Tafakkur qil

Biroz tafakkur qilinsa, quyidagi oddiy gaplar aslida nima ma'no anglatishi kelib chiqadi.

1. Yuqoriga qaramasang, osmonni ko'ra olmaysan.

2. Jim tursang, faqat eshitasan.

3. Harakat qilmasang, tomosha qilasan.

4. Boshlasang, davomiga ega bo'lasan.

5. Bermasang, olmaysan.

6. Tavakkal qilmasang, erishmaysan.

7. Yotsang, uxlaysan.

8. Uchsang, oxiri qo'nasan.

9. Sevsang, sevilasan.

10. Kuch yoki miyangni ishlatsang, pul topasan.

P.s: Davom ettira olsangiz, "duvay")

@Temuriy_blog Ochish/sharhlash

2023-03-25 19:57:57 Abiturient do'stimga maslahatlarim 2

Hozir sen asosiy deb o'ylayotgan, aslida hayotingda arzimas bo'lgan imtihonga ham oz qoldi. Demak, eng muhim davrlar.

Ushbu davr barchaning hayoli chalg'ib, lanjlik va darslardan zerikish avj oladigan mavsum boshlanishi hisoblanadi. Kimki, shu damlarda o'zini qo'lga olib, doimgidek tempda davom etsa, o'zi kutgan natijaga erishishiga ishonaman.

Ko'pchilik sobiq abiturientlar yaxshi bilishadi. Aynan shu bahor oxiri, yoz boshlariga yaqin ko'pchilik o'qishni birdan tashlab yuboradi. Bo'lajak g'oliblar esa aynan shu paytda yuqori darajaga chiqish uchun harakatni kuchaytirishadi.

Oxirgi xulosa doimgidek o'zingdan.

P.s: 1-qism

@Temuriy_blog Ochish/sharhlash

2023-03-19 11:37:37 Shunchaki maslahat 3

Ertalab ko'zingizni ochishingiz bilan telefondan foydalanmang. Kamida yarim soat yoki bir soatdan keyin ishlatishni boshlang.

Hali yaxshi uyg'onmagan miyaga qo'qqisdan yuborilgan har xil infolar sizni negativ va lanjlik bilan to'ldirib qo'yarkan. Bir necha marta sinaldi)

Bu esa bevosita kuni bo'yi kayfiyatingizga ta'sir qiladi. Yechim sifatida turli xil app'larni aytib tashlamayman. Shunchaki o'zingizni majburlab, buni xohish va irodangiz bilan bajara olsangiz, hech nima shart emas.

@Temuriy_blog Ochish/sharhlash