Коррупцияга қарши курашиш агентлиги фаолиятининг ҳафталик дайж | Korrupsiyaga qarshi kurashish agentligi

Коррупцияга қарши курашиш агентлиги фаолиятининг ҳафталик дайжести (6 10 декабрь кунлари)

6 декабрь “Open Data Challenge 2021” хакатони ниҳоясига етди.

6 декабрь Журналист ва блогерлар учун “Коррупцияга қарши курашишда жамоатчилик билан ишлашнинг роли” мавзусида махсус тренинг ўтказилди.

6 декабрь “Коррупцияга қарши курашишда жамоатчилик билан ишлашнинг роли” мавзусида ННТлар учун тренинг ташкил этилди.

7 декабрь Коррупцияга қарши курашиш агентлигига қўшимча вазифалар юклатилди.

9 декабрь "Коррупцияни биргаликда енгамиз!” танлови ғолиблари тақдирланди.

9 декабрь Ўзбекистонда "Аксилкоррупция ҳафталиги" якунланди.

Норматив-ҳуқуқий ҳужжатлар лойиҳалари юзасидан қуйидаги ишлар амалга оширилди:

Ўзбекистон Республикаси Президентининг “Ўзбекистон Республикаси Коррупцияга қарши курашиш агентлиги фаолиятини янада такомиллаштириш бўйича қўшимча чора-тадбирлар тўғрисида”ги Қарори қабул қилинди.

Коррупцияга қарши курашиш агентлигининг қонуний фаолиятига тўсқинлик қилганлик учун жавобгарликни назарда тутувчи “Ўзбекистон Республикасининг Маъмурий жавобгарлик тўғрисидаги кодексига қўшимчалар киритиш ҳақида”ги қонун лойиҳаси норматив-ҳуқуқий ҳужжатлар лойиҳалари муҳокамаси портали - regulation.gov.uzга жойлаштирилди.

Шунингдек, мазкур ҳафта мобайнида:

“Ўзбекистон Республикаси коррупцияга қарши курашиш: ислоҳотлар, ютуқлар ва устуворликлар” мавзусидаги халқаро конференцияда Агентлик масъул ходимлари иштирок этди.

“Марказий Осиё - Қонун устуворлиги” дастури доирасида Европа Кенгаши ва Европа Иттифоқи амалга ошираётган “Шаффофликка кўмаклашиш ва иқтисодий жиноятларга қарши курашиш (CA TAEC UZ)” лойиҳаси иштирокчилари (бенефициарлари) ўртасидаги мувофиқлаштирув учрашувида Агентлик масъул ходими иштирок этди.

Тошкент кимё-технология институти ва Тошкент молия институти профессор-ўқитувчилари иштирокида “Коррупция - ривожланишимизга тўсиқ!” мавзусидаги давра суҳбати бўлиб ўтди.

“Ўзавтосаноат” АЖ таркибига кирувчи корхоналарда коррупциявий ҳолатларга қарши курашиш масалалари муҳокама этилди.

“Ҳудудий электр тармоқлар” АЖда Агентлик ҳамкорлигида “Очиқ эшиклар куни” ташкил этилди.

Тошкент давлат шарқшунослик институти, “Ўздонмаҳсулот” АК, Тошкент давлат юридик университетида 9 декабр — Халқаро коррупцияга қарши курашиш кунига бағишлаб ташкил этилган тадбирларда Агентлик масъул ходимлари иштирок этди.

Агентлик ва Давлат божхона қўмитаси ўртасида ўзаро ахборот алмашинуви соҳасида ҳамкорлик тўғрисидаги меморандум имзоланди.

Маҳаллий ва хорижий ОАВ, шунингдек, ижтимоий тармоқларда Агентлик фаолияти, соҳага оид маълумот ва янгиликларга юзасидан 145 маротаба чиқишлар ташкил этилди.

Ҳафта давомида Агентликка юридик ва жисмоний шахслар томонидан 35 та мурожаат, ташкилот ва муассасалардан 130 та хат-ҳужжат келиб тушди.

Facebook | Telegram | Twitter|| anticorruption.uz