Masofatalim™

2024-04-08 20:02:49 Bugun noyob astronomik hodisa – quyoshning to‘liq tutilishi yuz beradi

Uni Shimoliy Amerikada tomosha qilish mumkin. Keyingi bunday tutilish 2042-yilda sodir bo‘ladi.

O‘zbekistonda uni kuzatish imkonsiz, ammo NASA jonli efir orqali uni namoyish qiladi (Toshkent vaqti bilan soat 22:00 dan boshlab). Link.

@masofatalim Ochish/sharhlash

2024-04-08 09:35:58 Hasharga pul shilishga – o‘qituvchilar, milliardlab gonorar olishga – artistlar

Madaniyat vazirligi “The Voice of Uzbekistan” loyihasi ustozlari, badiiy rahbari, musiqiy direktori va sozandalariga (jami 11 kishi) 6 oy davomida qariyb 2 mlrd so‘m gonorar to‘lab berayotgan ekan.

Ular orasida eng ko‘pini badiiy rahbar oladi – bir oyga 57 mln so‘m, 6 oyga 342 mln so‘m. Teleloyiha ishtirokchilarining ustozlari Farrux Zokirov, Tohir Sodiqov va Sevara Nazarxon deb tanishtirilgan. Ularning har biri oyig 38 mln so'mdan olisharkan.

Oyiga 57 mln so‘m gonorar oladigan loyiha badiiy rahbari madaniyat vaziri Ozobek Nazarbekovning o‘zimasmikan, degan gumon bilan ochiq manbalardan ma’lumot topib bo‘lmadi. Kimligi noma’lum.

FTV xususiy tashkilot, shular ham mana shunga o‘xshash boshqa bir loyihani o‘zi olib keldi, o‘zlari yo‘lga qo‘ydi. Bunaqa ishlarga davlat idorasi aralashmasdan xususiy tadbirkorlarga qo‘yib berilsa, o‘zlari hammasini a’lo darajada bajaryapti-ku!

Bunaqa loyiha uchun 11 kishiga 6 oy uchun 2 mlrd gonorarni soliq to‘lovchilar hisobidan qaysi kalla bilan beryapsizlar? Insof bormi-e senlarda? Mana shu artistlar o‘rnida akademik, professor, shifokor yoki o‘qituvchi bo‘lishi mumkin edi.

Teshib chiqsin!

@masofatalim Ochish/sharhlash

2024-04-02 15:26:47 «Najot Ta'lim» va «Cambridge LC» markazlari umumiy qiymati 3,5 mlrd so'mli grant e'lon qiladi!

Har yili Ramazondan Ramazongacha davom etadigan "Kelajak yoshlari" loyihasida bu yil 130 nafar yigit-qizga grant ajratish reja qilingan.

Grant g'oliblari ingliz tili hamda dasturlash yoki grafik dizayn yo'nalishlarida 1 yil davomida bepul ta'lim olishadi.

Ushbu grant uchun ro'yxatdan o'tish 5-aprel soat 23:59 gacha davom etadi. Natijalar Ramazon hayitidan so'ng e'lon qilinadi.

«Kelajak yoshlari» grantiga ro'yxatdan o'tish

Imkoniyatni qo'ldan boy bermang. Grant uchun ro'yxatdan o'ting va xabarni haqdor insonlarga yetkazib qo'ying. Ochish/sharhlash

2024-04-02 07:55:15 Bir oyda 1 mln so‘m yutish mumkin bo‘lgan onlayn olimpiada e’lon qilindi

Yoshlar ishlari agentligi va “Mening yurtim” telekanali hamkorligidagi “Mavzu” onlayn olimpiadasi e’lon qilindi. Endilikda fanlar kesimida – matematika, fizika, kimyo, biologiya, tarix, ona tili va adabiyot fanlaridan @mavzubot Telegram botida onlayn olimpiadada ishtirok etish mumkin. G‘oliblar 1 mln so‘m pul mukofoti bilan taqdirlanadi.

@masofatalim Ochish/sharhlash

2024-03-31 20:42:10 O‘zbek telekanallaridan birining odatiy ahvoli va undagi kontent. Ketchup ichidan tili bilan sharik topish kerak ekan.

Bog‘cha opalardan bolalarga madaniyatni o‘rgatishni talab qilayotgan akalarimiz bo‘sh vaqtlarida O‘zbekiston-24 telekanalidan tashqari mana shu kabi maynavozchiliklarni ommaga olib chiqayotgan telekanallargayam qarab qo‘ysa yaxshi bo‘lardi.

@masofatalim Ochish/sharhlash

2024-03-31 17:31:28 1-apreldan boshlab O‘zbekiston Milliy universitetida talaba-qizlar, professor o‘qituvchilar va xodimlar adras, atlas, beqasam nimcha hamda do‘ppi kiyib kelishlari kerak ekan. Kim qaysi kuni shunaqa kiyinib kelishini fakultetlar kesimida hafta kunlariga ham bo‘lib chiqishibdi. Uni nazorat qilish esa dekanlarga topshirilgan.

Ritorik savol: qachondir shular kim nima kiyishini belgilab o‘tirishdan tashqari tuzukroq ta’lim berish haqida ham bosh qotiradigan kunlar kelarmikan?

