2021-01-11 18:08:31
#оффтоп
Онажон, қачон баҳоларим, димломим ҳақида ўйламайдиган ёки катталар билан баҳслашишга қўрқмайдиган қадар улғайиб улгирдим? Қандай қилиб ўзим китобларни, дўстларни, шаҳарни танлайдиган ёшга келиб қолдим? Қачондан бери, касал бўлсам, қандай дори ичиш кераклигини ёки ишдан касаллик варақасини ёздириш зарурми йўқми ўзим ҳал қиладиган бўлиб қолдим?
Онажон, қачон сиздан бўйим баланд бўлишга улгирди? Қачондан бери сиз менинг елкамдан келиб қолдингиз? Қачондан буён мен сиз ҳақингизда ҳаёлимда "кичкинагина" деб ўйлашга; сизга қўнғироқ қилиб "бирор нима керакми, олиб олайми?" дейишга; сиздан "уйга келганингизда, менга айтиб қўйинг-а?" деб сўрашга одатландим?
Онажон, қачон сиз мендан маслаҳат сўрайдиган ва мен, кўзойнакларимни тўғирлаб, сизга бир нималарни тушунтирадиган, баъзида ақлли гаплар айтадиган (чунки айрим мавзуларда мен мутахассисман) ёшга етиб қолдим?
Онажон, асли ҳаммаси кўрингани каби эмас. Ётоғим остидаги махлуқдан ҳануз қўрқаман ва шу сабабли жуда кеч ухлагани ётаман.
Кундузи эса уйқисираб юраман, нонушта қилишни унутиб қўяман ва, сиз қарамаётганингизда, овқатимни ичмай қолдириб қўяман.
Таржимон: мен
Муаллиф: Н. Чебаевская
@readnroll
162 views15:08