behruzreads

2022-12-28 18:01:22 ​​2023-yil uchun kitoblar roʻyxati:

1. «Boshpana», Uilyam Folkner (Sanctuary by William Faulkner).
2. «Hiyla-22», Yozef Heller (Catch-22 by Joseph Heller).
3. «G’azab Shingillari», Jon Steynbek (The Grapes of Wrath by John Steinbeck).
4. «Jannatdan Sharqda», Jon Steynbek (East of Eden by John Steinbeck).
5. «Snuff», Chak Palanik (Snuff by Chuck Palahniuk).
6. «Noldan Kam», Bret Iston Ellis (Less Than Zero by Bret Easton Ellis).
7. «Ari Zavodi», Ian Banks (The Wasp Factory by Iain Banks).
8. «Dasht Bo’risi», German Gesse (Steppenwolf by Hermann Hesse).
9. «Uyqudagi Odam», Jorj Perek (A Man Asleep by Georges Perec).
10. «Chempionlar Nonushtasi», Kurt Vonnegut (Breakfast of Champions by Kurt Vonnegut.
11. «Pashalar Hukmdori», Ulliam Golding (Lord of the Flies by William Golding).
12. «Yarim Tun Bolalari», Salmon Rushdiy (Midnight’s Children by Salman Rushdie).
13. «Siddharta», German Gesse (Siddhartha by Hermann Hesse).
14. «Meni Plintus Ortiga Dafn Eting», Pavel Sanayev (Похороните меня за плинтусом - Санаев).
15. «Doktor Jivago», Boris Pasternak (Доктор Живаго - Борис Пастернак).
16. «Mayoq Tomon», Virginiya Vulf (To the Lighthouse by Virginia Woolf).
17. «Fokus Pokus», Kurt Vonnegut (Hocus Pocus by Kurt Vonnegut).
18. «Oʻlim To’shagida», Uilyam Folkner (As I Lay Dying by William Faulkner).
19. «Martin Iden», Jek London (Martin Eden by Jack London).
20. Va boshqalar.
@behruzreads Ochish/sharhlash

2022-12-26 17:39:49 ​​2022-Yil Sarhisobi

Koʻngil qoldirganlar:
- «Kova Tropiki», Genri Miller (Tropic of Capricorn by Henry Miller). Undan koʻra uning «Qisqichbaqa Tropik» ini (Tropic of Cancer) oʻqigan afzal.
- «Kulgu va Unutish Kitobi», Milan Kundera (The Book of Laughter and Forgetting). Undan koʻra uning «Xayrlashuv Valsi» (The Farewell Waltz) va «Borliqning Chidab Boʻlmas Yengilligi»ni (The Unbearable Lightness of Being) oʻqigan afzal.
- «Soʻqirlar Shahri», Xose Saramago (Blindness by José Saramago). Undan koʻra uning «Iso Injili»ni (The Gospel According to Jesus Christ) oʻqigan afzal.

Oʻqishga Shubhasiz Arziydiganlar:
- «Sofining Tanlovi», Uilyam Steyron (Sophie's Choice by William Styron).
- «Biz», Yevgeniy Zamyatin (Евгений Замятин - Мы).
- «Atlant Qaddini Rostladi (Birinchi Kitob "Ziddiyatsizlik")», Ayn Rend (Atlas Shrugged - Non-Contradiction by Ayn Rand).

Yil Kashfiyoti:
Bu Kurt Vonnegut. «Uning Mushuk uchun Belanchak» (Cat's Cradle) va «5-Raqamli Qushxona, yohud Bolalar Salb Yurishi» (Slaughterhouse-Five, or, The Children's Crusade) ni qayta va qayta oʻqish mumkin.

2022-Yilning Eng Yaxshi Kitobi:
Bu Tatyana Tolstayaning «Slinks» asari (Татьяна Толстая - Кысь). Kamdan kam kitob bir vaqtning oʻzida ham kuldira, ham tushkunlikka tushira oladi.
@behruzreads Ochish/sharhlash

2022-12-24 21:06:56 ​​«Frenni va Zuyi», J. D. Selindjer (Franny and Zooey by J. D. Salinger)

Koʻp qatori men ham, uyat boʻlsada Selindjer ijodidan shu vaqtga qadar faqat bitta kitobni, «Javdardagi Tutqich»ni (The Catcher in the Rye) o’qigan edim.

