Advokatlik xizmatlari.

2021-11-30 07:17:58 Айб фақат фуқаролардами? Балки мантиқсиз қонунларни ўзгартириш пайти келгандир?

Ички ишлар органлари ходимларининг устига машинасини ҳайдаган чироқчилик фуқаро ҳақида ЙҲХББ эълон қилган видеодан маълум бўладики, 23 ёшли ҳайдовчи ўз Ласеттисининг олд ён ойналари рухсатсиз тонировка қилингани учун қўрққанидан эшикларини ёпиб олган ва кейин одамларнинг гижгижлаши сабаб машинани ходимлар устига ҳайдаган.

Ҳа, шубҳасиз йигит 2 карра қонунни бузди. Ҳам рухсатсиз тонировка, ҳам ҳокимият вакилига бўйсунмаслик. Бошқаларга дарс бўлиши учун ҳам жазога тортилиши деярли аниқ. Биз ҳам бу каби ҳолатларни қоралаймиз ва фуқаролардан қонунга итоаткорликни, одамлар ҳаётига бу каби хавф солмасликни, ҳокимият ва орган вакилларининг қонуний талабларига риоя қилишни сўраб қоламиз (масалан, АҚШда агар ҳайдовчи полиция устига машина ҳайдаганда, огоҳлантирмасдан ўққа тутишган бўларди, яхшиям бизда унақамас).

Аммо келинг, оқибатлар ҳақида эмас, сабаблар ҳақида гаплашиб кўрамиз.

Хўш, ўша Ласетти ҳайдовчиси нега бунчалик қўрқиб кетди? Масалан, оддий камар тақмаганида ёки суғуртаси бўлмаганда бунчаликка бормасдику, тўғрими?

Жавоб: чунки Ўзбекистонда рухсатсиз тонировка ўрнатганларга ўта юқори жарима қўлланади. Ҳатто қизил чироқда ўтган ёки 70 км/соат белгиланган жойда 180 тезликда юрган қоидабузарларга ҳам бунчалик жазо йўқ.

Энди ўзингиз ўйланг, жамият учун қайси бири кўпроқ хавф келтиради? Тонировка шунчалик катта хавф экан, унда нега пул тўласа мумкин? Пул тўлаганлар жамият учун хавфсизу, лекин тўламаганлар учига чиққан муттаҳамми?

Маъмурий жавобгарлик тўғрисидаги кодексда йўл ҳаракати қоидаларига оид фақат 2 тагина қилмиш учун энг юқори 40 "минимал", яъни 10 млн 800 минг сўм жарима белгиланган. Бундан катта жарима йўқ. Булар:

1) транспортни бошқариш ҳуқуқи бўлмаган шахс маст ҳолда машина ҳайдаса;
2) тонировкани такроран рухсатсиз ўрнатса.

Илк марта рухсатсиз тонировка билан тушса 6 млн 750 минг сўм жарима қўлланади, бу маст ҳолда машина ҳайдаганнинг жаримаси билан бир хил.

Шу ўринда бошқа савол ҳам туғилади. Хўп, бу қулоқсиз ва маданиятсиз ҳайдовчилар тонировкани тегишли рухсат билан ўрнатса бўлмайдими? Нега улар тонировка учун қонунни бузади? Қонунларга ҳурмат қани?

Яхши ва мантиқли савол, албатта. Келинг, энди шу жойда яна оқибат ҳақида эмас, сабаблар ҳақида чуқурроқ ўйлаб кўрамиз.

Нега ҳайдовчилар тонировкани рухсатсиз ўрнатади?

Жавоб: чунки тонировка нархи мантиқсиз даражада ўта қиммат.

Масалан, ўша чироқчилик йигит Ласеттисининг олд ён ойнасини тонировка қилиш учун нақ 13 млн 500 минг сўм тўлаши керак эди. Орқа ён ойналар учун эса 1 млн 350 минг сўм.

Оддий соя учун бунчалар баланд нарх белгилагандан кейин, аксарият ҳайдовчилар рухсатсиз ўрнатишга ҳаракат қилиши табиий. Майли, кимдир зарурият учун, кимдир мақтаниш учун қилар, аммо факт шуки, мантиқсиз қонунларнинг ўзи фуқароларни қоида бузишга провокация қилади. Масалан, солиқлар қанчалик баланд бўлса, ҳамма солиқдан қочиб, яширин бозорга ўтиб кетганидек.

Энди сизда бошқа савол туғилиши мумкин. Хўш, нима учун ўзи нарх ва жарима бунчалар баланд ҳамда ҳалигача пасайтирилмаяпти?

Оҳ, бу ҳам жуда бир жойида берилган ўринли савол бўлди. раҳмат сизга. Келинг, яна оқибатларни эмас, сабабларни кўриб чиқамиз.

