Агро хаёт

2023-05-09 08:50:20 Сариқ Дрогана

Экспортбоп гилосларнинг кўпи ўзини ўзи чанглатмайди. Кўп гуллайди аммо хосил кам бўлади. Бу холатда гилослар орасига сариқ гилос экиш ёки пайванд қилиш қўл келади. Сабаби у яхши чанглатади.
Дарахти зич пирамидасимон шаклда кучли ўсади. Совуққа ўртача чидамли. Ўртача йирикликдаги меваси сариқ рангда, қизғиш доғи йўқ. Эти зич ва ширин таъмли. Данаги этидан қийин ажралади. Пишиш даври кеч. Узоқ жойларга ташишга чидамсиз.

Энг яхши агро тавсияларни бизнинг каналда кузатиб боринг.

https://t.me/agro_hayot Ochish/sharhlash

2023-05-08 16:52:12 Экспортбоп гилосларнинг барчаси ҳам ташқи чангланишга мухтожми?

Йўқ. Ундай эмас. Ўзини ўзи чанглата оладиган гилослар бор. Видеода шу каби гилос навларининг бири хақида видео тайёрладим. Кўринг ва танишларга улашинг!

Энг яхши агро тавсиялар фақат бизда.

https://t.me/agro_hayot Ochish/sharhlash

2023-04-29 18:40:25 Гул ва дарахтлар кўргазмаси бўлиб ўтди. 

27-29- апрель кунлари пойтахтимизда "Green Art" экофестивали бўлиб ўтди. Фестивалнинг иккинчи кунида мен у ерга ташриф буюрдим. Бундай фестиваллар ва форумлар бўлгани яхши. Лекин "GREEN ART" халқаро ландшафт санъати экофестивали менда у қадар катта таассурот қолдирмади. Ландшафт санъати уюшмаси томонидан ташкил этилган ушбу кўргазма анчайин кам иштирокчилар билан ўтди.  Назаримда бу фестивал кераклича тарғиб қилинмаган, кўпчилик бу фестивал ҳақида билмаган кўринади. Павильонда қатнашувчилар ҳам, иштирокчилар ҳам анчайин кам. 

Одамларнинг камлигига яна бир сабаб бор, деб ўйлайман Кўргазма апрель ойининг энг сўнгги кунларида ўтказилиши ҳам нотўғри деб хисоблайман.  Гулларни турли ҳил вақтда экиш мумкин бўлсада манзарали дарахтлар экиш мавсуми деярли тугаб бўлди. 
Шу сабаб бундай кўргазмаларни март ойининг охирида ёки  апрель бошида ташкил этилса мақсадга мувофиқ бўлади. Ташкилотчилар бу масалани ҳам инобатга олишса яхши  бўларди. 

Лекин яхши таъсуротлар ҳам бор албатта. Тадбирда  гуллар ва манзарали дарахтлар кўчатлари билан  бир қаторда, сув тежовчи технологиялар ҳам бор эди.  Органик ўғит ишлаб чиқарувчи ташкилот ҳам ўз махсулотлари билан қатнашган бўлса, гуллар учун озуқалар ишлаб чиқарувчи корхонанинг ҳам қатнашганлиги эътиборга молик. 

Бундай фестиваллар ва кўргазмалар кўпайиши бу нафақат экологик муҳитнинг яхшиланишига, балки  экотуризмни ҳам ривожланишига хисса қўшади. 

Энг яхши агро тавсияларни бизнинг каналда кузатиб боринг.

https://t.me/agro_hayot Ochish/sharhlash

2023-04-29 17:37:33 Кактусларингиз гуллаб, ҳамиша кўзингизни қувнатишини истайсизми? Унда бизнинг тавсияларимизга қулоқ тутинг

Энг яхши агро тавсияларни бизнинг каналда кузатиб боринг.
Танишларга улашинг.

https://t.me/agro_hayot Ochish/sharhlash

2023-04-29 17:37:02 Hurmatli veterinariya va chorvachilik sohasi fidoyilari, aziz do‘stlar!

Ma’umki, aprel oyining oxirgi shanbasi "Xalqaro veterinariya kuni" sifatida keng nishonlanadi. Bu aslida mazkur kasbga bo‘lgan fidoyi insonlar mehnatini qadr qilishning bir sanasi, e’tirof demakdir.
Yurtimizda ham soha xodimlari Prezidentimiz va hukumatimizning doimiy g‘amho‘rligi va e’tiborida.
Yaqinda Veterinariya va chorvachilikni rivojlantirish qo‘mitasini O‘zbekiston Respublikasi Qishloq xo‘jaligi vazirligi tizimiga o‘tkazilishi bu sohani yondosh tarmoqlar bilan kompleks rivojlantirish imkonini berdi.

Fursatdan foydalanib o‘zim, qolaversa Qishloq xo‘jaligi vaziriligi nomidan soha vakillarini – "Xalqaro veterinariya kuni" munosabati bilan samimiy qutlayman. Faoliyatingiz davomida zafarlar va muvaffaqiyatlar tilayman.
Doimo el-yurt oldida yuzingiz yorug‘ bo‘lsin!

Hurmat bilan
Aziz Voitov
@azizvoitov Ochish/sharhlash

2023-04-29 16:44:01 Бу видеони менга обуначилардан бири юборди.

Олма теришнинг хорижий услуби,  бизда бунақаси йўқ,  — деди. 

