2023-04-18 13:02:06
Савол: Тонировка рухсатномасини Гаи сураса беришим шартми ёки шарт эмасми?
Жавоб:
Шарт эмас!
Асос: Йўл ҳаракати қоидаларининг 7 - бандида механик транспорт воситасининг ҳайдовчиси қуйидаги ҳужжатларни
ёнида олиб юриши ва ИИО ходимлари талаб қилганда
уларга текшириш учун бериши шарт:
1) тегишли тоифадаги транспорт воситасини бошқариш ҳуқуқини берувчи ҳайдовчилик гувоҳномасини,
— унинг талонини (эски намунадаги ҳайдовчилик гувоҳномаси бўлса),
— ҳайдовчилик гувоҳномаси белгиланган тартибда олиб қўйилган ҳолларда вақтинча рухсатномани;
— вақтинча рухсатнома билан транспорт воситасини бошқаришда ҳайдовчининг шахсини тасдиқловчи ҳужжатни;
2. а) транспорт воситасини (мопеддан ташқари), б) мавжуд бўлганда тиркамани рўйхатдан ўтказиш ҳақидаги гувоҳномани;
3. транспорт воситасининг эгаси бўлмаган ҳолларда эса,
— умумий эгалик ҳуқуқини ёки
— тасарруф этиш ҳуқуқини берувчи,
— эгалик қилишга ва
— фойдаланишга берилганлигини тасдиқловчи ҳужжатни,
Эслатма: транспорт воситаси эгасининг фуқаролик жавобгарлигини мажбурий суғурта қилиш бўйича суғурта полисида кўрсатилган транспорт воситаси эгасининг яқин қариндошлари (ота-она, эр (хотин), болалар, ака-укалар, опа-сингиллар) бундан мустасно;
4. транспорт воситаси эгасининг фуқаролик жавобгарлигини мажбурий суғурта қилиш бўйича суғурта полисини (электрон кўринишда ҳам бўлиши мумкин).
5. «Ногиронлиги бўлган шахс» таниқли белгиси ўрнатилган транспорт воситасини биринчи ёки иккинчи гуруҳ ногиронлиги бўлган шахс бошқараётганда ногиронлигини тасдиқловчи ҳужжатни;
6. қонунчилик ҳужжатларида кўзда тутилган ҳолларда лицензия гувоҳномасини,
7. — юридик шахс томонидан берилган транспорт воситасини бошқариш ҳуқуқини берувчи ишончномани ёки
— йўл варақасини,
— ташилаётган юк ҳужжатларини;
8. юридик шахслар транспорт воситалари ҳайдовчиларининг, шу жумладан йўловчи ёки юк ташиш фаолиятини амалга оширувчи ҳайдовчиларнинг малака оширишдан ўтганлиги тўғрисидаги сертификати.
- деб кўрсатилган.
Демак кўраётганингиздек, ҳайдовчиларга бошқа ҳужжатларни олиб юриш ва (ёки) иио ходимлари талаб қилса тақдим қилиш(кўрсатиш, бериш) мажбурияти ЮКЛАТИЛМАГАН. Агар сиздан тонировка рухсатномасини, техкўрик хужжатини, газ акти, метрика ёки ЗАГС гувоҳномасини ва бошқаларни кўрсатишни талаб қилса, кўрсатишга МАЖБУР ЭМАССИЗ!!!
Агар сиз хорижий (Ўзбекистон ҳудудида рўйхатга қўйилмаган) автотранспорт воситалари ҳайдовчиси бўлсангиз қўшимча:
1. «Автотранспорт воситасини қайтариб олиб чиқиш тўғрисидаги мажбуриятнома»ни;
2. ойналари туси ўзгартирилган (қорайтирилган) енгил автотранспорт воситасининг мажбурий йиғим қабул қилинганлиги ҳақидаги
квитанцияни ёнингизда олиб юришингиз ва иио ходими талаб қилганда унга беришингиз керак бўлади.
ЭСЛАТМА:
ДЙҲХХ ходимлари томонидан қуйидаги ҳужжатлар планшет орқали текширилади:
1. автомототранспорт воситасидан фойдаланиш ва уни тасарруф этиш тўғрисидаги ишончнома (нотариал тартибда тасдиқланган бўлса);
2. автотранспорт воситаси ойналарининг тусини ўзгартиришга (қорайтиришга) рухсатнома;
3. транспорт воситасининг техник кўрикдан ўтганлиги тўғрисидаги маълумот.
P/S: Агар сизнинг ёнингизда биометрик паспортингиз ёки ID-картангиз бўлса (Ўзбекистон ҳукумат органлари томонидан берилган), юқорида келтирилган баъзи хужжатларни олиб юришингиз ҳам мажбурий бўлмайди. Бу қайси хужжатлар эканини кейинги постларда кутиб қолинг.
@UzbekistanYHQ
2.1K viewsНодир Обидов. نادر, 10:02