“Исломобод” жоме масжиди

2022-08-30 14:01:39 СПИРТЛИ ИЧИМЛИКЛАРНИ ЕТКАЗИБ БЕРИШ
#қисқа_савол_жавоблар

CАВОЛ: Мен бир кафеда официантлик қиламан. У ерда турли хил спиртли ичимликлар ҳам сотилади. Мен фақат уларни мижозларга етказиб бераман. Гуноҳкор бўлиб қолмайманми?

ЖАВОБ: Бисмиллаҳир Роҳманир Роҳим.
«Расулуллоҳ саллаллоҳу алайҳи васаллам хамр(ароқ) борасида ўн кишини лаънатладилар: уни сиқувчисини, сиқишни буюрганни, ичувчисини, етказиб берувчисини, етказиб берилган кишини, қуйиб берувчисини, сотувчисини, пулини сарфловчисини, сотиб олувчисини ва сотиб олиб келиб берувчисини» (Термизий ва Абу Довуд ривоят қилганлар). Демак, ташувчи ҳам гуноҳкор бўлади. Шунга кўра мусулмон одам бундай ишларда ишламаслик керак. Валлоҳу аълам.

Telegram | Facebook | Youtube Ochish/sharhlash

2022-08-30 12:00:45 ОДАМНИНГ ҚАЙТ ҚИЛИШИ ГИЛАМНИ НОПОК ҚИЛАДИМИ?
#қисқа_савол_жавоблар

CАВОЛ: Катта одамнинг қайт қилиши гиламни нопок қиладими ёки фақат чақалоқларники нопок қиладими?

ЖАВОБ: Бисмиллаҳир Роҳманир Роҳим.
Қайт қилган шахс ёш ёки қари бўлишидан қатъий назар агар оғиз тўла қайт қилса у нажосат ҳисобланиб, теккан жойини нопок қилади. Агар оғиз тўла бўлмаса, у нажосат ҳисобланмайди ва теккан жойини нопок қилмайди.

Уламоларимиз томонидан қайтда оғиз тўла бўлишининг чегараси уни оғизда ушлаб тура олмаслик билан белгиланади. Баъзи ўринларда эса уни “Оғиздан чиқариб ташлашдан бошқа чора қолмаган”лик билан изоҳланган. Валлоҳу аълам.

@bekobodislomobod Ochish/sharhlash

2022-08-30 10:01:09 «ҚЎШНИЧИЛИК ҲАМ СОТИЛАДИМИ?»

Муҳаммад ибн Жаҳм ҳовлисини эллик минг дирҳамга сотувга қўйди. Ҳовлини сотиб олиш учун харидорлар келганда уларга: «Саъид ибн Оснинг қўшниси бўлиш учун қанча пул берасизлар?» деди. Харидорлар: «Қўшничилик ҳам сотиладими?» дейишди. Муҳаммад уларга: «Сўрасанг берадиган, сўрамасанг ўзи келиб хабар оладиган, ёмонлик қилсанг, яхшилик қайтарадиган одамга қўшни бўлиш қандай қилиб сотилмасин?» деди. Бундан хабар топган Саъид ҳовлини сотмасликни сўраб, қўшнисига юз минг дирҳам жўнатди.

Telegram | Facebook | Youtube Ochish/sharhlash

2022-08-30 09:01:30 Қўшничилик одоблари

Шариф домла Назаркулов

Telegram | Facebook | Youtube Ochish/sharhlash

2022-08-30 08:30:10 ОЗДИРАДИГАН ПРОТЕИНЛАРНИНГ ҲУКМИ ҚАНДАЙ?
#қисқа_савол_жавоблар

CАВОЛ: Оздирадиган протеинларни шариатда ҳукми қандай? Ҳалолми ёки ҳаромми?

