Bir shingil

2022-08-20 21:33:05 O'zim sal jurʼatli, tavakkalchiroq
Yoqdim koʻnglingizga tavakkal chiroq.

Xayrulla Hamidov Ochish/sharhlash

2022-08-19 15:16:20 Mohiyat anglansa, to‘qima obrazlarga ham ehtiyoj qolmaydi. Ochish/sharhlash

2022-08-19 14:56:21 ​Aytib qoldi:
- "Bir narsaga hayronmanda, nega rus adabiyotida, ayniqsa Dostoyevskiyda faqatgina DIN barcha muammolarning yechimi sifatida ko‘rsatiladiyu, bizning adabiyotimizda buning aksi".

Bir arava qilib javob berish mumkin. Bir hovuch qilib aytganda esa:
- Bichilgan adabiyot mohiyatni anglamaydi. Ochish/sharhlash

2022-08-18 08:12:10 Qalbga ilm berilmasa, o‘ladi

Fath Musaliy: «Kasalga obu taom berilmasa, o‘ladimi?» deb so‘radilar. Atrofdagilar: «Ha, o‘ladi», deyishdi. Aytdilar: «Qalbga ham uch kun ilm berilmasa, o‘ladi».

Darhaqiqat, shayx Musaliy rost gapirdilar. Zero, jasadning ozig‘i taom bo‘lganidek, qalbning ozig‘i va hayoti manbai ilmu hikmatdir. Kim ilmni boy bergan bo‘lsa, uning qalbi kasaldir, u qalb o‘limga mahkum, lekin o‘zi sezmaydi. Jarroh tig‘ini bemor kuchli qo‘rqinch tufayli sezmagani kabi, qalbning ham dunyoga muhabbat qo‘yishi va u bilan mashg‘ul bo‘lib qolishi undagi sezgi va qobiliyatni yo‘q qiladi. Qachonki o‘lim yetib, dunyo mashaqqatlari ustidan tushgan paytda o‘zini o‘zi halok qilganini his etadi, qattiq hasrat-nadomat chekadi, lekin u foyda bermaydi. Bu holat mastga mastlik paytida, qo‘rqqan kishiga xavf-xatar vaqtida yetgan jarohat alamini o‘ziga kelganda va xavf uzoq bo‘lganda sezgani kabidir.

Imom G‘azzoliy. "Ihyou ulumid-din" Ochish/sharhlash

2022-08-17 22:35:48 O‘lchoving qiyshiq bo‘lsa aqlingdan o‘pkalama. Ochish/sharhlash

2022-08-17 22:18:59 Islom deyilganda xayoliga birinchi bo‘lib "mehrobdan chiqqan chayonlar" keladigan insondanda tor fikrlisi bormi?

Sen Islomdan yechim izlasang, haqiqat izlasang asliga qara, mohiyat bulog‘iga qara, saodat asriga qara, ildizlariga qara, asl shaxslariga qara.

Mavlono aytganidek "...poklikdan nasibangni ol. Burningni go‘ngga tiqib, go‘ngqo‘ng‘izga aylanib qolma!" Ochish/sharhlash

2022-08-17 21:45:45 "Mehrobdan chayon" mutolaasi davomida yana bir fikr keldi:

Aksar vatandoshlar tafakkurida din xizmatida bo‘lgan, imom domlalarimiz haqidagi fikrlari qotib qolgan. Kitoblarda o‘qigan, tarix darslarida eshitgan, avvalgi siyosiy rejimlarning mafkurasining xosilasi o‘laroq salbiy tushunchalar shakllanib qolgan. Va ayniqsa kitobxon do‘stlarimizda bu yaqqol ko‘zga tashlanadi. Zero, ijobiy obrazda keltirilgan namunalarimiz juda-juda kam, faqat og‘ishgan shaxslar yoritilgan. Natijada na saodat asridan, na bugungi jarayonlardan bexabar insonlar "qora namunalar" bilan yashab yuribdi.

Bir mamlakatni parokanda qilish uchun ularning imomlari va rahbarini xalq zehniyatida behurmat qildirish kifoya.. Ochish/sharhlash

2022-08-17 21:03:23 "Mehrobdan chayon"da ham qullikka tushib qolish sabablari yetarlicha keltirilgan deyiladi.
Sabablardan xulosa qilsak bizni mustamlaka qilishga hojat qolmagan ekan. Nafsimizga mustamlaka bo‘lib bo‘lgan ekanmiz. Mahv uchun shu yetib ortadi. Zotan, nafsiga qullar bilan shaytonning ham ishi bo‘lmaydi. Ularning halokati uchun nafsi kifoya... Ochish/sharhlash

2022-08-17 20:48:28 "Mehrobdan chayon" romanini o‘qish jarayonida mana bu hikoyat yodga tushdi. Ochish/sharhlash

2022-08-17 06:19:57 To‘ylarga ketadigan pulga kitob olib, oshlarga ketadigan vaqtga kitob o‘qib yuribman. Osmon uzilib yerga tushmayapti. Ochish/sharhlash