𝘼𝙛𝙤𝙧𝙞𝙯𝙢𝙡𝙖𝙧㋛︎

2020-01-12 17:30:47 Энг қийин ишлардан бири, ўзинг ёмон кўрган одамлардан мажбуран ёрдам сўрашдир!

@Aforizmlar_Hikmatlar Ochish/sharhlash

2020-01-12 17:30:47 Қисқа ҳикоялар.

- Нега бунча маҳзунсан? бахтдан сўрадилар. Бахт жавоб берди: - Чунки жуда бахтсизман!... 

- Ҳой юрак, бир бурчакка беркиниб нега бунча йиғлайсан?
- Юрагимдагиларнинг юраксизлигидан...

Виждондан сўрадилар: 
- Эй виждон недан бунча қийналасан? 
Виждон жавоб берди:
- Ўзимнинг виждонсизлигимдан.

Ҳақиқат зор йиғларди. - Бу дунёда ҳақиқат йўқ, дея!

- Ҳой севги сен жуда гўзал эдинг, энди бўлса... юзингдаги чандиқлар нимаси?
- Одамлардан сўранг, маюсланди севги.

Тиланчилик қилиб юрган меҳрдан сўрадилар: 
- Ҳой меҳр нега бунча зорланасан, сенга нима керак.
Меҳр йиғлаганча жавоб берди:
- Илтимос! Бир чиндан меҳр беринг!

Оқил Тўрақул

@Aforizmlar_Hikmatlar Ochish/sharhlash

2020-01-12 17:30:47 Кичик ақл эгалари майда хафагарчиликларни ҳам ҳис қилишади. Катта ақл эгалари эса ҳамма нарсани сезишади лекин ҳеч нарсадан ранжишмайди.

@Aforizmlar_Hikmatlar Ochish/sharhlash

2020-01-12 17:30:47 Одамнинг фақат ҳаракатлари унинг шахси ва сизга муносабатини билдиради. Сўзларга ишонманг. Шунчаки кузатинг. Шунда ҳақиқатни кўрасиз.

Бернард Шоу

@Aforizmlar_Hikmatlar Ochish/sharhlash

2020-01-12 17:30:46 Гўзал сўзлар фақат амалга оширилгандагина чиройли натижалар беради.

Муолажа йўлини топган касал одам унга амал қилмаса, табобат билгани мутлақо фойдасиздир.

Ёмғир томчилари ерни жонлантиргани каби комил инсонларнинг сўзлари кўнгилларни жонлантиради.

Қудсий ҳадисда марҳамат   қилинадиган: Эй одам боласи! Агар сўзинг ялтироқ, майин бўлиб, амалинг қабих бўлса, сен мунофиқларнинг мунофиқисан...

Тоҳир Малик 

@Aforizmlar_Hikmatlar Ochish/sharhlash

2020-01-12 17:30:46 Қўрқсангиз қўлингиздан келадиган ишларни ҳам эплай олмай ўтираверасиз. Қўрқмасангиз қўлингиздан келмайдиганларига ҳам эришасиз.

@Aforizmlar_Hikmatlar Ochish/sharhlash

2020-01-12 17:30:46 Сохта одамлардан яхшилик кутма! Яхшилик қилдими, демак ўзининг фойдасини кўзлаб қилган.

@Aforizmlar_Hikmatlar Ochish/sharhlash

2020-01-12 17:30:46 Чумолилар ёлғонни кечирмади

Бир киши ўзи гувоҳ бўлган ғаройиб ҳодисани шундай ҳикоя қилади:

“Бир чумолининг хурмо меваси бўлаги ёнига келганини кўрдим. Уни диққат билан кузатдим. Чумоли хурмо бўлагини тишлади, лекин ердан кўтаришга кучи етмади. Тортиб кўрди, аммо ўрнидан қўзғатолмади. Сўнг узоқ вақт ўтмай, ўзи билан бир гала чумолини бошлаб келди. У келганида хурмо бўлагини ердан кўтардим. Шунда чумоли ва унинг шериклари хурмо ўрни атрофида айланди. Аммо ҳеч нарса топа олишмагач, ортларига қайтишди. Мен хурмо бўлагини жойига қўйиб қўйдим. Чумоли яна ортига қайтди, уни ердан кўтаришга яна кучи етмади. Судрашга уринди, бўлмади. Тезда узоққа кетиб улгурмаган шерикларини яна бошлаб келди. Мен эса яна хурмони ердан кўтардим. Чумолилар ўтган галгидек атрофни айланиб, яна ортларига қуруқ қайтишди.

Хурмони жойига қўйдим. Ўша чумоли қайтиб, яна шерикларини олиб келди. Етиб келишганида эса хурмони қўлимга олдим. Улар айланиб, бу сафар ҳам ҳеч нарса топа олишмагач, ўша чумоли атрофида ҳалқа қуришди. Кутилмаганда унинг устига ёпирилиб, майда-майда қилиб ташлашди.

Мен эса ҳайратдан қотиб қолдим.

Қабиҳ ишим учун ўзимдан қаттиқ нафратландим…

Араб тилидан Муслима Зоҳиджон қизи таржимаси.

@Aforizmlar_Hikmatlar Ochish/sharhlash

2020-01-12 17:30:46 Бадавлат ота

Кунларнинг бирида жуда бадавлат одам ўғлини ёнига олиб, саёҳатга отланибди. Мақсади фарзандига баъзи одамлар қандай фақирликда яшаётганини кўрсатиш экан. Улар бир неча кунни фермадаги жуда ночор оилада ўтказишибди.
Уйга қайтаётганларида ота ўғлидан сўрабди:
-Саёҳат ёқдими, ўғлим?
-Албатта, жуда ёқди, отажон,-жавоб берибди бола.
-Кўрдингми, одамлар қанчалик фақир бўлишлари мумкин?
-Ҳа, албатта!
-Саёҳатимиздан қандай хулоса чиқариб олдинг?-яна сўради ота.
-Бола жавоб берибди:
-Бизда биттагина, уларда тўртта ит борлигини кўрдим. Бизнинг ҳовузимиз боғимизнинг ўртасигача, улардаги анҳорнинг эса охири кўринмайди. Боғимизни чет элдан келтирилган бир нечта чироқлар ёритади, уларникида тунлари юлдузлар порлаб туради. Айвонимиз ҳовлимизнинг олдигача борган, уларнинг кенгликлари эса уфққа чўзилган. Биз кичик бир ер майдонида яшаймиз, уларнинг эса кўз югуртириб, чамалаб бўлмайдиган бепоён далалари бор. Биз егуликни сотиб оламиз, улар эса ўзлари етиштиришади. Уйимиз атрофини ҳимоя девори ўраб туришади, уларни эса дўстлари.
Бу гапларни кутмаган ота каловланиб қотиб қолди. Ўғли яна қўшимча қилди:
-Менга уларнинг қанчалар бой-бадавлат эканини кўрсатганингиз учун катта раҳмат, отажон.

@Aforizmlar_Hikmatlar Ochish/sharhlash

2020-01-12 17:30:46 Энг яхшисини қидирманг, балки ўзингизга тегишлисини қидиринг, чунки энг яхшиси ҳар доим ҳам сизники бўлавермайди, аммо ҳар доим ўзингиздаги бори яхшироқ бўлади.

Ошо

@Aforizmlar_Hikmatlar Ochish/sharhlash