Нима учун ҳалигача тонировка ўрнатиш нархи ва жаримаси камайтирилмаяпти?

Жавоб: чунки бундан Ички ишлар вазирлиги манфаатдор, улар ҳар йили бир неча юз миллиард сўм бундан даромад олади. Шу сабабли ҳалигача нарх ва жаримани тушириш варианти кўриб чиқилмаяпти. Аввал ҳам бу ҳақида ёзган эдим. Ушбу пулларнинг бир тийини ҳам республика бюджетига ўтказилмайди, бунинг барчаси ИИВнинг махсус жамғармасига бориб тушади.

2019 йил августдан 2020 йил якунига қадар Ички ишлар вазирлигига тонировка ўрнатишдан жами 302 млрд 635 млн сўм (салкам 29 млн доллар) пул тушган. 2021 йилда бу рақам янада катталашгани аниқ.

Хўш, йўқ жойдан шунча пул тушиб турса, ким ҳам бунақа тилла тухум туғадиган ғозни бериб қўйгиси келарди?

Кўряпсизми, барчаси бир-бирига чамбарчас боғлиқ. Айб фақат фуқароларда эмас, мантиқсиз қонунларга ҳам бир қараб қўяйлик. ИМҲО.


@xushnudbek Ochish/sharhlash

2021-11-26 16:11:41 Бугун соат 20:00дан буён “АИ-80” маркадаги бензин 6890 сўмдан сотувга чиқарилади.

Бу ҳақда “Ўзбекнефтгаз” АЖ хабар берди. Республика ҳудудидаги “Ўзбекнефтгаз” АЖнинг барча АЁҚШларда бензин бўлиши таъминланади.


@xushnudbek Ochish/sharhlash

2021-11-17 22:58:02 18-NOYABR – O'ZBEKISTON RESPUBLIKASI DAVLAT BAYROG'I QABUL QILINGAN KUN

Davlat bayrog‘i O‘zbekiston Respublikasining 1991 yil 18 noyabrdagi 407-XII-sonli «O‘zbekiston Respublikasining Davlat bayrog‘i to‘g‘risida»gi Qonuni bilan tasdiqlangan.

O‘zbekiston Respublikasining Davlat bayrog‘i O‘zbekiston Respublikasi davlat suverenitetining ramzidir.

O‘zbekiston Respublikasining Davlat bayrog‘i xalqaro munosabatlarda O‘zbekiston Respublikasining timsoli bo‘ladi.

O‘zbekiston Respublikasining Davlat bayrog‘i — bayroqning butun uzunligi bo‘ylab o‘tgan to‘q moviy rang, oq rang va to‘q yashil rangli uchta endan tarkib topgan to‘g‘ri to‘rtburchak shaklidagi matodir.

Barchangizga davlatimizning asosiy ramzlaridan biri qabul qilingan kun muborak bo'lsin!

@advokat_yordam2 Ochish/sharhlash

2021-10-30 13:03:06 Тошкент давлат юридик университетига ўқишга киришда
тарих ўрнига ҳуқуқий фанлардан тест топшириш амалиёти жорий этилади
 
Бугунги кунда Тошкент давлат юридик университетига ўқишга киришда абитуриентлар 2 та бўлимдан иборат 5 та фан мажмуасидан тест синовлари топширади.

Бунда, 1-бўлимда барча йўналишлар учун мажбурий
3 та фан – Она тили (ўзбек, рус ёки қорақалпоқ тили), Математика ва Ўзбекистон тарихи;

2-бўлимда 2 та фан – Тарих ва Чет тили фанлари жамланган.

ТДЮУ Кенгаши 2023/2024 ўқув йилидан бошлаб мутахассислик блокидаги Тарих фани ўрнига ҳуқуқий фанларни киритиш тўғрисида қарор қабул қилди.

Яъни бу янгилик кейинги йилдан эмас, балки 2 йилдан кейин жорий қилинади. Бошқача айтганда ҳозир мактабда 11-синфда ўқиётганлар кейинги йил имтиҳонда тарихдан тест топширади, ҳозир 10-синфда ўқиётганлар эса 2023 йили тестда тарих ўрнига ҳуқуқий фанлардан тест топширади.

Маълумот учун: бугунги кунда мактабларида 4 йил давомида юқори синфларда Давлат ва ҳуқуқ асослари ҳамда Конституциявий ҳуқуқ асослари фанлари ўқитиб келинмоқда. Тест саволлари ушбу мактаб дарсликлари асосида тузилади.

