2022-09-30 12:09:59
#Бизнинг_шундай_ўқувчиларимиз_бор
Aslida, ustoz uchun eng katta yutuq – bu shogirdlarining yutug‘i, muvaffaqiyati. Ularning kamoli va kelajak sari tashlagan ishonchli odimi. Chunki bu yutuq ortida har bir ustozning o‘lchab bo‘lmas mehnati, mehr-muhabbati va tengsiz bilimlari yotibdi.
Shu ma’noda,
1-oktabr – O‘qituvchi va murabbiylar kuni arafasida Abdulla Oripov nomidagi ijod maktabining 8-sinf o‘quvchisi
Zubayda Ahmatova yuqorida biz ta’rifini keltirgan yutuqni ustozlariga taqdim etdi.
Ma’lumki, “Milliy tiklanish” demokratik partiyasi hamda bolalar va o‘smirlar nashrlari – “Tong yulduzi”, “Klass”, “Bolalar sporti” gazetalari, “Gʻuncha” hamda “Gulxan” jurnallari hamkorligida o‘quvchilar o‘rtasida “Yozgi ta’til - “Milliy tiklanish” bilan!” loyihasi doirasida insholar tanlovi e’lon qilingan edi.
Bugun tanlov g‘oliblari va ularning ustozlari Toshkent shahrida yig‘ildilar. O‘zbekiston Respublikasi Oliy Majlis Qonunchilik palatasida tanlov g‘oliblarini taqdirlash marosimi bo‘lib o‘tdi.
Tanlov g‘oliblarining partiya Markaziy kengashi raisi
Alisher Qodirov hamda tanlov ekspert guruhi a’zolari bilan ochiq muloqoti o‘tkazildi.
A.Qodirov o‘quvchilarni g‘oliblik bilan, ularning ustozlarini
1-oktabr – O‘qituvchi va murabbiylar kuni bilan tabrikladi.
Ma’lumki, tanlovga 7000 dan ziyod insholar kelib tushgan, Shuningdek, tanlovda umumta’lim maktablari bilan bir qatorda Prezident maktablari, ijod maktablari, ixtisoslashtirilgan ta’lim muassalari o‘quvchilari ham o‘z ijodiy ishlari bilan ishtirok etishdi.
Quvonarlisi,
Zubayda Axmatova g‘oliblar safidan o‘rin egalladi. Barcha g‘oliblar “Aqlli soat” hamda sertifikat bilan taqdirlandi. Bolalar va o‘smirlar nashrlari hamda “Milliy tiklanish” gazetasiga bepul obuna qilindi.
O‘z navbatida,
Zubayda Axmatova va uning ustozlarini mazkur yutuq bilan tabriklaymiz!
Abdulla Oripov nomidagi ijod maktabi matbuot xizmati
Bizni ijtimoiy tarmoqlarda kuzatib boring |telegram
| web sayt| facebook| youtube |Instagram
43 viewsY.Kamalovna, 09:09
М
