Bitiklarim

2021-12-20 01:34:30 КЎЧАГА ЧИҚИШДАН ОЛДИН АЙТИЛАДИГАН ДУО

Расулуллоҳ соллаллоҳу алайҳи васаллам: “Киши уйидан чиқаётганда

“Бисмиллааҳи, таваккалту алаллоҳи, ва лаа ҳавла ва лаа қуввата илла биллааҳи"

بِسْم اللَّهِ توكَّلْتُ عَلَى اللَّهِ ، ولا حوْلَ ولا قُوةَ إلاَّ بِاللَّهِ

деса, ўша пайтда унга: “Ҳидоят қилиндинг, кифоя қилиндинг ва сақландинг”, дейилади. Шайтон ундан четланади. Унга бошқа бир шайтон: “Ҳидоят қилинган, кифоя қилинган ва сақланган одамни қандай (тойдира оласан)?!” дейди”, дедилар”.
(Абу Довуд ва Термизий ривояти). Ochish/sharhlash

2021-12-19 11:50:47 Бир йигит ёш қизга уйланибди. Урфга кўра йигит дўстларини уйига чақириб меҳмон қилмоқчи бўлади. У бозордан сўйилган қўйни гўштини олиб келиб, пишириб беришини келинга буюрибди. Келин гўшт пиширишни билмаслигини айтганда, йигитни аччиғи чиқиб, келинни буюмларини йиғиштириб, менга мос эмас экан деб отасини уйига еталаб борибди. Отасига: Қизингиз бир гўштни ҳам пиширишни билмас экан, пиширишни ўргатиб қўйинглар, қачон ўрганиб бўлгандан кейин олиб кетаман, дебди.
Отаси: Майли ўғлим, икки ойга қолдириб кетақол, яхшилаб ўргатиб қўямиз, дебди. Орадан икки ой ўтиб куёв бола келинни олиб кетгани келди, ва қайнотасининг уйига кириб қараса аёли ҳар ҳил таомларни пиширишни ўрганибди, ҳурсанд бўлиб қизни олиб кетмоқчи бўлибди, шунда қизни отаси бозордан тирик қўйни сотиб олиб келиб : Қани болам, энди шу қўйни сўйиб берсанг бир қизимиз ажойиб таомлардан пишириб берса еб, олиб кетарсилар, дебди. Куёв бола умрида қўй сўймаганини айтибди, шунда қайнотаси: Отанга бориб айт! Сенга эркакликни ўргатсин! Яхшилаб қўй сўйишни ўрганиб келсанг кейин қизимни олиб кетасан, деб айтибди.

Хулоса: Аёлингни қанчалик камчилиги бўлса, уни ўзинг ошкора қилмай тўғрилашга ҳаракат қил, аввало ўзингни ҳам қараб кўр, лойиқмисан...?!
Ибратли ҳикоялар китобидан! Ochish/sharhlash

2021-08-13 01:40:37 ОНА

Бир аёл одамлар орасида боласини қаттиқ урар экан. Бола қаттиқ зарбаларга чидаб ҳеч йиғламас экан. Орадан йиллар ўтибди, одатдагидек она боласини одамлар орасида урганида, бу сафар бола қаттиқ йиғлаб юборибди...
Одамлар ажабланиб:
- Эй йигитча, олдинлари онангиз калтаклаганларида миқ этмасдингизку, нега бугун кўзларингиза ёш олдингиз? - деб сўрашибди. Йигитча йиғлаб:
- Онамнинг кексайиб қолганларини ҳис қилдим, чунки зарбалари олдингидек қаттиқ бўлмай қолдибди...

