2022-03-04 06:53:48
Tibbiyot talabalari uchun
Qutqargani hech kim kelmaydi. Nima qilish kerak? Shu postda yozilgan misolniInstitutlardagi darslardan qoniqmaslik hissi juda ko'p talabalarda bor. Siz chet tili bilasiz va chet tilidagi adabiyotlaridan foydalanishga harakat qilasiz. Sizga o'tilayotgan dars sifati siz o'qigandagidan ancha "boshqacha". YouTubeda ingliz tilida zo'r tushuntirilgan farmadan darsni ko'rasizda, nahotki tibbiyot shunaqa qiziq bo'lsa degan xayol keladi. Chunki siz hozirgacha bilgan fundamental fanlar quruq, qiziqarsiz va yodlab qolish kerak bo'lgan bir dunyo ma'lumotlar xolos.
Yoki sizda o'rganishga ishtiyoq juda katta, lekin ingliz tilini aytaylik unchalik bilmaysiz. Rus tilini esa aytaylik "ancha esdan chiqargansiz". Ingliz tili biladiganga ham, bilmaydigan uchun ham yechim bor aslida.
Men Andijonda med. institutda o'qiydigan 2-3 kishhilik bitta kichkina komandani bilaman. Oddiy talabalar. Sizdan yoki gruppadoshingizdan farqi yo'q. Siz o'qigandek maktabda o'qigan, siz o'qiyotgandek muhitda o'qiydi, yashaydi. Lekin ularni sizdan bitta narsa farqlab turadi. Ular qutqargani hech kelmasligini avvalroq tushunib yetishgan. O'zlarini bilim olishlari uchun o'zlari mas'ul ekanligini anglab yetishgan. Bu yo'lda harakatni allaqachon boshlashgan. Bu yigitlar nafaqat o'z kelajaklari uchun befarq, balki ularda qolgan talabalar uchun havotir hissi ham bor. Shuning uchun ingliz tilida olgan bilimlarini o'zbek tiliga o'girib tekinga ulashib borishadi. Ular ingliz tilini o'rganishga qunt qila olmaydigan, o'z kelajagi haqida unchalik qayg'urmaydigan yoki qandaydir xaloskor kutadigan talabalar haqida qayg'urishadi.
Ular sizning kelajagingizni, o'zlarini kayfidan ustun qo'yishgani uchun shunday qilishadi. Chunki olgan bilimni chiroyli ravishda tushuntirib, video tayyorlab, youtubega qo'yish vaqt va resurs talab etadigan jarayon. Aslida ular bunday qilishga majbur emas, lekin yigitlarni kelajak tashvishga soladi. O'zlarini kelajagi emas, sizning kelajagingiz.
Kim ular? Qanaqa dars? Qanaqa kanal?
Barchasini ismlarini to'liq bilmayman, lekin YouTubedagi kanalini ko'rib turaman. Yigitlar institut erta kurslarida o'qishadi. Shuning uchun asosiy darslari fundamental fanlar bo'yicha. Fikrimcha ular vaqt o'tishi bilan klinik fanlar haqida ham videolar tayyorlash fikrida. Ko'ring va zamonaviy tibbiyot va qiziqarli fanlar qanday bo'lishini bir ko'ring.
Mana bu joyda linklar, lekin linklarni bosishga shoshilmang, avval pastroqni o'qing.
Telegram: @drshark_asmi
YouTube: https://youtube.com/channel/UCIJ9heb1Gl3TcQrIo0qdUHA
Yaqingacha tibbiyot bo'yicha o'zbek tilida content yo'q edi. Endi esa bor va bu sekin ko'payib boryapti. Hali ham ehtiyoj juda katta, lekin bu borada ish boshlangan. Bu yo'nalishda imkoniyat katta. Jamiyat muammosiga yechim topib bersangiz, jamiyat sizni har doim qadrlaydi.
Aytishlaricha ikki toifadagi odamlar bor. Birinchisi beruvchi, ikkinchisi oluvchi. Birinchisi hayotingizni oson qilguvchi, ikkinchisi hayotingizni qiyin qilguvchi. Birinchi toifada bo'lishga nima xalaqit beryapti? Xulosa sizdan.
Kuningiz xayrli o'tsin. Sizga, xalqimga, insoniyatga tinchlik tilayman.
Bek Olimjon
2.0K views03:53
A