Har qanday maʼlumot tarqatuvchi manba kabi kitoblar ham passiv va aktiv ravishda isteʼmol qilinadigan turkumlarga ajratilinishi mumkin. Bu toifalanish kinematografiya olamiga ham albatta mansub. Misol uchun, sizdan biron Marvel yoki DC komikslariga asoslangan yoki keng ommaga moʻljallangan boshqa filmlarga kelganda miyangizga ortiqcha bosim berish talab qilinmaydi va shunchaki koʻz toʻr pardangizga toʻxtovsiz irg'itilayotgan mahsulotni passiv ravishda isteʼmol qilishingiz talab etiladi xolos. Art House filmlarga kelganda esa bu usul yaramaydi. Tarkovski, Kubrik va men sevgan Lars fon Trier kabi rejissyorlar sizni va miyangizni muntazam bosim ostida ushlashni va ular bilan birga qahramonlar hayoti va kechinmalarining aktiv bir boʻlagi boʻlishingizni hohlaydi.

Adabiyotga qaytadigan boʻlsak, siz, misol tariqasida «Attor»ni (Perfume: The Story of a Murderer by Patrick Süskind) yoki «If Qal'asi Mahbusi»ni (The Count of Monte Cristo by Alexandre Dumas) bemalol passiv holda oʻqisangiz boʻladi, biroq Sartr, Joys va shu jumladan Selindjerning quyidagi asari ham sizdan aktiv boʻlishni talab etadi. Kitob mizantropiya, ruhan yolgʻizlik, narsissizm va oʻzini qoʻyarga joy topa olmaslik kabi masalalarning bilvosita koʻrkam tahlilini oʻzida jam etadi. Elektron shaklda oʻqib boʻlgach, uning qogʻozli variantiga ham ega boʻlishga turtki beradigan va uni oʻz kitob javonida, sevimli kitoblari qatoriga qoʻshib qoʻyish hissini uygʻotadigan asar.
@letsdomoreontelegram Ochish/sharhlash

2022-12-23 00:52:57 ​​1Q84
(Haruki Murakami "1Q84" Trilogy)

Haruki bilan boshlangan yil Haruki bilan tugamoqda.

Har galgidek sehrli realizm va har galgidek jazz. Oxirgi ikki yil davomida uning bir qancha kitoblarini oʻqigach, u endi menga yangi biron narsa ayta olishiga ochigʻi shubham bor edi. Uch kitobdan iborat asarning uchalasi ham odamda bir biriga oʻxshamas tuygʻular, aralash taassurotlar va xulosalar qoldiradi. Birinchi kitob Harukiga xos nostalgiya, melanxoliya, har bir jism va shaxsning sinchkov tasviri va mumtoz musiqa dohiylari (Yanachek, Vagner) bilan oʻquvchini oʻziga rom etsa, ikkinchi kitob Tarantino uslubidagi dialoglar, Marsel Prust, Anton Chehov va Karl Yung ijodiga iqtiboslar ila oʻquvchini oʻz joyiga mixlab qoʻyadi.

Yozuvchiga ortigʻi bilan paxta qoyib boʻlgach, endi biroz eʼtirozlarim bilan oʻrtoqlashay. Dastlabki ikki kitob yuqori sifatiga shubha boʻlmasada, uchinchi kitob ular qoldirgan, haligacha javobi nomaʼlum boʻlgan savollarga javob va oxir oqibat voqealar yechimi bilan taʼminlashi lozim edi. Lekin...

Lekin uchinchi kitobga kelib xuddiki bu chigal va hali hanuz toʻliq ochib berilmagan hikoya yozuvchining oʻzining joniga teggandek tuyula boshlaydi. Bu ham yetmaganday, voqealar osmondan tarasha tushgandek, qoʻqqisdan tezlashib ketadi va yozuvchi xuddi nima boʻlsa ham asarni tezroq tugatish kerak degan tushuncha bilan yoza boshlagandek taassurot qoldiradi. Too Good To be True yosinidagi yakun toʻgʻrisida esa gapirmasa ham boʻladi.

Nima ham derdim, balkim Murakami haqiqatdan ham menga endi biron yangi narsa ayta olmas va uni qo'yib yuboradigan vaqt kelgandir. Ha mayli, quyida shu vaqtgacha oʻzim oʻqigan uning kitob va qisqa hikoyalarining menga yoqqanligi darajasi boʻyicha reytingi:

1. Dunyoni Shamolga Aylantirgan Qush Yilnomasi (the Wind-Up Bird Chronicles).
2. Kafka Qirgʻoqda (Kafka on the Shore).
3. Naokoning Tabassumi (Norwegian Wood).
4. 1Q84 Ikkinchi Kitob: Iyul-Sentabr.
5. 1Q84 Birinchi Kitob: Aprel-Iyun.
6. Qoʻmondonning Oʻlimi (Killing Commendatore).
7. 1Q84 Uchinchi Kitob: Oktabr-Dekabr.
8. Filning G'oyib Boʻlishi (The Elephant Vanishes).
9. Zulmatdan Soʻng (Afterdark).
@letsdomoreontelegram Ochish/sharhlash

2022-12-02 17:49:22 Ochish/sharhlash

2022-11-26 22:03:02 ​​Shovvoz Askar Shveykning Sarguzashtlari
(Jaroslav Hašek «The Good Soldier Šveyk»)

"Ta'lim ruhni olijanob qiladi, bunga esa harbiy xizmatda hojat yoʻq".