Хабарда таъкидланишича, бу қарор мактабларда ҳуқуқий фанларни ўқитиш ривожига катта ҳисса қўшади, афсуски ҳуқуқ фанлари тест синовларида бўлмагани сабабли ўқувчиларда бу фанларни ўқишга қизиқиш йўқ. Эндиликда ёшлар мактаб давриданоқ ҳуқуқий фанларни ўқишга киришади, бу уларда ўқувчилик давриданоқ ҳуқуқий билимларининг ошишига туртки беради.


@xushnudbek Ochish/sharhlash

2021-10-28 23:06:48 Facebook kompaniyasi o‘z nomini Meta deb o‘zgartirdi

Mark Sukerberg yangi nom kompaniya nafaqat Facebook ijtimoiy tarmog‘i, balki WhatsApp messenjeri, Instagram ijtimoiy tarmog‘i, Oculus platformasi va boshqa servislardan iboratligini ta'kidlashini aytgan.

@advokat_yordam2 Ochish/sharhlash

2021-10-26 12:47:57 Sotib olingan avtomobilni rasmiylashtirish uchun undiriladigan yig'imlar bekor qilinadi!

@advokat_yordam2 Ochish/sharhlash

2021-10-26 12:46:47 Иккиламчи бозордан автомобил харид қилинганда уни бошқа шахс номига нотариал расмийлаштириш ҳамда ДЙҲХХда рўйхатдан ўтказишда тўланадиган давлат божи ва йиғимлар ставкаларининг юқорилиги қўплаб фуқаро ва сайловчиларнинг норозилигига сабаб бўлмоқда. Яқинда бу ҳақда кун.уз да ҳам бир нечта мақолалар эълон қилинганди (1, 2, 3).

Амалдаги “Давлат божи тўғрисида”ги қонунга асосан, автомобил олди-сотди шартномасини расмийлаштириш учун ундириладиган давлат божи транспорт воситасининг двигател қуввати (от кучи) ва ишлаб чиқарилган санасидан келиб чиққан ҳолда БҲМнинг 2 баробари (540 000 сўм)дан 10 баробари (2 700 000 сўм)гача этиб белгиланган. Бундан ташқари, нотариус пуллик хизматлари учун БҲМнинг 65% миқдорида (175 500 сўм) қўшимча тўловлар бор.

Шунингдек, сотиб олинган автотранспорт воситасини ДЙҲХХ (ГАИ)да рўйхатдан ўтказиш учун ҳам транспорт воситасининг от кучи ва ишлаб чиқарилган санасидан келиб чиққан ҳолда йиғим белгиланган. Автотранспорт йиғимидан ташқари, фуқародан сотиб олинган автомобилга янги қайд этиш гувоҳнома (техпаспорт)си, давлат рақам белгиси ва рўйҳатдан ўтказиш хизмати учун жами 621 000 сўм қўшимча тўловлар ундирилади.

Мисол учун, от кучи 105 бўлган ва ишлаб чиқарилган санаси 3 йилдан кўп бўлмаган Нексия автомобилини олди-сотди шартномасини нотариал расмийлаштириш учун 1 795 500 сўм, ДЙҲХХда рўйҳатдан ўтказиш учун эса 3 739 500 сўм, яъни жами 5млн. 535 минг сўм харажат талаб қилинмоқда.

Солиштириш учун, автомобилни тасарруф этиш ва сотиш ҳуқуқи билан бегона шахсларга бериладиган ишончнома (халқ тилида ген доверенност) учун белгиланган давлат божи БҲМнинг 3 баробари (810 000) сўм этиб белгиланган. Пуллик нотариус хизматлари билан қўшиб ҳисоблаганда ҳам бундай ишончнома жами 985 500 сўм харажат талаб этади. Шунингдек, ишончномаларни ДЙҲХХда рўйҳатдан ўтказиш талаб этилмайди.

Натижада, автомашина олди-сотдиси учун белгиланган юқори бож ва йиғимлар боис аксарият ҳолларда фуқаролар олди-сотди шартномасини расмийлаштиришни четлаб ўтиб, уни ишончнома орқали расмийлаштиришни маъқул кўрмоқда. Охирги йилларда нотариал идоралар орқали бегона шахсларга автомобилларни тасарруф этиш ва сотиш ҳуқуқи билан берилган ишончномалар сони кескин ошгани ҳам буни тасдиқламоқда.

Статистик маълумотларга кўра, 2017 йилда бегона шахсларга тасарруф этиш ҳуқуқи билан расмийлашган ишончномалар сони атига 20 996 та бўлган бўлса, бу рақам 2020 йилда 18 баробарга ошиб, 376 521 тага етган. Жорий йилда (2021 йил 18 сентябр ҳолатига) бегона шахсларга тасарруф этиш ҳуқуқи билан расмийлашган ишончномалар сони 324 721 тани ташкил этган. Шунингдек, нотариал расмийлашган автомобил олди-сотди шартномаларининг сони ҳам 2018 йилдаги 343 674 тадан 2020 йилга келиб 308 413 тага камайган.

