𝘼𝙛𝙤𝙧𝙞𝙯𝙢𝙡𝙖𝙧㋛︎

2020-06-04 00:45:09 2 × 2 = 5 kanali, Biz bilan aqldan ozasiz! Ochish/sharhlash

2020-01-12 17:34:37 «Орзу» ҳақида ҳикоя.

Ҳаёти сарсон ва саргардонликдан иборат бир инсон бўлиб, бутун умри кучада ўтарди. Чунки унинг бошпанаси йўқ, куча-куйда, харобаларда яшар эди. Лекин унинг биргина орзуси бўлиб, бу орзу унга тинчлик бермасди. Ётганда ҳам турганда ҳам шу орзу ҳақида ўйларди. Бу орзу ҳам бўлса шахсий уйга эга бўлиш эди. У бунга қандай қилиб эришишни билмасди, лекин у билардики бир кун келиб бу амалга ошади. Бунга у ич-ичидан ишонар ва буни олдиндан билиб лаззатланарди. Шундай кунларнинг бирида қаҳрамонимиз ахлатлар орасидан бир газетада берилган эълонга кўзи тушди. Эълонда таминан шундай ёзилган эди: «Уй сотилади нархи 1 доллар». Қаҳрамонимиз кимдир ҳазиллашгандир деб ўйлади ва эълонни эътиборсиз қолдирди. Орадан икки кун ўтиб бошқа бир газетадаги яна уша эълонни кўрди, бу сафар ҳам у бунга аҳамият бермади. Қаҳрамонимиз учинчи бор бу эълонни симёғочда кўрди ва энди унинг тинчи бузилди. Барибир кучада санғиб юрган бўлсам қани эълондаги манзил бўйича борайчи деб ўйлади. Манзилга етганда эса ҳудди орзусидаги каби уйга кўзи тушди. Уй эшигини тақиллатганда уйдан бир аёл чиқди ва уни ичкарига таклиф қилди. 
- Кечирасиз мен эълон бўйича келган эдим.
- Яхши унда уйни томоша қилишингиз мумкин. 
- Лекин мен бир нарсага тушунмадим нега уйни нархи 1 доллар? 
- Сиз уй олмоқчимисиз ёки саволингизга жавоб олиш учун келдингизми? 
- Йўқ мен шунчаки бунга ишонмаябман.
- Унда сиз уйни олинг хужжатларни расмийлаштиргач буни сабабини сизга сизга тушунтириб бераман. 
Қаҳрамонимиз ва уй эгаси бўлмиш аёл барча хужжатларни расмийлаштирди, сўнгра аёл нега шунадай қиммат уйни 1 долларга сотгани сабабини айтди. 
- Мени турмуш ўртоғим яқинда оламдан ўтди, биз у билан мана шу уйда 23 йил бахтли яшадик. Мен уни шунчалар севардимки бирор марта гапини икки қилмасдим. Лекин вафотидан кейин уни иккинчи хотини борлигини билдим. У эса мана шу уйни сотиб пулини иккинчи хотинига беришимни васиятномасида ёзиб қолдирди. Аввал айтганимдай ҳеч қачон эримнинг гапини икки қилмаганман. Шунинг учун уйни бир долларга сотдим... 

Орзуларингиздан ҳеч қачон воз кечманг. Орзу қилишдан тўхтаманг. Зеро, уларга вақти келиб албатта етишасиз!

@Aforizmlar_Hikmatlar Ochish/sharhlash

2020-01-12 17:30:48 Ўзингиздан кучли инсон билан ишлашга ҳаракат қилинг, шунда ўсасиз!

