alberuniy.uz| Rásmiy kanal

2022-08-28 10:39:25 #Сапар_айы_жақсылық_айы

ПАЙҒАМБАРЫМЫЗ ЖАҚСЫЛЫҚ АЙЫ ДЕП АТАҒАН АЙ МҮБӘРЕК БОЛСЫН

Сапар айы — жақсылық айы. Басқа айларда оқылатуғын дуўалар менен ибадатлармыз бул айда да тап сол қәлпинде орынланады.

Улыўма сапар айында: «Аллооҳуммә фаррижнәә бидухулис-софәри ўәхтим ләнәә билхойри ўәз-зафәри»,

Мәниси: «Аллаҳым, сапар айы кириўи менен бизге қуўаныш несип ет. Ол айда жақсылық пенен, сондай-ақ, жеңис пенен шығыўды несип еткейсең», – деп дуўа етиўде зор мәни бар.

Соның менен бирге, өзге айлардағыдай бул айда да айдың басында, ортасында ҳәм соңында үш күн нәпил ораза тутыўға болады. Бир күн нәпил ораза тутыўға да болады. Бул туўралы ҳәдиси шәрийфте Пайғамбарымыз Муҳаммад алайҳиссалам: «Ай сайын үш күн ораза тутыў — жыл бойы ораза тутқан менен тең» (Имам Бухарый Имам Муслим рәўият еткен) – деп, биз үмметлерди саўаплы әмеллерди қылыўға шақырған.

Сондай-ақ, елди бирликке, аўызбиршиликке шақырып, татыўластырыў, наўқасларымыздың ҳалынан хабар алып, олардың ҳал-жағдайын билиў, ата-ана, ағайин-туўысқанлар менен татыў болыў ҳәм жағдайы төмен шаңарақларға қол ушын берип, қайырқомлық қылыў үлкен саўап.

Бәршемиздиң мүбәрек сапар айында қылған ийгиликли әмеллеримизди, ибадтларымызды, дуўа-тилеклеримизди Аллаҳ таала қабыл еткей. Әмийн!


Каналымызға ағза болыў ушын төмендеги силтемени басың!

https://t.me/paziyletuz Ochish/sharhlash

2022-08-28 10:21:26 #ҳикмет

Ҳақыйқый мөмин адам егер қәте ис үстинде турғанын аңласа, дәрҳал туўры жолға қарай өтип алыўы зәрүр. Өйткени туўры жол Аллаҳға алып барады, қәте жол шайтанға...

Каналымызға ағза болыў ушын төмендеги силтемени басың!

https://t.me/alberuniyuz Ochish/sharhlash

2022-08-28 08:01:01 #ҳикмет

   Егер дүньяда өмир сүриў аңсат болғанында еди, САБЫР жәннет гилтлеринен бири болмас еди.

Каналымызға ағза болың @alberuniyuz Ochish/sharhlash

2022-08-28 06:45:55 "ЖАҚСЫ ИСЛЕР АДАМҒА ШЫРАЙ БЕРЕДИ!"

Саҳабалардың бири Ибн Аббас разыяллаҳу анҳу былай деген:
Жақсы ислер:
Адамның жүзине нур береди, түр-түсин шырайлырандырады,
Қәлбине жылыў;
Денесине күш-қуўат берип,
Ырысқы-несийбесин мол қылады ҳәм адамлардың оған деген меҳир-муҳаббатын арттырады,
ондай адамды барлық жаратылыс жақсы көрип турады. Оның адамлар арасындағы қәдири, ҳүрмети артады!

Ал жаман ис (гүна):
адамның жүзине қаттылық, суўықлық берип,
қәлбин қарайтады,
өзин ҳәлсизликке урынтырып, несийбесиниң кемейиўине алып келеди.
Соның менен бундай адамның мал-мүлки азайып, шығыны көбейе береди.