@masofatalim Ochish/sharhlash

2024-03-27 10:01:41 Oliy ta’lim vazirligi 3,7 mlrd so‘mga albom chiqarmoqchi. Nashriyot ham begonamas – Ortiqxo‘jayevniki!

Oliy ta’lim, fan va innovatsiyalar vazirligi “O‘zbekiston obidalaridagi bitiklar” kitob albomlarini (20 jild, 1000 nusxada) chop etish uchun “Kolorpak” MChJ bilan 3,7 mlrd so‘mlik to‘g‘ridan to‘g‘ri shartnoma tuzgan. Ushbu shartnomaga Vazirlar Mahkamasining 2024-yil 19-yanvardagi 6-son majlis bayoni asos qilib keltirilgan.

Izoh: mazkur 3,7 mlrd soʻmlik shartnoma 2024-yil 22-yanvarda tuzilgan. Oʻsha paytda oliy ta’limda vazir yoʻq edi. Vazirlik nomidan shartnomani Komiljon Karimov imzolagan.

“Kolorpak” ushbu kitob-albomlarni chop etgach, albomlar Oliy ta’lim, fan va innovatsiyalar vazirligi huzuridagi OTMlarning kutubxonalariga tarqatiladi.

Joriy yil fevral oyida vazir Qo‘ng‘irotboy Sharipov boshchiligida o‘tkazilgan vazirlik yig‘ilishida oliy ta’lim muassasalarida 630,1 ming nusxadagi oʻquv adabiyotlar yetishmasligi aytilgandi. Ya’ni katta miqdordagi o‘quv adabiyotlarga ehtiyoj bor, ammo bu qolib shuncha pulga albomlar chiqarilyapti.

Bir tomondan vazirlikni ham toʻgʻri tushunish kerakdir. Balki ularga ham tepadan albom chiqarasan va shartnomani “Kolorpak” bilan tuzasan, deb topshiriq tushgan bo‘lsa va bu bayon orqali oʻz aksini topgan bo‘lsa, bular ham nailoj topshiriqni bajarishga majbur qolgandir. Kim bilsin.

Ma’lumot uchun aytish kerak, 3,7 mlrd so‘mlik shartnomani qo‘lga kiritgan “Kolorpak” MChJ poytaxtning sobiq hokimi Jahongir Ortiqxo‘jayevning jiyaniga tegishli ekani aytiladi. Bu korxona avvalgi yillarda bir qancha maktab darsliklarini ham chop etgan.

@masofatalim Ochish/sharhlash

2024-03-25 19:52:18 Izlagan imkon topadi

Yozishlaricha, stipendiyasi berilmayotgan jurnalistika universiteti talabalarining guruhida yozish imkoniyati cheklab qo‘yilgan. Ammo uddaburon talabalar murojaatlarini yetkazishning yo‘lini topib, telegramdagi foydalanuvchi nomiga mana shunday so‘zlarni yozib, guruhga qo‘shilishgan.

Albatta, barakalla, talabalar!

@masofatalim Ochish/sharhlash

2024-03-24 22:31:16 Rasmiy statistikaga ko‘ra, O‘zbekistonda bolalarning 74 foizi maktabgacha ta’lim bilan qamrab olingan. Bu degani bolalarning 1/4 qismi bog‘chaga bormaydi.

Hali veri bu raqam 100 foiz bo‘lmaydi. Chunki 2024-yil yanvar oyida mas’ullar aytgan ma’lumotdan kelib chiqilsa, mamlakatda bu ko‘rsatkichni 2026-yilgacha 80 foizga, 2030-yilga borib, 100 foizga yetkazish reja qilingan. Tasavvur qilyapsizmi, 74 foizni 80 foiz qilish uchun hali yana 2 yil bor, 100 foizgacha esa 6 yil.

Shunda bog‘cha bilan qamrab olinmagan 26 foiz o‘zbekistonlik bolaning ota-onasi “ovqatini yeb bo‘lgach idishini olib borib qo‘yishni“, “navbatda turish madaniyatini” va umuman mana shu videoda aytilgan talablarning o‘rgatilishini kimdan talab qilishi kerak? Bolasi bog‘chaga bormasa, masalan, bunga sharoiti yo‘q. Yoki yaqinida bog‘cha bo‘lmasa, ular dardini kimga aytadi shunda?

Xullas, eng katta tarbiyani uyda ota-ona berishi lozim. Bog‘cha, maktab kabilar esa bunga qo‘shimcha bo‘lishi kerak. Ammo hech qachon asosiy tarbiyani bularning gardaniga yuklamaslik kerak.

P.S. Videodagi gaplar huddi oltindek yaltiragan misga o‘xshaydi. Bundan boshqa narsa emas.

@masofatalim Ochish/sharhlash

2024-03-24 15:05:46 Ota-ona bitta bolasini tarbiyalashga vaqti yoki toqati yo‘q. Lekin mana bu akamiz 30 ta bolaga qaraydigan bitta bog‘cha opadan shuncha narsa talab qilyapti

@masofatalim Ochish/sharhlash