Bong.uz I Расмий канал

2022-09-01 07:59:42 #талқин

Қадимги Хитойликлар тинч-омонликда яшашни истаганларида, "Хитой деворини" барпо этганлар. Бу девор мустаҳкам, баланд ва ишонарли ҳимоя воситаси эди.

"... Ҳеч ким бостириб кела олмайди, бизга ҳужум уюштира олмайди, ошиб ҳам кира олмайди" дея эътиқод қилганлар. Лекин, "Девор" барпо этилган аввалги юз йилдаёқ, уч бора ҳужумга дуч келдилар. Қуруқлик орқали келган душманларнинг ҳеч бири, бу "Девор"ни ағдариб ёки ёқиб юборишмади, ўғирликча ошиб ҳам киришмади.

Балки, ҳар сафар "Девор" қўриқчиларига пора бериб, эшикдан кириб келаверганлар. Хитойликлар "Буюк Девор" барпо этиш билан машғул бўлдилар-у, аммо ишончли қўриқчи инсон барпо этишга эътибор қаратмадилар.

"Ҳимоянгиз қанчалар мустаҳкам бўлмасин, сиз суянган кишилар ишончли бўлмасалар, ҳимоя қўрғонингиздан наф йўқдир..." Ochish/sharhlash

2022-08-27 12:47:43 #диққат

Энди ID-карта ва “загранпаспорт” фуқаронинг уйигача етказиб берилади — қонун лойиҳа

Муҳокамага қўйилган қонун лойиҳасига кўра, ID-карта, “загранпаспорт”, "техпаспорт" ва автомобиль рақамларини фуқароларнинг уйига ёки унинг турган жойига етказиб бериш хизмати жорий этилади. Ochish/sharhlash

2022-08-25 19:50:53 #мутолаа_вақти

Болажоним Эндигина кўзи ёриган ёш она кучли ҳаяжонда: – Чақалоғимни кўрсам бўладими? – деб сўради. Қучоғига юмшоқ бир юргак берилди ва бахтли она чақалоғининг жажжи юзини кўрмоқ учун унинг юзини очди ва ҳайратга тушганидан тили тутилиб қолди. Она ва чақалоқни кузатиб турган дўхтир шартта орқасига ўгрилиб деразадан кўчани томоша қила бошлади. Чақалоқнинг қулоқлари йўқ эди... Таҳлиллар боланинг эшитиш қобилияти яхши экани, фақат қулоғининг супраси йўқлиги боланинг ҳуснини бузиб турганини кўрсатди. Орадан йиллар ўтди, бола мактабга чиқди. Бир куни мактабдан уйга югуриб келди ва ўзини онасининг бағрига отди. Тўлиқиб йиғлар эди. Бу унинг ҳаётидаги биринчи мазахланиши ва умидсизлиги эди: – Бир катта бола менга махлуқ деди. Болакай ана шу кемтиклик билан улғая бошлади. Уни синфдошлари яхши кўрар ва ниҳоятда зеҳни тез ўқувчи эди. Агар синфдошларига аралашиб юрганида эди, шубҳасиз, синфком бўлар эди. Аммо онаси ҳар доим унга: – Ёш болаларнинг орасига аралашмайсан, – деб тайинлар эди. Айни пайтда у қалбида теран бир ачиниш ва шафқатни ҳис қилар эди. Боланинг отаси оила дўхтири билан қулоғи хусусида сўзлашди. – Бирор нарса қилишнинг иложи йўқми? – деб сўради. Дўхтир: – Агар бир жуфт қулоқ топишнинг иложи бўлса, уни ёпиштириб қўйиш мумкин, – деди. Шундан сўнг болага қулоқларини фидо этиши мумкин бўлган бир жавонмардни ахтара бошладилар. Орадан икки йил ўтди. Бир куни отаси: – Шифохонага борасан, ўғлим, онанг иккаламиз сенга қулоқларини беришга рози бўлган бир одамни топдик. Фақат унинг кимлигини сенга айта олмаймиз – сир, – деди. Операция муваффақиятли ўтди ва бутунлай янги бир инсон қиёфаси пайдо бўлди. Янги кўринишидан руҳияти юксалган бола ўқишда ва ижтимоий ҳаётда катта ютуқларни қўлга киритди. Сўнгра уйланди ва кўзга кўринган дипломат бўлди. Орадан йиллар ўтди, бир куни отасининг олдига кириб: – Отажон, менга бу қадар катта яхшилик қилган одам ким? Мен унинг яхшилигига ҳеч қандай жавоб қайтара олмадим... – деди. Отаси: – Бирор нарса қила олишингга кўзим етмайди. Фақат жиддий шартлашганмиз, ҳали унинг кимлигини айта олмайман, вақти етмади... – деб жавоб берди. Бу сир йиллар давомида сақланди ва бир куни очилиш вақти келди. Бошига мусибат тушган кунда онасининг жонсиз танаси бошида отаси билан бирга жаноза ўқилишини кутаётган эди. Отаси мулойим ҳаракат билан онасининг бошига қўл чўзди, қаҳваранг сочларини силаб орқага таради, онасининг қулоқлари йўқ эди. Отаси: – Нега онажоним, уйда ўтирганда ҳам рўмолини бошидан олмайди, сочларига оро бермайди, деб ҳеч ўйламадингми? – дея шивирлади.


