“Тўполанг” ГЭСда 75 млн евролик модернизация ишлари амалга оши | Surxondaryo viloyati hokimligi
“Тўполанг” ГЭСда 75 млн евролик модернизация ишлари амалга оширилди
Бугун Сариосиё туманида бўлган вилоят ҳокими Улуғбек Қосимов “Тўполанг” ГЭСда якунига етказилган модернизация ишлари билан танишди. Ҳудудга ташриф чоғида вилоят ҳокимига “Ўзбекгидроэнерго” АЖ раиси, сенатор Абдуғани Сангинов ҳамроҳлик қилди.
“Тўполанг” ГЭСда электр энергия ишлаб чиқариш барқарорлигини таъминлаш мақсадида 75,4 млн евро эвазига реконструкция ишлари амалга оширилди. Охирги синов ишлари давом этаётган айни вақтда ГЭСда 64 мВт электр энергияси ишлаб чиқарилмоқда ҳамда вилоятимизнинг 36 мингдан ортиқ хонадонларини экологик тоза электр энергия билан таъминлаш қуввати тармоққа узатилмоқда.
Синов ишлари якунлангандан кейин “Тўполанг” ГЭС тўлиқ қувватда ишга туширилади ва 175 мВт электр энергияси ишлаб чиқарила бошланади. Натижада йиллик 467 млн кВт∙соат электр энергияси истеъмолчиларга узатилади. Бу билан йиллик 126,2 млн метр куб табиий газ тежалишига эришилади.
Surxondaryo viloyati hokimligi . Web site: http://surxondaryo.uz/. Ishonch telefoni: 998 (76) 224-02-89, 1088 . Elektron pochta: gov@surxondaryo.uz . Yuridik manzili: Termiz shahri, At-Termiziy ko‘...
