ABU HANIFA.UZ

2022-08-26 15:12:50 #ҲАДИС

Ториқ ибн Шиҳоб розияллоҳу анҳудан ривоят қилинади:

«Набий соллаллоҳу алайҳи васаллам: «Жамоат ила Жума (ўқимоқ) ҳар бир мусулмонга ҳақдир, вожибдир. Магар тўрт киши – мамлук, яъни, қул, аёл киши, ёш бола ва бемор мустаснодир», дедилар».

Абу Довуд, Байҳақий ва ал-Ҳоким ривоят қилган.

Яқинларингизга ҳам улашишни унутманг!
https://t.me/ABUHANIFA_UZ Ochish/sharhlash

2022-08-26 03:09:35 #Жума_муборак

Нурлардан яратди фаришталарни,
Мўминларга атади гўзал жаннатни.
Aзон садосидан мамнундир фалак,
Меҳрибон диндошим жума муборак.

Яқинларингизга ҳам улашишни унутманг!
https://t.me/ABUHANIFA_UZ Ochish/sharhlash

2022-08-26 03:07:25 ЖУМА АЙЁМИНГИЗ МУБОРАК БЎЛСИН!

“Эй иймон келтирганлар! Жума куни, намозга нидо қилинган пайтда Аллоҳнинг зикрига шошилинг ва савдони қўйинг. Агар билсангиз, ана шу ўзингиз учун яхшидир” (Жума сураси, 9-оят).
Бу ояти карима жума намозининг фарзлигини таъкидлаб келгандир.

“Жумъа” сўзи арабча бўлиб, “жамлаш” деган маънони англатади. Чунки бу кунда мусулмонлар жамланиб, жума намозини ўқийдилар. Жума куни инсоният тарихида ўта муҳим ҳодисалар бўлиб ўтган. Буларни эслаш, улуғлаш, улуғ неъмат деб билиш учун ҳам бу кун байрам қилинади, тўпланиб ибодат, дуо, зикр ва илтижолар адо этилади.

Абу Ҳурайра розияллоҳу анҳудан ривоят қилинади: Набий соллаллоҳу алайҳи васаллам:
“Қуёш чиққан куннинг энг яхшиси жума кунидир. Унда Одам халқ қилинди. Унда у жаннатга киритилди. Унда жаннатдан чиқарилди. Қиёмат ҳам фақат жума куни қоим бўлур”, дедилар.
Имом Муслим ривояти.

Яқинларингизга ҳам улашишни унутманг!
https://t.me/ABUHANIFA_UZ Ochish/sharhlash

2021-12-18 15:58:22 #Ўтказиб юборманг! Бугун "Ўзбекистон" телеканалида Намангандаги “Юсуфхон ўғли Қосимхон” масжидидаги маърифий суҳбатлар намойиш этилади

Хабарингиз бор, шу йилнинг 16 декабрь куни Ўзбекистон мусулмонлари идораси раиси, муфтий Нуриддин домла ҳазратлари Наманган вилоятига ташрифлари давомида Наманган шаҳридаги инновацион шаклда қурилган “Юсуфхон ўғли Қосимхон” жоме масжидига пешин намозига ташриф буюрдилар.

Муфтий ҳазратларининг файзли суҳбатларини бугун, 18 декабрь соат 19-05 да "Ўзбекистон" телеканалида кўриб баҳраманд бўлишингиз мумкин.

Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar

Дўстларингизга ҳам улашинг:
https://t.me/ABUHANIFA_UZ Ochish/sharhlash

2021-12-18 15:54:15 МУФТИЙ ҲАЗРАТНИНГ АСАКА ШАҲРИДАГИ "ХОЛИД ИБН ВАЛИД" ЖОМЕ МАСЖИДИГА ПEШИН НАМОЗИ ВАҚТИДАГИ ТАШРИФЛАРИ

Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar

Дўстларингизга ҳам улашинг:
https://t.me/ABUHANIFA_UZ Ochish/sharhlash

2021-12-18 15:49:22 #Фотолавҳа: Муфтий ҳазратлари "Холид ибн Валид" жомесида пешин намозида минглаб асакаликларга фарзанд тарбиясидаги энг муҳим масалалар ҳақида суҳбат қилиб бердилар

ФОТОЛАВҲАЛАР

#Андижонга_ташриф
Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar

Дўстларингизга ҳам улашинг:
https://t.me/ABUHANIFA_UZ Ochish/sharhlash

2021-12-18 08:17:34 #Ҳадис

“Расулуллоҳ соллаллоҳу алайҳи васаллам бир куни қўлимдан ушлаб, “Эй Муоз, Аллоҳга қасамки, мен сени яхши кўрурман», дедилар. “Эй Аллоҳнинг Расули, ота-онам сизга фидо бўлсин, Аллоҳга қасамки, албатта, мен ҳам сизни яхши кўраман», дедим. У зот: “Эй Муоз, мен сенга ҳар бир намоздан кейин «Аллоҳумма аъинни ала зикрика ва шукрика ва ҳусни ибадатика” дейишни тарк қилмаслигингни тавсия қиламан”, дедилар”.