https://t.me/bonguz1 Ochish/sharhlash

2022-08-23 16:11:44 ТЕМИР МАЙККА НИМА БЎЛДИ?

Афсонавий Майк Тайсоннинг соғлиғи борасида хавотир пайдо бўлди. Ўтган ҳафтада Майами аэропортида кўпчилик Майк Тайсонни ногиронлар аравачасида юрганини кўргач, ҳар турли узун-қулоқ гаплар тарқала бошлади. Устига-устак унинг қўлидаги ҳасса ҳам 56 ёшли боксчининг соғлиғи ёмонлашганлиги ҳақидаги тахминларни кучайтирди.
Темир Майкнинг аравачадан фойдалангани акс этган суратларга боксчининг ўзи подкаст орқали муносабат билдирди:
– Табиийки, ҳар биримиз бир кун келиб ўламиз. – Кўзгуга қараб бетимни кичик қора нуқталар қоплаганини кўрганимда, “ана холос, бу менинг яроқлилик муддатим тугашига яқин қолганини англатса керак”, деб ўйлаб қолдим.
Хўш, Майк Тайсонга ўзи нима бўлди? Боксчи қандай касалликдан азият чекадики, унинг ожиз ҳолатдаги суратлари дунё бўйлаб тарқалиб кетди.
АҚШ ОАВларининг ёзишича, афсонавий боксчига белининг пастки қисмидаги радикулит азоб бераётган бўлиб, шу муаммо туфайли у икки йил аввал тўшакдан туролмай қолган ва бир неча ҳафта дам олишга мажбур бўлган эди. Худди шу муаммо уни профессионал карьерасининг охирида чарм қўлқопларини илгакка осиб қўйишга мажбур қилди.


Батафсил: https://telegra.ph/TEMIR-MAJKKA-NIMA-B%D0%8ELDI-08-23 Ochish/sharhlash

2022-08-22 05:44:26 #диққат

Тўлов-контракт асосида ўқиш учун таълим кредитларини ажратиш тартиби ҳақида биласизми?

Таълим кредитлари таълим ташкилотлари бакалавр ҳамда магистратуранинг кундузги, сиртқи ва кечки таълим шаклида тўлов-контракт асосида ўқишга тавсия этилган ёки қабул қилинган, шунингдек ўқишини кўчирган Ўзбекистон фуқароси бўлган талабаларга берилади.

Бунда, кредит олувчининг доимий даромад манбаига эга оила аъзолари (ота-онаси, ака-укаси, опа-синглиси, эри ёки хотини) ёки васийлари биргаликда кредит олувчи сифатида қатнашиши мумкин.

Таълим кредитининг асосий қарзи талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади.

