2022-09-01 07:32:01
ЭНГ УЛУҒ, ЭНГ АЗИЗ БАЙРАМ ҚУТЛУҒ БЎЛСИН!
Ватан ва унга муҳаббат, садоқат – энг олий туйғу. Инсон борки, ўзи туғилиб ўсган Ватанни севади, уни ардоқлаб, тинчлик-осойишталикни асрайди, унинг озодлигини қадрлайди.
Биз ҳам она юртимиз – гўзал Ўзбекистонимиз, жаннатмакон ва обод, озод Ватанимизни севиб-ардоқлаймиз, унинг тараққиёти, ривожи учун бор имкониятимизни ишга соламиз.
Мустақиллик йилларида юртимизда жуда кўп ўзгаришлар амалга оширилди. Дунё ҳамжамиятида мамлакатимизнинг нуфузи ортди. Айниқса, сўнгги йилларда давлатимиз раҳбари Шавкат Мирзиёевнинг юрт ободлиги йўлидаги саъй-ҳаракатлари натижасида халқимизнинг қалбида ўз юртининг порлоқ келажагига, заминимиздаги тинчлик-осойишталик барқарор, турмуш тарзи янада фаровон бўлишига умид ва ишонч ҳисси ортди.
Зеро, қисқа фурсат ичида Ўзбекистонда Юртбошимиз раҳнамолигида нафақат иқтисодий ўсишга, балки қурилиш, маданият, спорт ва бошқа соҳаларда буюк натижаларга эришилди.
Айни пайтда юртимизнинг ҳар бир фуқароси ушбу соҳалардаги ислоҳотларга ҳамоҳанг тарзда Ватанимизнинг равнақи йўлида астойдил меҳнат қилиб, унинг юксалишига ўзининг муносиб ҳиссасини қўшишга астойдил ҳаракат қилаётир.
Шу кунларда юртимиз бўйлаб байрам шукуҳи кезмоқда. Юртимизнинг ҳар бир гўшасида
“Янги Ўзбекистонда эл азиз, инсон азиз” деган шиорни асосий ғоя сифатида ўзида мужассам этган маданий-маърифий тадбирлар ўтказилиб, халқимизга кўтаринки кайфият, байрамона руҳ улашилмоқда.
Қадрли юртдошлар! Сизларни ва яқинларингизни давлатимиз тарихидаги энг муҳим сана – Мустақиллик куни билан самимий табриклаймиз. Ўзбекистон Республикаси Мустақиллигининг 31 йиллиги айёми муборак бўлсин.
Барчангизга сиҳат-саломатлик, хонадонларингизга файзу-барака ва фаровонлик тилаймиз. Мустақил ва келажаги буюк Ўзбекистонимизнинг тинчлиги, фаровонлиги, тараққиёти ва равнақи йўлида олиб бораётган ишларингизда муваффақият ёр бўлсин!
“Тараққиёт кўзгуси” газетаси ва ATV” телеканали таҳририяти жамоаси.
1.4K views04:32