Имом Абу Довуд ва Имом Насоий ривоят қилганлар.

Дуонинг маъноси: “Аллоҳим, Сени зикр қилишда, Сенга шукр қилишда ва Сенга гўзал ибодат қилишда менга ёрдам бер”.

Дўстларингизга ҳам улашинг:
https://t.me/ABUHANIFA_UZ Ochish/sharhlash

2021-12-18 05:49:44 #кун_ҳадиси

عَنْ أَنَسٍ قَالَ: فُرِضَتْ عَلَى النَّبِيِّ لَيْلَةَ أُسْرِىَ بِهِ الصَّلَوَاتُ خَمْسِينَ ثُمَّ نُقِصَتْ حَتَّى جُعِلَتْ خَمْسًا ثُمَّ نُودِيَ يَا مُحَمَدُ إِنَّهُ لاَ يُبَدَّلُ الْقَوْلُ لَدَىَّ وَإِنَّ لَكَ بِهَذِهِ الْخَمْسِ خَمْسِينَ. رَوَاهُ الْخَمْسَةُ إِلاَّ أَبَا دَاوُدَ.

Анас розияллоҳу анҳудан ривоят қилинади:
«Набий соллаллоҳу алайҳи васалламга Исро кечасида эллик вақт намоз фарз қилинди. Сўнгра қисқартирилиб, беш вақтга келтирилди. Кейин эса:
«Эй Муҳаммад, албатта, Менинг ҳузуримда гап ўзгартирилмайди. Албатта, сенга ушбу бештада элликтанинг (ажри) бор», деб нидо қилинди».
Бешовларидан фақат Абу Довуд ривоят қилмаган.

Дўстларингизга ҳам улашинг:
https://t.me/+9Ugyf6i2YgNhNGRi Ochish/sharhlash

2021-12-18 04:08:47 بِسْــــــــــــــــــــــمِ ﷲِالرَّحْمَنِ الرَّحِيم

Ассалому алайкум ва роҳматуллоҳи ва барокатуҳ!
┈┈┅━••❈•✧•✾•••❁•••✾•✧•❈••━┅┈┈
Бугун ҳафтанинг, шанба куни

18 - декабр 2021й.
13 - Жумодул аввал 1443й.

Ё РОББИЙ!

Бу тонгни раҳмату марҳаматингдан насибадор бўлган ҳолда, гуноҳлари мағфират қилинган, жаҳаннамдан озод бўлган бандаларинг қаторида қарши олишимизни насиб айла!

Улуғ кунларнинг фазлидан, дуоларимизнинг шарофатидан ота-оналаримизни, аҳлимиз, зурриётларимиз, ёру биродарларимиз, қавму қариндошларимиз, жамийки мўмин-мусулмонларни афву мағфират қилгин, икки дунёда саодатмандлардан бўлишлигимизни таъминла, Райён жаннатингдан жой эҳсон эт, энг олий мартаба – Жамолингни кўришга мушарраф айла!!!

Тонгингиз хайрли, кунингиз мазмунли бўлсин!

«ABUHANIFA.UZ» расмий каналини дўсту яқинларингизга ҳам улашинг!
┈┈┅━••❈•✧•✾•••❁•••✾•✧•❈••━┅┈┈
«Ва эслатинг. Албатта эслатиш мўмин- ларга манфаат берур»
(Зориёт сураси 55-оят.)

Каналимизга уланиш учун қуйдаги линкни босинг!

https://t.me/ABUHANIFA_UZ Ochish/sharhlash

2021-12-17 19:28:46 ​ Муфтий ҳазратлари Асака шаҳридаги "Холид ибн Валид" жоме масжидига 18 декабрь куни пешин намозига ташриф буюрадилар

Эртага, 18 декабрь куни муфтий Нуриддин домла ҳазратлари Андижон вилояти Асака шаҳридаги "Холид ибн Валид" жоме масжидида пешин намозини адо этиб, мавъиза қилиб берадилар.

Хабарингиз бор, шу кунларда Ўзбекистон мусулмонлари идораси раиси, муфтий Нуриддин домла ҳазратлари водий вилоятларида бўлиб турибдилар.

Муфтий ҳазрат ташрифлари давомида 16 декабрь куни Наманган шаҳридаги инновацион шаклда қурилган “Юсуфхон ўғли Қосимхон” масжидига пешин намози, Қўқон шаҳрида 17 декабрь янги қурилган “Ҳазрати Аббос” жомесига жума намозига ташриф буюриб, минглаб мўмин-мусулмонларга бугунги куннинг муҳим мавзуларида қалбларга роҳат берадиган мавъизалар қилиб бердилар. Шунингдек, ташриф асносида имом-хатиблар, соҳа ходимлари билан учрашувлар ўтказмоқдалар.

Айни вақтда муфтий ҳазратнинг Фарғона вилоятига ташрифлари якунланиб, Андижон вилоятига йўл олдилар.

Муфтий ҳазратнинг ташриф ва суҳбатларини сайт ва ижтимоий тармоқларимиз орқали кузатиб боринг.

Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar Ochish/sharhlash