@Aforizmlar_Hikmatlar Ochish/sharhlash

2020-01-12 17:30:48 Одамлар қачон одамдек яшайди?! Йўқ, мен аллақачон баланд парвоз сўзларга айланиб улгурган, инсонийлик, яхшилик, ғамғўрлик кабилар ҳақида айтмаяпман! Одамдек яшаш деганда ўз хоҳишига кўра яшашни назарда тутяпман. Тўғри одамлар орасида яшагандан кейин қоидаларга бўйсуниб яшашга мажбурмиз. Бироқ гап бу ҳақида эмас...
Сиз ўзингиз хоҳлаган ишда ишлайсизми?
Ўзингиз истаган одам билан бирга яшаяпсизми?
Ўзингиз хоҳлагандай ҳаёт кечиряпсизми? Ёки «Ҳаёт шунақада» деб кўникиб яшаяпсизми? Умуман олганда айтмоқчиманки, нега ўзимиз хоҳлагандай яшашга қўрқамиз? Тўғри одам ҳамиша ўз хоҳиш ва истакларини назорат қилиб туриши лозим, акс ҳолда ҳайвонлашиб кетади. Бироқ бу мутлақо бошқа масала, гап бунда ҳам эмас. Эрта тонгдан ўзимиз хоҳламаган ишимизга йўл оламиз. Тушликда ёқтирмаган инсонларимизга жилмайишга мажбурмиз. Тунда яна эрта туриб ишга бориш учун эрта ухлашимиз шарт. Умр эса бир ҳилликда ўтиб кетяпти. Қачон ўзимиз хоҳлагандай яшаймиз? Кимдир ҳозир аҳмоқлик, «Ҳаёт шунақада» деди. Йўқ, бу сизни ҳаётингиз ва уни ўз қўлларингиз билан қандай қурган бўлсангиз худди шундай. Баъзан ҳаммасидан жуда чарчайсиз. Шундай вақтда бор овозда бақириб чарчоқни чиқариб юборгингиз келади. Аммо сиз бақира олмайсиз. Жавоб бераман бақира олмайсиз! Бақиришни истамаганингиз учун эмас, кимдир эшитиб қолишидан қўрқанингиз учун, чунки одамлар бундай қилмайди. Тан оласизми йўқми бундан қатъи назар сиз одамларга қараб иш қиласиз, ҳаёт қурасиз. Бўлди тушундингиз, кўп ёзмайман, айтмоқчиманки, ҳеч қачон қўрқоқлик қилманг. Ўзингиз хоҳлаган ишда ишланг. Ўзингиз хоҳлаган инсон билан яшанг. Ўзингиз хоҳлагандай ҳаёт кечиринг. Чунки бунга таваккал қилиш мажбуран яшагандан яхшироқ. Унутманг биз дунёга бир марта келамиз!

Оқил Тўрақул

@Aforizmlar_Hikmatlar Ochish/sharhlash

2020-01-12 17:30:48 Орзу ва мақсадларни амалга ошириш учун, бугун сизда вақт, куч ва имконият бор! Агар бугун ҳеч нарса қилмасангиз эртага вақтни бой берасиз, имкониятни йўқотасиз, кучдан қоласиз!...

@Aforizmlar_Hikmatlar Ochish/sharhlash

2020-01-12 17:30:48 БОЛА ҚАЛБИ...

Қизча бақир-чақир овози сабабли уйқудан уйғониб кетди. Кўзларини ишқалаб кроватидан тушди ва овоз келаётган томонга юра бошлади. Унинг ота-онаси ҳар кунгидек ўзаро жанжаллашарди. Улар қизчанинг уйғонганлигига ҳам эътибор беришмасди. Ота-онасининг жанжалидан қўрқиб, бир четда уларни кузатиб турган етти ёшли қизча йиғлаб юборди. Бир-бирларини одоб доирасидан ташқарида бўлган турли сўзлар билан ҳақорат қилаётган эр-хотин болага эътибор беришмасди:
- Сиз мен учун нима қилиб кўйибсизки, менга бақирасиз?
- Ўчир овозингни, шаллақи, болангни олиб йўқол бу уйдан. Менга сен ҳам, боланг ҳам, керакмас!
- Нима дедингиз? Ҳали боламни олиб йўқолайми? Майли, кетсам ўзим кетаман! Бу уйга ёлғиз келганманми, ёлғиз кетаман! Бола битта меники эмас, туғдириб қўйдингизми энди эплаб боқинг!
Аёл шундай дедида, жаҳл билан хонасига кириб кетди. Қизча эса ҳамон йиғларди. У ҳали анча ёш бўлсада, ота-онасига керак эмаслигини, уларга ортиқчалик қилаётганини тушуниб турарди. Қизалоқ нима қилишини билмас, у ҳам кўчага чиқиб кетишни ва уйга ҳеч қачон қайтмасликни истарди. Қизалоқ қаерга боришини билмас, ягона биладиган жой, нариги маҳалладаги бувисининг уйи эди. Қизча бувисининг уйи томон кетаркан, ўйларди: Мен ота-онамга керак эмас эканман, бувим мени яхши кўради, мени ҳайдамайди…
Шу хаёллар ичида кетаётган қизалоқ ёнидан чиқиб қолган машинани сезмай қолди. Қизча йўл четида ҳолсиз ётар, кичкина юзларига ёш аралаш бошидан қон сизарди. Оғриқ кучли, қиз ҳатто овозини чиқариб йиғлолмасди. Жон талвасасида сўнгги ўйлари шундай эди:
Энди дадам билан ойим ҳеч қачон урушмайди...

