​#мавсумий_аллергия Бахор: Мавсумий аллергияни қандай енгамиз? | Doctor Abdullaev

​#мавсумий_аллергия
Бахор: Мавсумий аллергияни қандай енгамиз?
Бахор келиши билан хаво қизиб табиат уйғонишни бошлайди. Бу даврда дарахтларнинг гуллаши ўз навбатида баъзи инсонларда бурун битишига, қичишига, аксиришига, кўзнинг кизаришига олиб келади. Бу гул чангларига нисбатан организмнинг аллергик реакциясидир. Бу аллергик холатни биз тиббиётда поллиноз деб атаймиз. Албатта буни шамоллашдан(простуда) фарқлаш лозим бўлади.
Диагностика. Биринчи навбатда аллерген(аллергияга сабаб бўлаётган)ни аниқлаб олиш керак бўлади. Буни врач-аллерголог тери синамалари орқали аниқлаши мумкин. Қон тахлили орқали антителалар(иммуноглобулин E) титрини аниқлаш зарур бўлади.
Даволаш. Албатта, аллергиядан қутулишнинг энг самарали усули – бу аллергенни организмга тушишини олдини олишдир. Лекин кўчада дарахтлар гуллаб турган пайтда бунинг иложи бўлмайди(агар бошқа жойга вақтинча кўчиб кетилмаса). Хозирда самарали антигистамин дори воситалари мавжуд, шулар орқали мавсумни аллергиясиз ўтказиш мумкин. Лекин бу вақтинчалик ечим хисобланади. Энг самарали усул бу – иммунотерапиядир.
Иммунотерапия бу – аллергияга сабаб бўлаётган гулчангига нисбатан организмни сезгирликини камайтириш хисобланади. Яъни аллерген схема бўйича организмга оз-оздан киритиб борилади ва аллергия реакция шу тариқа бартараф қилинади.

@angiomed