ФАРЗАНДИНГИЗ НИМАДАНДИР ҚЎРҚМОҚДА. Психолог қабулидан бир л | Zebiniso Ahmedova — psixolog blogi

ФАРЗАНДИНГИЗ НИМАДАНДИР ҚЎРҚМОҚДА.

Психолог қабулидан бир лавҳа:

Менинг қабулимга ҳаяжонланган, ҳавотирланган ва нима қилишини билмаётганидан эсанкираб қолган бир она келди. У 35 ёшда, учта фарзанднинг онаси. Оиласи тинч, оила бошлиғи ота болаларига меҳрибонлигини айтиб ўтди. Оиладаги ўрта фарзанд 11 ёшли ўғил бир ойдан буён уйда бир ўзи қўрқаётганлигини айтмоқда. Агар она бирор юмуш билан ҳовлига чиқса, бола югуриб онасининг орқасидан чиқаяпти. «Нимага қўрқаяпсан?» ва «Қўрқма!» деган гапларни гўё эшитмасди. Дам олиш кунлари чўмилиб олиш кераклиги айтилганида бола бирор нарсани баҳона қилиб бир ўзи ҳаммомга кирмаётгани ҳам маълум бўлди.

ФАРЗАНД НEГА ЎЗИНИ БУ КАБИ ТУТМОҚДА?

«Шундан ҳам қўрқасанми!», «Э сен қўрқоқмисан!», «Вой, ношудей!» деб болани қўрқаётганини тушунмаслигингиз муаммонинг ечими эмас. Бу нарсани тан олишингиз керакки, фарзандингиз қўрқувдан қийналмоқда. Тушунингки, у сиз эмас, у ҳали ўз номи билан боладир.
Ўз болалигингизни эсланг. Сиз ҳам нимадандир қўрққан эдингизку. Ёки сизнинг ўртоғингиз, мактабдаги синфдошингиз нимадандир қўрққанини ёдингиздан чиқармагандирсиз. Аввало, фарзандингиз бу қўрқувдан қийналаётганлигини ва сиз бу ҳолда унга ёрдам беришингиз кераклигини тушунинг. Болалар ичида баландликдан қўрқиш, лифтга чиқишдан қўрқиш, қоронғуликдан қўрқиш, момоқалдироқдан қўрқиш каби ҳолатлар мавжуд. Боланинг онги ривожланар экан, унинг тававвури ҳам кенгайиб боради. Масалан, қоронғуликда ҳеч нарса кўринмаслиги у ерда бор нарсаларни кўра олмаслигинг дегани бўлса, демак, у ерда бирор нарса бўлиши мумкун деб ўйлайди бола психикаси. Ўша қоронғуликнинг ичидаги бўлиши мумкин нарсаларни тасаввур қила бошлайди. Боланинг онгида пайдо бўлган хилма-хил тасаввурларга чек қўйиш ва нотўғри деган қарор ва ўзини ишонтиришга иродаси етмаётганлиги кўринади. Қанчалик боланинг тасаввур қилиш қобилияти кенг бўлса, у шунчалик бу қўрқувлар исканжасига тушиши эҳтимоли кўпроқ. Аммо, ҳурматли ота-она қўрқмаслиги керакки, фарзандингиз бу муаммони енга олади. Чуқур қўрқувларда психолог маслаҳати лозим.

Кичик ёшли болаларда дунёни тушунишга билим доираси камлик қилганлиги учун ҳам қўрқувлар пайдо бўлади. Бу ёшдаги қўрқувларда ота-она билим бериши лозим. Нега кучукдан қўрқиш кераклигини ўргатиши керак албатта. Агар фарзандингизда кучукга нисбатан қўрқув туйғусининг бўлмаслиги хавфли ҳолат, унинг олдига бориш ва кучук тишлашига сабаб бўлиши мумкин. Аммо, кучукдан қўрқиш кераклиги ундан йироқлашиш кераклигини тушунтириб беришингиз керак. Кучукнинг яхши фазилатлари ҳақида билим бериб боришингиз керак бўлади. Фарзандда қўрқувнинг борлиги бу нормал ҳолат, аммо унинг меёр чегарасидан чиқиб руҳий азоб бериб касалланиш даражасига етиб боришини олдини олишимиз даркор.

Қўрқувнинг қайси даражада эканлигини ота-она аниқлаши мушкул. Шунинг учун фарзандингиздаги қўрқувни пайқадингизми, болангиз билан гаплашинг. Агар бу қўрқувни ўзи ёки сизнинг ёрдамингизда енга олмаслигини тушунган бўлсангиз албатта психолог ёрдамидан фойдаланинг. (Бизга мурожаат қилинг!)

НИМА ҚИЛИШ КEРАК?

Бу хақда «Фарзанд тарбиясидаги мураккаб ҳолатларда психолог ёрдами» китобимдан ўқиб оласиз.

Болалар қўрқувида бизга мурожаат қилинг:
+998908055580
+998909444612

Фарзандингизда муаммо - бизда ечим.

Youtube саҳифа

Каналга уланиш: @zebinisopsixolog