@Aforizmlar_Hikmatlar Ochish/sharhlash

2020-01-12 17:30:47 ЎҒИРЛИК

Бундан деярли 1450 йиллар олдин Ҳотиб ибн Абу Балтаъанинг бир неча ғуломи Музайна қабиласидан туя ўғирлаб сўйиб ейишади. Уларнинг қўлини кесиш учун Умар ибн Хаттоб розиёллоҳу анҳунинг ҳузурига олиб келишади. Умар розиёллоҳу анҳу уларнинг озғин жасади, сарғайган рангига қараб дедилар:
- Буларнинг хўжайини ким?
Халифага бу ғуломларнинг хўжайини Ҳотиб ибн Абу Балтаъа эканлиги айтилди. Халифа уни топиб келишни амр қилдилар. У келди. Умар розиёллоҳу анҳу унга дедилар:
- Уларни жазолашимга оз қолди. Уларни сен оч қолдирганингни яхшиям билиб қолдим. Улар оч қолишмаганида ўғирлик қилишмас эди. Сен жазоланасан.
Сўнгра туянинг соҳибидан унинг нархини сўрадилар. У: "тўрт юз", деди. Умар розиёллоҳу анҳу Ҳотибга туя соҳибига саккиз юз беришини буюрдилар. Ғуломларга эса қайтиб бунақа иш қилмасликларини айтдилар.
Ўғирлик шаксиз катта гуноҳ. Аллоҳ таоло бу гуноҳни ёмон кўргани учун унга ҳад (жазо) таъйин қилган. Аммо ҳақиқий ўғри ейиш учун бир бурда нон ўғирлаган киши эмас, аксинча мана шу фақирнинг бир бурда нонини ўғирлаган ва уни ўғирлик қилишга мажбурлаган бойдир. Ейиш учун нон ўғирлаган киши тўғри хатокор. Бунга гап бўлиши мумкин эмас. Аммо инсонларнинг ҳаётини, умрини, ризқини ўғирлаганлар, оддий фақирларни оёқлари остига олиб топтаганлар ҳақиқий ўғрилардир. Ана шулар қўли кесилишга ҳақлироқдир!

Адҳам Шарқовий

@Aforizmlar_Hikmatlar Ochish/sharhlash

2020-01-12 17:30:47 Ишонч қулаганда, унинг устига қурилган ҳамма нарса қулайди!...

@Aforizmlar_Hikmatlar Ochish/sharhlash

2020-01-12 17:30:47 ИБРАТЛИ ҲИКОЯ

Нуҳ алайҳиссалом замонларида инсонларнинг умри узун бўлган экан. Етти юз, саккиз юз йил умр кўрар эканлар. Бир аёлнинг ўғли вафот этибди. Бу аёл қаттиқ қайғуриб, йиғлабди. Қўшни аёллардан бири айтибди:
- Нимага бунча йиғлайсан. Аллоҳ таолонинг тақдири шундай экан.
- Албатта шундай. Мен унга йиғламаяпман.
- Унда нимага йиғлаяпсан?
- Болам кўп яшамади деб, оналик шафқатим билан йиғлаяпман.
- Боланг неча ёшда эди?
- 275 ёшда эди.
- Агар сен бунга йиғлайдиган бўлсанг, охир замонда келадиган уммат нима қилсин, умрлари 50-60 йил бўлади.
- Жиддий айтяпсанми?
- Албатта.
- Аллоҳ, Аллоҳ, улар уй хам қурадими?
- Ха, яна битта эмас, бир нечта уй қурар эканлар.
- Мен уларнинг ўрнида бўлсам, чодиримнинг қозиғини хам ўзгартирмасдим...

@Aforizmlar_Hikmatlar Ochish/sharhlash

2020-01-12 17:30:47 Мен учун бу жуда юқори мақсад. Мен бунга эриша олмайман - бундай фикрларни миянгиздан чиқариб ташланг! Қатъиятли бўлинг! Ҳар қандай мақсадга эришиш мумкин. Балки сиз айнан ўша мақсадлар учун яратилгандирсиз!

Оқил Тўрақул

@Aforizmlar_Hikmatlar Ochish/sharhlash