Ушбу ишончномаларни катта қисми аслида олди-сотди шартномаси эканлиги инобатга олинса, бундай ҳақиқатга тўғри келмайдиган авто-битимлар мулк ҳуқуқи ва фуқаролик муносабатларида салбий оқибатлар келтириб чиқармоқда.

Биринчидан, ишончнома 3 йилдан ошмаган муддатга берилади ва хохлаган пайтида ишончнома берган шахс томонилдан бекор қилиниши мумкин. Иккинчидан, ишончнома берган шахс вафот этса ишончнома автоматик бекор бўлади. Учинчидан, ҳайдовчи томонидан йўл ҳаракати қоидалари бузилганда жарималар ишончнома берувчи номига келиб тушаверади ва турли низоларга сабаб бўлади.

Кўриниб турибдики, иккиламчи бозордан харид қилинган автотранспортни харидор номига ўтказиш учун белгиланган давлат божи ва ДЙҲХХда рўйхатдан ўтказиш йиғим ставкаларининг қайта кўриб чиқиш зарурияти бор.
Қолаверса, автомобил олди-шартномасини расмийлаштириш харажатлари камайса, уларнинг сони ошиб, давлат бюджетига ундирилиши кўзланган тушумлар миқдори ҳам ошади.

Юқоридагилардан келиб чиқиб, Молия вазирига 2022 йил учун давлат бюджетининг параметрларини шакллантиришда автомобил олди-шартномасини расмийлаштириш учун белгиланган тўловларр миқдорини пасайтириш имкониятини кўриб чиқишни сўраб, депутат сўрови юборилди. Шунингдек, парламентда бюджет лойиҳаси муҳокамаси бошланганда ушбу масалага алоҳида эътибор қаратиб, кун тартибига олиб чиқишга ҳаракат қиламан.

@D_Ganiyev Ochish/sharhlash

2021-10-25 15:54:24 #bizningprezidentimiz Ochish/sharhlash

2021-10-25 14:24:22 РАСМАН: Шавкат Мирзиёев 80,1% овоз билан иккинчи марта президентликка сайланди

Бу ҳақда Марказий сайлов комиссияси раиси Зайниддин Низомхўжаев расман маълум қилди.

24 октябрда бўлиб ўтган сайловларда номзодлар қуйидагича овоз олишган:

Шавкат Мирзиёев — 80,1%
Мақсуда Ворисова — 6,6%
Алишер Қодиров — 5,5%
Нарзулла Обломурадов — 4,1%
Баҳром Абдуҳалимов — 3,4%


@xushnudbek Ochish/sharhlash

2021-10-18 21:33:21 Эндиликда 3-курс талабалари ҳам мактабларда дарс бера олади.

Вазирлар Маҳкамасининг 2021 йил 15 октябрдаги 646-сонли қарори билан Вазирлар Маҳкамасининг 2005 йил 21 декабрдаги 275-сонли қарори билан тасдиқланган “Халқ таълими ходимлари меҳнатига ҳақ тўлаш тўзғрисида”ги низомнинг 8-бандидаги “4-курсида” сўзлари “4-курсида, педагогига йўналишларида кундузги, кечки, сиртқи бўлимларининг 3-курсида” сўзлари билан алмаштирилди.

Шундай қилиб 8-банд қуйидаги кўринишга келди:

“Олий таълим муассасасининг “4-курсида, педагогига йўналишларида кундузги, кечки, сиртқи бўлимларининг 3-курсида ўқиётган шахслар педагоглик ишини амалга ошириш учун қўйилиши мумкин ва уларга ўрта махсус, касбий маълумотга эга бўлган тегишли лавозимдаги ходимнинг базавий тариф ставкаси сингари базавий тариф ставкаси белгиланади”.

Шу пайтгача олий таълим муассасаларида ўқиётган талабаларга фақатгина 4-курсга келибгина мактабларда дарс бериш ҳуқуқи берилган эди.

Демак, эндиликда халқ таълими тизимидаги мактабларда педагогига йўналишлари бўйича кундузги, кечки, сиртқи бўлимларининг 3-курсида ўқиётган талабалар ҳам дарс бериши мумкин бўлмоқда.

Фақат уларга ўрта махсус, касбий маълумот даражасидаги базавий тариф ставкасига тенг иш ҳақи ҳисобланади.

Эсласангиз, биз ҳам айни шу масала бўйича ўтган йили декабрь ойида айнан мана шундай таклиф берган эдик. Таклифлар эътиборсиз қолдирилмагани учун мутасаддиларга ташаккур.

Дўстларимиз ҳам бу масалага алоҳида тўхталибди.

@yuristkadr Ochish/sharhlash