Aslini olganda yumor himoya mexanizmi sifatida qoʻllanila olinadigan eng samarali qurollardan biridir. Oʻta insoniy xususiyat boʻlgan yumor biz jar yoqasida turgan paytimizda, ushbu musibat bosimini biroz yumshatishga va eng asosiysi bizning nazoratimiz ostida boʻlmagan vaziyat ustidan kula turib, oʻsha vaziyatdan oʻzimizni yuqoriroq turgandek his qilishga imkon beradi. Qiyinchilik ustidan hali hanuz hajv qila olayotganing, u seni oʻz domiga toʻla toʻkis tortib ketolmayatganidan dalolatdir.

Shu oʻrinda, yozuvchi oʻlimi tufayli ohiriga yetkazilmay qoldirilgan yuqoridagi asarda ham har qanday urushning bema'ni ekanligi hajviy voqealar orqali ifoda etiladi. Kitob bosh qahramoni Shveyk Birinchi Jahon Urushi fonidagi oddiy askar boʻlib, unda Xoʻja Nasriddinning hozirjavob va uddaburonligi, Иванушка дурачокning anqovligi va har qanday holatda ham tushkunlikka tushmasligi, Sancho Pansaning jaydariligi va ishonuvchanligi va Figaroning sarguzashtsevarligi namoyondir.

"Katta ogʻalar" oʻzlaridan xudo yasab olib, urush-urush oʻynab, butun boshli xalqlar taqdirini oʻzgartirish bilan band boʻlgan bir paytda, Shveyk oʻz nigohi va kechinmalari orqali aslida hech kim nima maqsadda urush boʻlayotganligini bilmasligi va umuman olganda buning turgan bitgani shunchaki absurd ekanligini koʻrsatadi. Bu kitob urush dahshatlari haqida emas, balki uning bema'niligi, koʻr-koʻrona vatanparvarlik-la mast top yemi, hokimiyatparastlik, ochkoʻzlik va ochko'zlar haqida.
@letsdomoreontelegram Ochish/sharhlash

2022-11-18 18:00:05 Ochish/sharhlash

2022-11-06 16:24:52 Ochish/sharhlash

2022-11-03 19:03:00 ​​​​​​Shayton Oyatlari
(Ahmed Salman Rushdie - "Satanic Verses")

Ushbu asar va umuman ushbu yozuvchi toʻgʻrisida, faqat yaqinda sodir boʻlgan, uning joniga suiqasd qilish urinishidan keyingina habar topdim. U haqida surʼatga olingan hujjatli filmlarda, namoyish etilgan bir toʻda olomonning uning rasmlari va kitoblariga ot qoʻyib turganini koʻrib esa, birinchi hayolimga kelgan, javob talab qilmaydigan savol, bu nahotki bular barchasi uning kitobini oʻqigan boʻlsalar edi.

Kitob koʻpchilik davlatlarda hamon man etilgan boʻlib, uning nashridan bir yil oʻtar oʻtmas (1989-yil), Eron rahbari va diniy rahnamosi Oyatulloh Xumayniy yozuvchini jonini olishga chaqiruvchi fatvo beradi. Biroq, tirnoq ichidan kir qidirishni sevishimga qaramasdan, qanchalik urinmayin bu asarda dinni tahqirlovchi biron satr topa olmadim. Aksincha, yozuvchi menda eʼtiqodi oʻta kuchli boʻlgan inson taassurotini uygʻotdi.

Sehrli realizm janrida yozilgan asarda, metaforalar va pop madaniyatiga oid iqtiboslar orqali emigratsiya, emigrantlarning oʻziga yot boʻlgan madaniyatga koʻnika olmasligi va oxir oqibat oʻzi unib-oʻsgan joyga qaytishi muqarrar ekanligi toʻgʻrisida gap ketadi.

Aytaylik, birov topdi ham kitobning dinni oyoq osti qiluvchi oʻsha qismini. Unda savol tugʻiladi. Eʼtiqodi mustahkam odamni qanday qilib xom sut emgan bandasi yozgan kitob haqorat qilishi mumkin?
@letsdomoreontelegram Ochish/sharhlash

2022-10-22 17:53:24 Ochish/sharhlash