Расында да, гейде бир адамларды көрип кеўлиң көтериледи. Саған ҳеш нәрсе ислемесе де сыртынан жақсы көрип турасаң, оған деген меҳир-муҳаббатың оянады. Соның менен араласқың, дос болғың келеди. Ата-бабаларымыз «Түр-түси жақсы адамнан түңилме» деп соның ушын айтқан екен ғой!
_______________

Каналымызға ағза болыў ушын төмендеги силтемени басың!

https://t.me/joinchat/AAAAAEbfMm7dfVmRGUVSJA Ochish/sharhlash

2022-08-28 06:45:55 Ochish/sharhlash

2021-02-02 10:49:17 Жасларға ақыл айтыў - қарыз, нәсият айтыў парыз, тәжирийбе уқтырыў - миннет. Бул үшеўин айтпаса - жас үлкен гүналы, уқпаса - жас киши гүналы

Биз бенен социаллық тармақларда бирге болың!

Telegram каналымыз: @alberuniyuz
Instagram каналымыз: instagram.com/alberuniyuz Ochish/sharhlash

2021-02-02 05:55:44 #дуўа

Егер жаныңызда сизди жақсы көретуғын шаңарағыңыз, қулқы ҳәм әдеби гөззал, хош мәмилели досларыңыз, ҳәр күни дастурханыңызда тағамыңыз, төбеңизде баспанаңыз болса, ҳеш қашан налымаң! Сиз өзиңиз ойлағаныңыздан әдеўир байсыз! Бул неъматлар ҳәр кимге, бәрқулла да бериле бермейди.

Әлҳамдулиллаҳ...

Биз бенен социаллық тармақларда бирге болың!
Telegram каналымыз: @alberuniyuz
Instagram каналымыз: instagram.com/alberuniyuz Ochish/sharhlash

2021-02-02 05:51:27 Ассаламу алайкум!

Бүгин Сийшемби күни



Сийшемби күниңиз қайырлы болсын!

02-февраль 2021
19-Жумадул Сәний 1442




Аллаҳ таала бүгинги күниңизди тынышлық ҳәм аманлықта, жақсы кейпиятта, саўаплы әмеллер менен толы болып өтиўин сизге несип етсин!


https://t.me/joinchat/AAAAAEbfMm7dfVmRGUVSJA Ochish/sharhlash

2021-02-01 20:54:24 #түн ҳикмети

«Зайнул-Ъабидин» деп аталған Әли ибн Ҳусайн разыяллаҳу анҳу бир қалта азықты ийнине салып алып, адам-бендениң көзине түспей, қараңғы түнде гедей-кепшиклердиң үйин аралап шығатуғын еди. Ол нәсият сөзлеринде «Түнниң қараңғысында берилген садақа Раббиңниң ғәзебин өширеди» дейди екен.
Қаладағы гедейлер өзлериниң күнделикли жейтуғын азығын ким әкелип берип кететуғынын биле алмай таң қалып жүреди екен. Усындай түнлердиң биринде босағаларға нан қойып кететуғын белгисиз адам келмей қалады. Өйткени, Пайғамбарымыз алайҳиссаламның ақлығы Әли ибн Ҳусайн разыяллаҳу анҳу қайтыс болған еди. Оның өли денесин көргенде өмир бойы арқалап өткен қапшықтың изи ийнин қыйып таслаған екен. Түн қараңғылығын жамылып, қаладағы жүз гедей шаңарағына жасырын азық таслап кететуғын белгисиз адамның ким екенлигин адамлар ол қайтыс болғаннан соң ғана биледи...

____________________________
Биз бенен социаллық тармақларда бирге болың!
Telegram каналымыз: @alberuniyuz
Instagram каналымыз: instagram.com/alberuniyuz Ochish/sharhlash

2021-02-01 17:03:28 Биз бенен социаллық тармақларда бирге болың!
Telegram каналымыз: @alberuniyuz
Instagram каналымыз: instagram.com/alberuniyuz Ochish/sharhlash