Албатта,  бизда бунақа технология йўқ.  Сабаби унга эхтиёж йўқ.  Чунки бу усулда олмалар шарбат олиш учун ва бошқа мақсадларда  йиғиштирилади.  Ушбу усулда терилган меваларни сақлаб бўлмайди. Сабаби махсус техника дарахтни силтайди ва олмалар ерга тўкилади. Бунда олмалар шикастланади.  Биздаги олмазорлар эса қайта ишлаш учун  мева етиштиришга мослашмаган.  Олмалар қўлда терилади,  сараланади ва қадоқланади.  Шикастланганганлари,  колибровкага тўғри келмаганлари қайта ишлаш учун йўналтирилади. 

Шундай экан олмани ушбу видеодаги усулда териш бизнинг шароитда жуда зарур нарса эмас. 

Энг яхши агро тавсияларни бизнинг каналда кузатиб боринг.

https://t.me/agro_hayot Ochish/sharhlash

2023-04-29 16:13:50 Ochish/sharhlash

2023-04-29 16:13:36 Терак нега қуриб қолади?

Дарахтлар барг ёзишни бошлаган март-апрель ойларида терак ойначиси деган ҳашарот учиб келади. Узунлиги 2,5-3 сантиметр келадиган мазкур ҳашарот тури сўнгги пайтларда дарахт куртагига уруғ қўйиб, кўпайишни одат қилган. Орадан икки-уч кун ўтгач, улардан минглаб ҳашаротлар чиқади. Ниҳоятда оч бўлгани боис, терак баргини ёппасига емириб, фотосинтез жараёнини тўхтатиб қўяди.

Терак ойначисидан ўрмончилик ва теракчилик хўжаликлари кўп зарар кўрадилар. Шу боис унга қарши профилактик тадбирларни февраль ва март ойининг дастлабки ўн кунлигида бошлаш керак. Барглар қуврашни бошлаган вақтда системали таъсирга эга препаратлар самара бермаслиги мумкин. Яхшиси, контакт препаратларни қўллаш тавсия этилади.

Аниқроқ қилиб айтадиган бўлсак, системали препаратлар ўсимлик баргига сўрилади. Ўзида токсик модда ҳосил қилган баргни еган митти ҳашарот тезда нобуд бўлади. Контакт препаратлар эса вояга етган ҳашаротнинг устига тушгач, уни зарарлайди.

Ҳашаротга қарши курашишда гонсеао супер, према голд ва бензаот супер препаратларини қўллаш мақсадга мувофиқ. Мазкур препаратларни ветеринария дорихоналаридан эмульция консентрат, яъни суюқ ва кукун ҳолида олиш мумкин. Препарат ўн литр сувга тайёрлаб олинади. Сўнгра, зарарланган дарахт­ларга пуркаб чиқилади. Зараркунанда ҳашаротлардан халос бўлган дарахт ўзини қайта тиклаб олиш хусусиятига эга. Бундан ташвишланмаслик керак. Танасидан яна ёш барглар чиқариб, ўсишда давом этади.

Маълумот ўрнида шуни айтиб ўтиш лозим, терак ойначиси фақат шамшод ва Калифорния терагини емиради. Кўк терак, бақа терак ва бошқа дарахт барглари билан озиқланмайди.

Дарахтни ҳар йилги зарарланишдан асраш учун, кузда тўкилган барг­ларни очиқ шароитда қолдирмаслик муҳим. Чунки терак ойначиси ўша барглар орасида уйқуга кетади. Ерга кўмилган вақтда, чириндига айланиб, нобуд бўлади.

Энг яхши агро тавсияларни бизнинг каналда кузатиб боринг.

https://t.me/agro_hayot Ochish/sharhlash

2023-04-29 09:41:58 Лола пиёзлари қандай сақланади?

Лола пиёзларини юқори сифатли сақлашнинг энг яхши вариантлари тешиклари бўлган ёғоч ёки пластик қутилардир. Уларда шамоллатишнинг табиий жараёнини сақлаб қолиш муҳимдир. Қоғоз ва картон қутиларда сақлаш тавсия этилмайди.

Қутилар қопқоқсиз бўлиши керак. Лола пиёзларини бир қаторга териш маъқулроқдир. Агар лолалар кўп бўлса-ю лекин етарли жой бўлмаса, уларни қипиқ (апилка) устига ётқизиш ёки газетага ўраб сақлаш мумкин.

Лола пиёзлари муддатидан олдин кўкармаслиги учун мос жойни тўғри танлаш жуда мухимдир. Лола пиёзлари бўлган қути турадиган хона қоронғи, салқин, нисбатан қуруқ ва яхши ҳаво айланадиган бўлиши керак.

Кўп қаватли уйларда музлатгичнинг пастки тортмасида, ховли уйларда эса омборхона ёки ертўлада сақлаш мумкин.

Энг яхши агро тавсияларни бизнинг каналда кузатиб боринг.

Агро ҳаёт — сизга энг яхшиларини илинамиз!

T.me/agro_hayot Ochish/sharhlash

2023-04-29 09:11:33 Agroinnovatsiya/ Данаксиз анор кўчатларининг афзалликлари....
(01.04.2023)


Видеода соҳа мутахассиси профессор Алишер Тураев томонидан жуда фойдали маьлумотлар берилган.


De Nova Agro жамоаси ушбу видеони томоша қилишингизни тавсия қилади..


ТОШКЕНТ ДАВЛАТ АГРАР УНИВЕРСИТЕТИ
+998971106556
+998977166516

https://t.me/denovaagro Ochish/sharhlash