Таълим кредитини олиш учун Молия вазирлигининг расмий веб-сайтида эълон қилинган тижорат банкларига қуйидаги ҳужжатлар тақдим этилади:

ариза;

тўлов-контракт шартномаси ва унга илова қилинадиган ҳисоб варақаси/фактураси (мавжуд бўлганда). Шартномада ўқишни тамомлашнинг белгиланган муддати ва бир йил учун тўлов миқдори кўрсатилган бўлиши лозим;

таълим кредити қайтарилишининг таъминоти бўйича ҳужжат. Бунда “Ижтимоий ҳимоя ягона реестри”га кирган оилаларнинг фарзандларига ажратиладиган таълим кредити бўйича гаров ва кафиллик талаб этилмайди;

“Ижтимоий ҳимоя ягона реестри”га киритилганлигини тасдиқловчи маълумотнома (“Ижтимоий ҳимоя ягона реестри”га киритилган оилалар фарзандлари учун);

биргаликда кредит олувчига тегишли маълумот.

Ҳужжатлар 5 иш кунида кўриб чиқилади.

Таълим кредити шартномаси тўлов-контракт шартномасида кўрсатилган бир йиллик тўлов суммасига тенг миқдордаги суммага тузилади.

Таълим кредити кредит олувчига Марказий банкнинг асосий ставкаси миқдорида ажратилади.

Бунда, Марказий банкнинг асосий ставкаси пасайтирилган тақдирда, таълим кредити бўйича фоиз ставкаси мутаносиб равишда пасаяди, Марказий банкнинг асосий ставкаси оширилган тақдирда эса таълим кредити бўйича фоиз ставкаси ўзгаришсиз қолади.

Мазкур тартиб:

чет эл фуқаролари ва фуқаролиги бўлмаган шахсларга;
тижорат банклари томонидан Жамғарма маблағларидан ташқари бошқа манбалар ҳисобидан бериладиган таълим кредитларига нисбатан татбиқ этилмайди.

Табақалаштирилган тўлов-контрактни ва унинг минимал миқдорига тенг бир марталик бошқа тўловларни амалга ошириш учун таълим кредити ажратилмайди.



https://t.me/bonguz1 Ochish/sharhlash

2022-08-14 09:24:45 #ибрат_соҳилларида

ҚАЛАМ ВА ЎЧИРҒИЧ

Кунларнинг бирида қалам ўчирғичга шундай дебди:
— Биласанми, ўчирғич, мен жуда афсусдаман.
— Нега? — сўрабди ажабланиб ўчирғич. — Ҳеч бир хато иш қилмадинг-ку!
— Сабаби, мен туфайли бот-бот шикастланасан, ҳамиша мен қилган хатоларни ўчирасан. Ҳар гал хатоларимни ўчира туриб, маълум бир бўлагингни йўқотасан, шу аснода кундан — кунга кичрайиб бораверасан.
— Шундайку-я, лекин мен кўриб турганингдек, шу вазифани бажариш, яъни хатога йўл қўйганингда, уни ўчириб сенга кўмак бериш учун яратилганман.

Вақт келиб тамом бўлишимни ва мени бошқасига алмаштиришингни ҳам биламан. Шундай бўлсада, ўз хизматимдан жуда бахтиёрман.

Шундай экан, кел энди, афсусланишни бас қила қолгин! Сени хафа ҳолда кўришни хоҳламайман.

https://t.me/bonguz1 Ochish/sharhlash

2022-08-13 11:47:03 Судлар ҳақида

"Қаранг, қолган барча фуқароларнинг ишга тиклаш даъволари фуқаролик судига тааллуқли бўладида, ички ишлардан бўшатилган ходимларники бошқача экан. Энг ёмони, вилоят апелляция судлов ҳайъати ҳам биринчи инстанция судининг ушбу ажримини қўллаб-қувватлаб, фуқаронинг ҳусусий шикоятини рад қилган.

Тасаввур қиляпсизми, Андижондаги фуқаролик судлари томонидан мамлакатнинг оддий бир фуқаросига хатто судда ҳимояланиш имкони берилмаган.

Ваҳоланки, Ўзбекистон Республикаси Конституциясининг 44-моддасида аниқ қилиб белгилаб қўйилган:

“ҳар бир шахсга ўз ҳуқуқ ва эркинликларини суд орқали ҳимоя қилиш, давлат органлари, мансабдор шахслар, жамоат бирлашмаларининг ғайриқонуний хатти-ҳаракатлари устидан судга шикоят қилиш ҳуқуқи кафолатланади”.


