2023-01-11 07:24:30
ORALIQ NAZORAT ISHINI O‘ZIM YOZSAM TO‘GʻRI QILGAN BO‘LAMANMI?
#halol_xarom
1017-SAVOL: Men talabaman. Darsga bora olmagan kunim oraliq nazorat ishi bo‘libdi. O‘sha kuni o‘qituvchimiz ham kelmabdi. Kursdoshlarim mening nomimdan ham yozib yuboribdi. Bu holda men nima qilishim kerak? O‘qitivchimizga kursdoshlarim mening nomimdan ham yozib yuborganini haqida aytsam va oraliq nazorat ishini o‘zim qaytadan yozsam to‘g‘ri qilgan bo‘lamanmi? Bunda kursdoshlarimning aybini ochgan bo‘lmaymanmi?
JAVOB: Bismillahir Rohmanir Rohim.
Albatta, uni o‘zingiz yozishingiz to‘g‘ri ish bo‘ladi. Zero, imtihondan ko‘zlangan maqsad ham Sizning bilimigizni aniqlashdir. Aksincha ish qilish esa, yolg‘onchilik, aldamchilik sanaladi. Bu esa, shariatimizga mutlaqo ziddir. Payg‘ambarimiz alayhissalom ko‘plab hadisi shariflarida yolg‘ondan qaytarganlar.
"وإياكم والكذب؛ فإن الكذب يهدي إلى الفجور، وإن الفجور يهدي إلى النار، ولا يزال الرجل يكذب ويتحرى الكذب حتى يكتب عند الله كذابًا" (متفق عليه).
“Yolg‘on gapirishdan saqlaninglar. Chunki yolg‘on fojirlik – buzg‘unchilikka, fojirlik esa insonni do‘zaxga olib boradi. Birov yolg‘on gapirishda va yolg‘onni mahkam ushlashda bardavom bo‘lishi bilan Alloh huzurida yolg‘onchi deb yozib qo‘yiladi” (Imom Buxoriy va Imom Muslim rivoyatlari). Vallohu a’lam.
O‘zbekiston musulmonlari idorasi
@ayuldashev
176 views04:24
𝔸