ЖАВОБ: Бисмиллаҳир Роҳманир Роҳим.
Агар оздирадиган дори таркибида шариатимиз ҳаром қилган нарсалар бўлмаса ҳамда бу дори инсон саломатлигига салбий таъсир қилмайдиган бўлса, озиш мақсадида уни истеъмол қилишга динимиз рухсат беради. Лекин ҳар ишда мўътадиллик яхши, дорилар воситасида заифлик ва касаллик даражасида озиш жоиз эмас. Валлоҳу аълам.

@bekobodislomobod Ochish/sharhlash

2022-08-30 08:00:50 ЁМОН ҚЎШНИ

Абу Ҳурайрадан ривоят қилинади:
"Набий соллаллоҳу алайҳи васалламнинг дуоларида орасида "Аллоҳим! Мен сендан у дунёда ёмон одамга қўшни бўлишдан паноҳ тилайман. Чунки бу дунёдаги қўшнини ўзгартирса бўлади", дейилгани ҳам бор эди".
Шарҳ: Бу дунёдаги қўшнини ўзгартирса бўлади, лекин у дунёдаги қўшнини ўзгартириб бўлмайди. Шунинг учун ҳам ёмон қўшнидан паноҳ сўралар экан. Қўшнининг ёмон бўлиши кишининг бадбахтлигидан бир аломат экан, чунки унинг ёмонлиги сабабли қўшниларда туну кун ҳаловат йўқ, ҳаётлари уриш-жанжал, хавф-хатар, кўнгилсизлик билан ўтади.
Абу Мусодан ривоят қилинади:
"Расулуллоҳ соллаллоҳу алайҳи васаллам: "То кишилар қўшнисини, ака-укасини, ота-онасини ўлдирмагунча, қиёмат бўлмайди", дедилар".
Шарҳ: Демак, қўшничилик алоқаларининг ёмонлашиши ҳам қиёматнинг яқинлашиш аломатларидан бири экан.
Қўшниларнинг бир-бирини ўлдириши, боланинг ўз ота-онасини, ака-укасини ўлдириши қиёмат-қоим яқинлашганининг аломатларидан экан, Шунинг учун ота-она, ака-ука, ёр-биродар, қўни-қўшнилар билан ниҳоятда яхши муносабатда бўлишга ҳаракат қилиш лозим.
Ушбу ҳадисдан олинадиган фойдалар:
1. Қўшнисини ўлдириш қиёмат аломатларидан бири экани.
2. Ака-укасини ўлдириш қиёмат аломатларидан бири экани.
3. Ота-онасини ўлдириш қиёмат аломатларидан бири экани.

"Одоблар хазинаси" китобидан.

Telegram | Facebook | Youtube Ochish/sharhlash

2022-08-30 07:42:02 Фиқҳ

Жумъанинг фарзлиги ҳақида

Шариф домла Назаркулов

Telegram | Facebook | Youtube Ochish/sharhlash

2022-08-30 07:00:00 «Агар...»ли уй

Бир одам уй излаётганди. Дўстларидан бири уни ўз маҳалласидаги вайрона уйга олиб борди. Дўсти:
— Агар бу уйнинг шифти бўлса, менга қўшни бўлиб яшардинг. Агар бирор хонаси бўлса, бола чақанг билан осойишта яшардинг, дея узоқ вақт «агар» деб суҳбатлашди.
— Ҳа, дўстларга қўшни бўлиб яқин уйда яшамоқ яхши, фақат «агар»
деб яшаш билан ҳеч нарсага эришиб бўлмайдида, деди уйга талабгор киши.

Telegram | Facebook | Youtube Ochish/sharhlash

2022-08-30 06:00:39 #Савол_жавоб

29.08.2022
Жасурбек домла Раупов
Тошкент вилояти бош-имом хатиби

Дўстларингизга ҳам улашинг:
https://t.me/joinchat/TXClmaP9atBFLzxn Ochish/sharhlash

2022-08-30 05:30:19 Каналга уланиш учун !

Telegram | Facebook | Youtube Ochish/sharhlash