Кушербоев

https://t.me/bonguz1 Ochish/sharhlash

2022-08-13 10:38:11 #қонунчиликдаги_янгиликлар

АКТ соҳасидаги ўқув курси ўқувчилари ва битирувчилари учун истеъмол кредити ажратилади

Кеча, 12 август куни Давлатимиз раҳбари “Замонавий билим ва касб-ҳунар эгаллаш имкониятларини кенгайтириш бўйича қўшимча чора-тадбирлар тўғрисида”ги қарорни имзолади.

Унга кўра, 2022 йил 1 октябрдан нодавлат таълим ташкилотларининг ўқув курсларида ёшларнинг ахборот технологиялари соҳасида ўқиши учун таълим кредити ажратиш тизими йўлга қўйилади.

Бунда таълим кредитлари:

Марказий банкнинг асосий ставкасида (15%);
БҲМнинг 65 бараваригача 1 йиллик имтиёзли давр билан 4 йил муддатга ажратилади;

“Ижтимоий ҳимоя ягона реестри”га кирган оилалар фарзандлари учун таълим кредити олишда гаров ва кафиллик талаб этилмайди.

2022 йил 1 ноябрдан IT-парк резиденти бўлган ташкилотларнинг ўқув курсларида таҳсил олаётган ёки ушбу ўқув курсларини сўнгги 6 ойда муваффақиятли тамомлаган ёшларга компьютер харид қилиш учун БҲМнинг 25 бараваригача (7,5 млн сўмгача) истеъмол кредитлари ажратилади.

Бунда истеъмол кредитлари бўйича фоиз тўловлари Марказий банк асосий ставкасининг 1,5 бараваригача қисми Ёшларга оид давлат сиёсатини қўллаб-қувватлаш жамғармаси ҳисобидан компенсация қилинади.


https://t.me/bonguz1 Ochish/sharhlash

2022-08-13 09:06:38 Тўлиқсиз иш вақти.

Меҳнат кодексининг 119-моддасига асосан:

ходим билан иш берувчи ўртасидаги келишувга биноан ишга қабул қилиш чоғида ҳам, кейинчалик ҳам тўлиқсиз иш куни ёки тўлиқсиз иш ҳафтаси белгилаб қўйилиши мумкин.

Демак, тўлиқсиз иш вақти деганда, иш берувчи ва ходим ўртасидаги келишувга асосан белгиланган ва нормал иш вақти (хафтасига 40 соат)дан кам бўлган иш вақтининг давомийлиги тушунилади.

Тўлиқсиз иш вақтини қуйидаги турларга бўлган ҳолда, уларни бир-биридан фарқлаб олишимиз мумкин:

- тўлиқсиз иш куни: кун давомида белгиланадиган иш соати миқдори камайтирилади (масалан, беш кунлик иш хафтаси учун белгиланган кунлик саккиз соатлик иш соатлари кунлик 4 соатга);

- тўлиқсиз иш ҳафтаси: иш кунлари сони камайтирилади (масалан, беш кунлик иш ҳафтаси уч кунлик иш хафтасига камайтирилади);

- аралаш тўлиқсиз иш вақти: (яъни бу ҳолатда тўлиқсиз иш хафтаси ва тўлиқсиз иш кунлари бир пайтда белгиланади, масалан, беш кунлик иш хафтаси учун белгиланган кунлик саккиз соатлик иш вақти, уч кунлик иш хафтаси ва уч соатлик иш куни белгиланади).

Тўлиқсиз иш вақтининг энг асосий ҳусусияти шундаки, бунда ишланган вақтга ёки ишлаб чиқарилган маҳсулотга мутаносиб равишда ҳақ тўланади.


https://t.me/bonguz1 Ochish/sharhlash

2022-08-12 23:10:25 #ибрат_соҳилларида

Абу Бакр ал-Каттоний демиш:
- Тушимда беҳад гўзал бир ўспиринни кўрдим. Ундан кимлигини сўрагандим.
- Мен тақвоман, - деди.
- Қароргоҳинг қаерда? - сўрадим ундан.
- Барча маҳзун кўнгилларда, - деди.

Кўп ўтмай кўз ўнгимда қора бир хотин пайдо бўлди.
- Сен кимсан?
- Мен хасталикман.
- Истиқомат манзилинг қаерда?
- Ёлғон ҳузур-ҳаловатга банд дилларда, - деди.

https://t.me/bonguz1 Ochish/sharhlash