Кўнглим.. Юр кетамиз покликлар сари Ҳеч ким тополмасин соями | 👍👍A'LO KAYFIYAT SOHIBASI 05 07✨

Кўнглим..
Юр кетамиз покликлар сари
Ҳеч ким тополмасин соямизни ҳам.
Сенга етолмасин ғийбат лашкари
Забт этолмасин қоямизни ғам...

Кўнглим.
Бизнинг чўққиларда гуллайди баҳор
Қаҳқаҳа отади шодлик овози..
Етиб боролмасин изимиз пойлаб..
Бетизгин хаёллар ёқимсиз сози..

Кўнглим..
Синиб бўлган синиқларингни
Авайлаб, ардоқлаб кафтда тутайин.
Мен сени ҳеч кимнинг кўнгли ҳам етмас,
Олис бахтлар сари олиб кетайин!

Кўнглим.
Қара иккимизнинг бахт манзилимиз..
Шунчалар беғубор, меҳрга тўла.
Нафратларга қарши эгмасдан бошни
Мағрур кетавергин сабрлар ила.

Кўнглим..
Юр кетамиз покликлар сари!!!

Юлдуз Абдусамад қизи.
Бир чимдим меҳр.