arabic.uz (hikmatlar)

2021-12-22 06:00:17 Ochish/sharhlash

2021-12-21 18:01:12 9173. Ҳуффоз айтади: “Аҳмад ибн Ҳанбалнинг Бағдод бозорига тушганини кўрдик. У ердан бир ўрам ўтин сотиб олди ва елкасига олиб кета бошлади. Одамлар уни таниб қолишгач, дўкондорлар ўз раста, дўконларини ташлаб чопиб келишди. Ўтиб кетаётган йўловчилар ҳам тўхтаб, у зотга салом бера бошлашди. Улар, келинг, ўтинни елкангиздан олайлик, биз кўтарайлик, дейишарди.
Шунда у зотнинг қўллари титраб кетди, юзлари қизариб кетди ва кўзлари ёшга тўлди. Ва: “Биз бир мискин қавм бўлсак... Агар Аллоҳ бизни айбу нуқсонларимизни сатр этмаса, беркитиб тўсмаса ҳолимиз шармандаку ахир!” дедилар.

Абу Нуъаймнинг “Ҳилятул авлиё”сидан.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2021-12-21 12:00:46 9172. Расулуллоҳ соллаллоҳу алайҳи васалламда уч турли хавфсизлик хизматлари бор эди.
Биринчиси, шахсий хавфсизлик хизмати, (тансоқчилик). Улардан Абу Бакр Сиддиқ, Билол, Саъд ибн Абу Ваққос ва Муҳаммад ибн Маслама розияллоҳу анҳумларни санаб ўтиш мумкин.
Иккинчиси, жамоат хавфсизлик хизмати. Уларнинг бошлиғи сифатида Ҳузайфа ибн Ямон, аъзолари сирасига Абу Ҳурайра розияллоҳу анҳумларни киритиш мумкин.
Учинчиси, разведка, жосуслик бўлими ва контрразведка, жосусликка қарши курашиш бўлими. Уларнинг бошлиғи Амр ибн Абу Умаййя Зомирий бўлса, аъзоларидан Сафвон ибн Муъаттал розияллоҳу анҳумларни айтиш мумкин.

Шайх Муҳаммад Ҳасан Деду.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2021-12-21 06:01:17 9171. Расулуллоҳ соллаллоҳу алайҳи васаллам дедилар: “Шамолни лаънатлама, унга амр қилинган. Ким лаънатга лойиқ бўлмаган нарсани лаънатласа, лаънат ўзига қайтади”.

Абу Довуд ва Термизий ривояти.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2021-12-20 18:01:41 9170. Саҳл ибн Абдуллоҳ Тустарий деди: “Асл- усулларимиз олти нарса устига бино қилинган:
“Аллоҳнинг Китоби, Расулуллоҳ соллаллоҳу алайҳи васалламнинг суннати, ҳалол ейиш, азиятни кетказиш, гуноҳлардан четланиш ва ҳақларни адо этиш”.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2021-12-20 12:00:23 9169. Татарруф – экстремизмнинг келиб чиқиш сабабларидан

Дин ҳақиқатлари борасида басират (ақл кўзи)нинг заифлиги;
Динни тушунишда фиқҳ заҳирасининг камлиги;
Диннинг маърифати сирларини англашда, диннинг асл мақсадини тушуниш ва унинг руҳини кашф қилишда чуқурлашиш;
Унинг соҳиби чала мулла бўлишига қарамасдан ўзини уламолар жамоасига кириб қолдим дея гумон қилиши, аслида эса жуда ҳам кўп нарсадан жоҳил бўлади.

Доктор Юсуф Қарзовий.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2021-12-20 07:00:26 Сарҳисоб

Арабик.узнинг фейсбукдаги саҳифаси фаолиятига 9 йил тўлди

Алҳамдулиллаҳи роббил аламийн, вассолату вассаламу ъала расулиллаҳ. Амма баъд.

Ассалому алайкум ва раҳматуллоҳи ва барокатуҳ, arabicuz канали фойдаланувчилари, руҳиятига таскин излаган, ҳикматларга кўнгил қўйган дўстлар, юртдошлар!