P.S.: Ота-онамизнинг қадрига етайлик! Илло, ўтаётган вақт бизларни тобора айрилиққа яқинлаштирмоқда. Ochish/sharhlash

2021-08-13 01:38:10 Бир куни ҳазрати Исо алайҳиссалом бир қўйнинг қулоғига эгилиб, пичирлаб нимадир айтдилар.
Кунлар ўтиши билан ҳалиги қўй озиб, мадорсизланиб, заифлаша бошлабди. Буни кузатиб юрган одамлар ҳайрон бўлиб Пайғамбарнинг олдиларига бориб:
- Ҳазрат, сиз бу қўйнинг қулоғига нима дегансиз, у бутунлай ҳароб бўлиб кетяпти? - деб сўрабдилар.
Шунда Исо алайҳиссалом:
- Ҳар куни сизларга айтадиганимни бир мартагина унга ҳам айтиб кўрдим, - деб жавоб берибдилар. Бу жавобдан янада таажжубга тушган оломон:
- Нима дедингиз, эй Aллоҳнинг элчиси?- деб қизиқиб яна сўрабдилар.
- Ўласан...! Ўлим ҳақ....! деб айтдим холос. У буни тушунди, лекин сизлар ҳали ҳам тушунмаяпсизлар, - деб жавоб берибдилар.

P.S.: Наҳотки, бир қўйнинг ақли етган нарсага бизники етмаяпти!? Кундан-кун дунё нафси билан семириб кетаётганимизни қаранг!i Ochish/sharhlash

2021-08-12 15:28:07 Ochish/sharhlash

2021-08-12 14:35:46 Ona shunday insonki, u hammaning o'rnini bosadi, ammo hech kim uning o'rnini bosolmaydi... Ochish/sharhlash

2021-08-11 14:59:18 Туролдилар уйқудан қолиб,
Қиёматни жазо билганлар.
Йиғласинлар дод фарёд солиб,
Бомдодларини қазо қилганлар.

Гўё кесиб томирларини,
Унутиб ҳақ амирларини.
Еб қўйдилар умрларини,
Бомдодларини қазо қилганлар.

Йўл адашган оқил сўқирлар,
Енди қандей сабаб тўқирлар.
Пешинларни йиғлаб ўқирлар,
Бомдодларни қазо қилганлар.

Гар ҳис қил қилсак кўрмоғин мавло,
Ётолмасдик қалблар ялло.
Тотимагей уйқуси асло,
Бомдодларини қазо қилганлар.

Оз рохатлик уйқу қурбони,
Энди ходий бўлмас Қурьони.
Аҳволи не уйғонган они,
Бомдодларини қазо қилганлар.

Кетгаза олмас кўнглидан доғи,
Унута олмас намоз фироғин.
Ҳақ деб билур аёл қучоғин,
Бомдодларини қазо қилганлар.

Бу нафратга мен ҳам арзийман,
Қачон нафсин ғамини йейман.
Шу он ўлиб қолмасин дейман,
Бомдодларини қазо қилганлар.

Хитобим шу кетар онларим,
Ҳазиллашманг қадирдонларим.
Тўрт маҳаллик намозхонларим,
Бомдодларини қазо қилганлар. Ochish/sharhlash

2021-08-11 14:53:38 Ҳазрати Боҳовуддин Нақшбанднинг ҳузурларига келиб:
- Бирорта каромат кўрсатинг, - деб сўрашибди.
Ҳазрат ўринларидан туриб, у ёқдан бу ёққа юрибдилар ва:
- Мана шу каромат! - дебдилар.
Ҳайрон бўлган одамлар:
- Бунинг нимаси каромат? - деб сўрашибди.
- Шунча гуноҳим бўлиб, юрганимнинг ўзи каромат эмасми!? - деган эканлар.

P.S.: Шундай валий зотлар гуноҳи кўплигини иддао қилган экан, сизу биз киммиз!? Ҳеч қачон "Юрагим тоза, гуноҳим йўқ" деманг. Шу гапни айтишнинг ўзи катта гуноҳ! Ochish/sharhlash

2021-08-11 14:52:12 Қуш тилини қуш тушунади...

Шифокорларга юборамиз! Ochish/sharhlash

2021-08-11 14:40:32 Аллоҳ сени эшитади...

Ҳеч қачон "Ёмон яшаяпман" дема. Аллоҳ сени эшитади ва айтади: "Сен ёмон яшаш нималигини билмайсан" ва сенга ёмонроғини кўрсатади...

Ҳар қандай вазиятда, нима бўлишидан қатъи назар доим "Яхши яшаяпман" деб айт. Шунда Аллоҳ айтади: "Сен яхши яшаш нималигини билмайсан" ва сенга яхшироғини кўрсатади...

Фикр қилинг!

Ибрат учун бошқаларга ҳам тарқатинг!!! Ochish/sharhlash