Маълумки, arabic.uz сайти 2003 йилда фазилатли шайх Муҳаммад Содиқ Муҳаммад Юсуф раҳимаҳуллоҳ томонларидан асос солинган islom.uz портали таркибига кирувчи сайтлардан биридир.

Каналнинг фейсбукдаги www.facebook.com/groups/arabic.uz/ саҳифаси 19 декабр, 2012 йилда илк фаолиятини йўлга қўйиб шу кунга қадар узлуксиз равишда ҳикматлар тақдим этиб келяпти.

Бугун ушбу кунга 9 йил тўлибди. Албатта бу Аллоҳнинг фазли бўлиб, Ўзи хоҳлаган бандаларига муяссар қилади.

9 йилдан бери ушбу саҳифага жойланган ҳикматлар адади 10.000 га яқинлашиб қолибди, Аллоҳ таоло ушбу кичик уринишни давомий ва умматга фойдали қилсин!

Ҳикматлар деяётганимиз – Қуръон карим оятлари тафсирлари, Набавий ҳадиси шарифлар ва уларнинг шарҳлари, ўтган буюк уламолар, устозларнинг ҳикматли сўзлари, насиҳат ва тавсиялари, буюкларнинг ибратли ҳаётларидан лавҳалар, Ислом тарихи ва бошқаларни ўз ичига олган араб тилидан таржима қилинган, изоҳлар билан тўлдирилган кичик ҳажмдаги илмий ишлар деса бўлади.

Бу ўринда ушбу ҳикматлар араб тили ўрганувчиларига ҳам ўзига хос қўлланма бўлиб хизмат қилаётгани ҳам ҳақиқатдир.

Биз билан бирга эканингиз учун саҳифа бош муҳаррири, муҳаррир, веб-дастурчилар ҳамда саҳифа масъулларидан иборат ижодий жамоамиз номидан барчангизга ташаккур билдирамиз.

Сайтнинг бош муҳаррири устозимиз Анвар Аҳмад бўлиб, у таржимон ва муаллиф, @hadisislomuz, @madrasaislomuz каналлари раҳбари, @grandtalim араб тили устозидир.

Албатта ушбу фаолиятда бандачилик билан йўл қўйилган хато ва камчиликлар учун Ғафур Аллоҳга истиғфор айтамиз. Сўнгра сиз азизлардан узр сўраймиз.

Барча илм йўлига ҳисса қўшаётган яхшиларнинг ҳаққига дуо қиламиз, шу билан бирга жамоамиз билан сизларни хайрли дуоларингизга муҳтожмиз.
Аллоҳ субҳанаҳу ва таоло илмингизни зиёда этсин ва Ўзи рози бўладиган бандалари қаторига қўшсин!

“Албатта, Аллоҳнинг раҳмати яхшилик қилувчиларга яқиндир”. Аъроф сураси, 56-оят

Бобур Аҳмад ва arabicuz жамоаси. Ochish/sharhlash

2021-12-20 06:01:09 9168. Солиҳ туш уч нарсани ўз ичига олади:
Биринчиси: У туш шариатга хилоф нарсалар устида келмайди.
Иккинчиси: Киши у тушни узилмаган ҳолда, тўлиқ равишда эслаб қолади.
Учинчиси: У туш соғлом ақлга зид бўлган, мантиқсиз бўлмаслиги керак.
Баъзи уламолар унга яна бир шартни қўшишади. У ҳам бўлса, тушда жисмнинг лаззатланиши содир бўлмаслиги керак.

Шайх, аллома Муҳаммад Ҳасан Деду.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2021-12-19 20:10:21 Араб тили рақамларда:

6 -БМТнинг расмий тилидан бири.
60 давлатда - ушбу тилда сўзлашилади.
26 давлатда - расмий тил мақомида.
4 рақам - Дунёдаги тиллар бўйича тартиби.
12 000.000 - Араб тилидаги калималар сони.
422. 000.000 - жаҳон бўйлаб араб тилида сўзлашувчилар сони. Ochish/sharhlash

2021-12-19 20:10:21 Ochish/sharhlash